Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 12

{MS folio 145b} Fland cecinit.

    1. {MS folio 145b 20} Mugain ingen Chonchraid chain
      meic Duach din desMumain;

      18210] ro chren fialgarta cen feill
      ben Diarmata meic Cerbaill.
    2. Cachtsus rosacht in rigain.
      ba fossalt co firdígail
      uair ni tharmaltad a suth

      18215] co tarmartad a llecud
    3. And dolluid ba gialtach gnia
      ua feig Fiatach Finnia;
      {MS folio 145b 25} i n-iath mBregmaige co mblait
      coar ndegduine co Diarmmait.

    4. 18220] Dolluid dochum in ríg rúaid
      cen dochond is cen dimbuaid;
      nabad band bacalt a blad
      and rod n-attacht in rigan.
    5. Radsis ris ranic a less.

      18225] ní no íccad a hanccess;
      dia cloí bad gell co nglicci
      ar baí trell i n-ambriti.
    6. {MS folio 145b 30} Ros bennach Finnia féig
      combad chennach dia comréir;

      18230] assa chuch dorrodáil dig
      don mnaí forrain etrachtgil.
    7. Iarom ba halacht Mugain
      slanalt roda samsubaig;
      co mbert úan ropo deilm di

      18235] narbo dúal do deilb duni

      8. p.591

    8. {MS folio 145b} De ro dubaig dar gruad nglan.
      Mugain múad in morrigan;
      {MS folio 145b 35} ferr lea a fethim cen chlaind ceirt
      andas cethir do compeirt.

    9. 18240] Na síreclaig de ar Dia.
      ar in fírecnaid Finnia.
      tarraid cossecrad do brond
      in t-úan álaind etrachtoll.
    10. Iarom ba halacht in ben

      18245] ropo analt n-airmiten;
      é maccan ro lamnad de
      bratan álglan airgdide.
    11. {MS folio 145b 40} Audbrais do Finnian fondglan
      ar Dia dia ndegfognad

      18250] a bratán uas brí cia pé
      is maccan di dia eise.
    12. Dogníth la Findbarr fúaim nglan
      cumtach ndindmall ndegfethal.
      ba blattdál cen brón cia bé

      18255] do bratan mor Mugaine.
    13. Co mbert Mugain mó cech claind.
      do mac cóir chubaid Cerbaill
      {MS folio 145b 45} iarum os róen ruamach re.
      in nAed saer sluagach Slane.

    14. 18260] Segait for nert Fotla fia.
      feib dorairngert Finnia.
      in glonda glórda im gním ngaile
      clanna mora Mugaine. M.
    15. Is sí seo cen bétblaid mbrath

      18265] cétfaid araile senchad
      cona hollaltaib cen ail
      ba de Chonnachtaib Mugain. M.

p.592