Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 13

CLanna Ailella Uluim uill

1. {MS folio 145b} CLanna Ailella Uluim uill
   {MS folio 145b 50} uas daigerbla dechardruing
   
   18270] ba hé a llín co nglórmud gel
   da nonbur & oenfer.
2. {MS folio 146a} Secht meic Sadba sluinte lat.
   co ngleic glanda galecrat.
   dingile druing detlad gail.
   
   18275] ingine Cuind Cétchathaig.
3. A n-anmand cen bertbrón mborb
   Tidell Mercon Mog Corb.
   Eogan ro triall togail tlacht.
   Cian Conalb is Chass Cormac.
4. 
   18280] A dó da cóic iarum and. {MS folio 146a 5}
   fó fóit fri fiadmod fedmand;
   co ngnathbrethaib & gail.
   ó mathrechaib écsamlaib.
5. Uillend Errind athgnath oll.
   
   18285] Tigernach Mathrach Macoll.
   Mac Malleon ba a thli.
   Corba & Crochaini.
6. Cethri hEchdaig aidbli ág
   fri srethblaid & sográd;
   
   18290] uas Chliu co tadbríg a treb. {MS folio 146a 10}
   ba fiu ardríg cech oenfer.

---

p.593

7. {MS folio 146a} Eochoid Fer Eich amra a gné
   Eochaid adma Oréne.
   Eochaid Bia bladach robba.
   
   18295] Eochaid togach Toebfota.
8. Dibaide ind fian aichre alt.
   acht Eogan. Cian. is Chormac.
   nirb fand fri glanella gluind
   a chland Ailella Uluim. C.

p.594