Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 16

18380] {MS folio 146b} Ailill Ulom cecinit.

1. BEIR mo scíath sceo fri úath
   breo fri bruach bruichnech bedg;
   co rraib ar cliu Chormaic Cais.
   fornairt fri frais flannruad ferg.
2. 
   18385] Fid fo coidled comfuaim ngliaid
   gualaire laích ludite frais;
   smerdnide smir guala guirm
   buale thiug tuirn tulcid ass.
3. {MS folio 146b 5} Adlaichda a ascin ri fraig.
   
   18390] co ngaib óm fodbrond com ó
   dia mboí Cú Ruí na nirt niad
   ropad sciath dingbala dó
4. Dítnid tri choicir i cath
   chroderg á clách cailgg fria fraicc;
   
   18395] talla mucc messa a caill choir
   is laind óir Ienas dia slaitt.
5. Is lámaire laich i llurg
   co ngés badb dia burd dia blai
   {MS folio 146b 10} ri hadart tend tricc mad truit
   
   18400] ni gabat greim grip guip gai.
6. Mo gai mo chlaideb mo scíath
   ar cech n-aí ni fiach fir thaiss
   ni duthracht fir maíthlaim meirb
   dom seilb for seilb Cormaic Cais.
7. 
   18405] Ro choisc cumu mo chliathaig
   ní iarfaig Eogan mo chró
   fer détla Cass claidib glaiss
   bid lais cenco duthracht dó

---

p.599

8. {MS folio 146b} Mo da dergsleig mo chlaideb
   
   18410] mo scíath fo sceo cumale; {MS folio 146b 15}
   m'ech mo charpat mo chathbarr
   mo gathland inn umaide.
9. Uch mo chride is cirbbide
   m'feoil da seche is sí om;
   
   18415] is seinm cruitte dara hamarc
   síd a charat ri Mac Con.
10. Cluiche tond trethnach.
    bethir bethrach breo co neim
    {MS folio 146b 20} iarthar mná iarthar mairc mais
    
    [...]
    >
11. 
    [...]
    >
    
    18420] gop con gop gai glais fomgeir
    tóeb do thabairt riu is dar timna
    iss é tigba intí dobeir.
12. Dobiursa innamail coir
    tungim nóil fom arm dric dron.
    
    18425] connach córu dia charait
    toeb do thabairt ri Mac Con.
13. Mac Con mac laechda Lugaid
    is ar phudair is deitchi;
    {MS folio 146b 25} ormsa imroet ulairt
    
    18430] imrubairt armo séitchi.
14. Mo secht meic ros marb Mac Con
    iss e a ngol nglechrach ngarg
    Dub Mercon. Mug Corp. Eogan.
    Lugaid. Echaid. Dichorp. Tadc.
15. 
    18435] Temair is athan cen Art
    imrualaid bratt dar grein;
    ro tharngirset na druide
    dosficfad uíge do chéin.

---

p.600

16. {MS folio 146b} Concicher Cass cluiche maith
    
    18440] dofaesat leis laich don leirg. {MS folio 146b 30}
    acht mad Mac Con & Cairpre
    ni fuil arna fairpre a feirg.
17. Athnascfid Cass coma ngiall.
    bid lais riam rad co faidc
    
    18445] ó inbiur Atha Cliath chruind
    co Tech nDuind iar nHeirind aird.
18. Apair ri Cass cunged smacht
    noco gnáth gart cen serbe
    {MS folio 146b 35} nucu maith ri acna bít géill
    
    18450] noco maith geill cen geimle.
19. Is gat fás flaith cen giallu.
    ni laech meni trialla treóir
    nocon ed chobras na tíre.
    naidm na ríge ar cind in meóir.
20. 
    18455] Is mairg ances a bidbaid
    inn inbaid do chora i llén;
    ní hí in chomairle mada
    iss ed roda scara in scél.
21. {MS folio 146b 40} Tanic Art chucum d'iasacht
    
    18460] mo secht mac.
    da ternad Eogan ar set
    barfaelsaind éc mo sé mac.
22. Mairg teit ar iasacht
    i cath is cor anma i mod.
    
    18465] ro mertsa dar es mo neirt
    aithle mo meic is Meic Con.
23. Rom chachtsa cuma Eogain.
    dochuaid ar ciabair mo chiall
    {MS folio 146b 45} orom fadéin ro thrascrus
    
    18470] nach ocum fadéin ro thascius Cian

---

p.601

24. {MS folio 146b} Bad orbba claidib ocut
    atchluinfet Scuit sceóil a airm.
    nocho bia maith ar détin
    bad Cass ar écin a ainm.
25. 
    18475] Ardomrullasa mo bith.
    atchiu is dom rith domraífes
    domní dríamail cacha tias
    in coí chías mo laíches.
26. Scret ro rinn
    
    18480] cnet nach cinid sceo fri niad
    doí fri doí
    ferfaid broí beir mo sciath. B.

p.602