Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 18

Dub Dá Thúath: Diambad messe bad rí reil

    1. {MS folio 147b} DIAmbad messe bad rí reil
      nocho chingfind ceim dar cert
      nochon isligfind dom smacht

      18670] combad chomaltach mo recht.
    2. Ciapsa raithenach im rath
      nipsa conderclech ar creich
      ní innisfind i fail ban
      in scél bad áil dam do chleith.

    3. 18675] Ni cen chimmbedu no beind {MS folio 147b 5}
      do maccaib Fer Lugach lonn
      muire icna bít géill i ngill
      is é in lind i coire toll.
    4. Tecosc Cormaic is cor ngaeth

      18680] ar Cairpre Liphechair luath
      in chrech do chudnud na ngiall
      a n-as dech do triall na túath.
    5. Tairnem na diumsa ro dlecht
      is cert ro chan dún in bricht

      18685] connach fagbad foisam latt {MS folio 147b 10}
      cid do mac no thisad fritt.
    6. Rí Lethi Cuind cungid chain
      co ríg Cassil cruind na cuan
      na tucsu do ar Ruadán rán

      18690] is ferr trú anda truagan truag.
    7. O tharnaic comairli ind noíb
      nirb amnirt aicned don ríg.
      rop ferdu in t-apstal ond íath
      fossugud na ngiall ina tír.

      8. p.609


    8. 18695] Inas ferr flatha fria ré {MS folio 147b}
      {MS folio 147b 15} firinni trocaire tua.
      inas messo d'inchaib ríg
      sechmell ar fír fuilled gua.
    9. Trí gáre buada do ríg

      18700] ina thir ro fiabsat feib;
      {MS folio 147b 20} gair choscuir chruaid.
      gair molta muaid. gair im fleid.
    10. Tri gári dimbuaid do flaith.
      gáir glám dia guin cid cian gair

      18705] gair a ban i nnamat maidm
      gair a muntire iar maidm fair.
    11. Sluindfet a thrí buada ar bith
      cech ócthigirn for rith raith
      fognom n-oiged airet bís

      18710] tirgnam do chill cís do flaith
    12. Tri meth ócthigirn mass ed
      cairig na thech cech than
      a banchumal im raind ris
      & urland a liss d'ar.

    13. 18715] Cech ardiumsach ra buí riund {MS folio 147b 25}
      is fán athissech fa rír;
      uasliu cech rád rí cech slán
      is ferr cech dal dia tic síd.
    14. Inas gurmu rudrad ríg.

      18720] gím do dáil dath funchi fúar
      fordath lúi lon lugi ban.
      bláth brunni ban brosnad gual.
    15. Gilithir firinni ic flaith
      scraiph sceas tond taidbsi lir;

      18725] taitnem bruit gési ri gréin {MS folio 147b 30}
      bláth snechtai ar sleib snaschur sin.

      16. p.610

    16. {MS folio 147b} Saithech cech ainmnetach aitt
      cech meic a chiall acht co tic;
      dar éis a cuind di cech mnaí

      18730] o ca ch sin atlaí a gaís nglic.
    17. Cetharda dlegair do flaith
      corop maith do siu & tall
      síd i tuathaib termon cell
      aisc for fell fortacht na fann

    18. 18735] Is ferr síd sochocad sruith {MS folio 147b 35}
      ni ar lín óc brister cath
      ferr id éra astas ech
      a ellma as dech do cech rath.
    19. A rrigni is messu don gaís

      18740] amal concren suthi sos
      dond abba benair in cís
      cid fota fegair cech nos.
    20. Druth cech mer miannach cech baeth
      {MS folio 147b 40} brocach cech saeth serb cech gnath.

      18745] gel cech nua. lond cech scíth
      ní hinunn frith fogeib cach.
    21. Is cert caich amal a nert
      celid serc ainble & olc
      noco bí tuli cen tart

      18750] is súail ní is budi ri bocht
    22. In bith is bith cáich ar úair.
      ní fil flaith acht Fiado fír
      curi cen chend cruit cen cheis
      samail na tuath deis a rríg.

    23. 18755] Is suí cech sothinchoisc slán {MS folio 147b 45}
      cen gair cech fan imtheid len;
      athig i comairli ríg
      mairg tír i tic in scél.

      24. p.611

    24. {MS folio 147b} Scriss fora mét ni geib greim

      18760] ni cluchi mad tind ra tuind
      tren talam cech bali is tend
      uasliu in cend andait na buill.
    25. Doberar faill for mbec mbuair
      atchota mac trebar tír.

      18765] is fiach o geltair ri nech {MS folio 147b 50}
      is fairchi breth briathar rig
    26. Ro scailed do chach a ord
      is borbb nad aithgiuin a cheird.
      ferr uma cech aicdi aird
      18770] cé théit muga. ní geib meirg
    27. {MS folio 148a} Mac ind abbad issin cill
      is e grind gonas mo chíall;
      mac in trebthaig issin tír
      mac ind ríg do naidm na ngiall.

    28. 18775] Mac in tair a llus in táil
      do chumma in chláir ina chirt.
      mac in goband cosin ngúal
      ass e a dúal dechrad dia slicht.
    29. {MS folio 148a 5} Mac in chornaire fon corn

      18780] mac ind laích a llus na n-arm
      mac in chlerig arin cuairt
      do gabail co suairc na salm.
    30. Mac in chruittiri fón cruitt
      iss ed nachass luitt moalle.

      18785] mac na cerdda cosin céir
      mac in lega leic liaig de
    31. Mac in timpanaig na tét
      iss e a bés gabail gres glan.
      {MS folio 148a 10} mac in murige cosin muir

      18790] mac inn airim icond ar.

      32. p.612

    32. {MS folio 148a} Mac ind filed cosin dán
      mac in druith a llus glám ngér
      mac in medamain cen meth
      cach conorruith breth a bél

    33. 18795] Mac ind foglada con ulc
      a purt for a port tiar is tair;
      Mac in chírmaire a llus chír
      mac in chirb is é a bés guin.
    34. {MS folio 148a 15} Ni rodam nad beir a roí

      18800] ní suí nád athgiuin fa dí
      is don bratan dothaet eó
      is don maccan dothaet rí
    35. Nacham ruca Demon leis.
      For a clais tened cona thess

      18805] rach ara theiched timchull cross
      siu doneither in mess. D.
    36. Firinni flatha rofess
      tress dobeir na catha for a cess.
      {MS folio 148a 20} dobeir in mblicht sin mbith.

      18810] Dobeir in n-ith is in mess. D.

p.613