Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 10

{MS folio 143a} Gilla in Chomded hua Cormaic cecinit.

    1. {MS folio 143a 40} ARÍ richid reidig dam
      tria gné n-eimid n-eladan
      aithle na cesta ndúr ndub.

      17730] iar n-urd túir a tuaslucud.
    2. Amal ra chansam cech cert.
      diaid i ndiaid ní lathar lesc;
      ica n-érniud iar lurg lir.
      cóir iar n-urd a n-innisin.

    3. 17735] Tuaid sin Scithia scél ngle
      cetna ragbad riam rige;
      {MS folio 143a 45} Tanais in rí óc út
      i comremis ri Sarúc.
    4. Tempul de marmair grind glain.

      17740] is d'órlecaib logmairib
      uasin tur cu cían cuimnech.
      ragní Nebroth nertbuidnech.
    5. Iss ed ra theich cu Persaib.
      Nebroth fuachda in fersin.

      17745] tuc forru ar tús adrad ed.
      co fír sirbuan sirthened.
    6. {MS folio 143a 50} Cétdruí in domuin ri fath fiss.
      doba ainm Torastris;
      darochara Nín mac Béil.

      17750] in druisin amnas co n-aithcheil.
    7. I n-amsir Fer mBolg os Bóinn.
      & Ioseph meic Iacóib.
      {MS folio 143b} cétsílad gort Gréc co ngus
      darba rí Canét ar tus.

      8. p.575


    8. 17755] Rasil cruthnecht cu lluath lir. {MS folio 143b}
      in t-itech tren Triptolim
      {MS folio 143b 5} i rre a othard aca.
      & air mac Cermata.
    9. Isind amsirsein cetna

      17760] cid cian fúair Procida
      c
      [...]
      > frith Moísi tair thall
      fínemain óc olacrand.
    10. Cétidpairt Ioib in dám dron.
      tuc Cicrops tria chomnacol

      17765] Niuba tairr fáen ri fer
      rap í in cháem a chetmunter
    11. Ba cétmunter don mnai maith.
      Ínachus alaind ardlaith
      a cétmac d'Ioib demni de.

      17770] ba hé Ápis éside.
    12. {MS folio 143b 10} Is é in macsin cen chor cirt
      ra cetadrad i nEgipt;
      ba hé in sétserc ri sretha.
      fuair cétrecht is cétbretha.

    13. 17775] Olim iar nErcoil ra ngrinoaig
      Iphitus mac fial Frixoin.
      .xxx. bliadan ni bréc so
      is chethri chet eturro.
    14. Tarquinn Diumsach cuing catha

      17780] fuair glassu fuair carcracha.
      {MS folio 143b 15} Tuillius Ostillius flaith fuir
      cétrí ro chaith cetchorcair
    15. Lucius Luculus ri rán
      diarb ainm imper co n-ardgrád

      17785] meda cen gairbi im gol.
      tomus talman do thuscurnud.

      16. p.576

    16. {MS folio 143b} Marcus Tullius Tiro trén
      a thrí mug Cicir cu ngnim ger
      ra glés gupu píanta penn.

      17790] tuc ar nutu nuascribend.
    17. {MS folio 143b 20} Silais fínemna i rRóim réid.
      Dioclitian ra choisc o chéin
      ro léic Probus fial ferda
      sílad Francach fínemna.

    18. 17795] Satuirn ra commuid a chlais
      mac Polluir i sleib Chucais.
      adnacht Mercuir ri lecht lia
      i nErmopolim Cipria.
    19. Uenir ic inis Cipir.

      17800] Mairt isin Tráic trenChicil.
      {MS folio 143b 25} Liber Pater dema de.
      isin Teba ata saide.
    20. Hercoil i tír na Tiri
      ra loisc tríana lonchridi

      17805] Aesculapius ra fis fuir
      ro hadnacht i nEpiduir.
    21. Airi ra loisc Hercoil ard.
      daig ro gab galar gaethgarg;
      assu leiss cech deilm dub dall

      17810] inda teidm do trenfulang
    22. {MS folio 143b 30} Oléna ainm a fir
      gabair Ioib re innisin;
      Achilochus Tribonna tall
      athair mathair murduchand.

    23. 17815] Ulixes tuc céir na chlúais.
      ra iarraid cu lléir lúathguais
      rapa gné soraid co sert.
      ras conaig tria chelgairecht.

      24. p.577

    24. {MS folio 143b} Na Harpi ra selsat saint

      17820] clanna Íli is Adamaint
      {MS folio 143b 35} ra phiansat laech garg cu ngail
      Fimus mac ard Agenair.
    25. Ras tafniset uad feidm fis.
      Zethus caem is Calais

      17825] coinsi niro faít feidm dóib.
      meic ittecha Achiloin.
    26. Cetfochund togla na Troe.
      de ra ás ní immargóe
      dond ubull óir slicht rasia.

      17830] ra inscríb dóib Discordia.
    27. {MS folio 143b 40} Cét traiged fat ind eich craind
      iarna thomus lathar laind
      .l. a leithet can tlathi.
      sesca iar cóir chomármi.

    28. 17835] Ulixes mac luaith Lirta.
      a mathair ard Anticla;
      cid truag dorochair do láim loir.
      meic tholgair Thelamoin.
    29. Aided in Cresa co cert.

      17840] iarna iarraid is anbecht
      {MS folio 143b 45} aided Aenias garb in gus
      isin chath ri Mesapus.
    30. Dindíma vel Danna dil
      ingen ardríg Insi Cicir;

      17845] a mathair in gairb 's in glain
      Pirr meic Achil ardglonnaig.
    31. Ingen Eline re ndrúis.
      & ingen Menelaus;
      Erminois in gasta grind

      17850] is impi ro marbad Pirr.

      32. p.578

    32. {MS folio 143b} Cetéligudsa Téis meic Péil
      {MS folio 143b 50} co lluid Elend ledeta léir;
      dasall úad Paris mac Priaim
      is na Gemini tria gliaid.

    33. 17855] Tarthatar aís Hercoil óig.
      tri meic aille Herimoin
      {MS folio 144a} tarraid in triar cétna cain.
      Gréic ar Tróe ca trentogail.
    34. {MS folio 144a 30} Cethri bliadna iar Troí gním gaeth

      17860] cu tomaidm Locha Da Chaech;
      Cermna Sobairche derb días
      i rre Samsoin is Aenias
    35. Eocho Múmo mó cech bríg
      i n-amsir datta Dauid;

      17865] secht mbliadna Dauid garb gal {MS folio 144a 5}
      diar marbad in luathleoman.
    36. In .xi. calaind mae.
      ra tuismed Róm arind róe;
      Cobthach Coel sund rí gaeth gar.

      17870] rí thair Teglad Fallasar.
    37. I rré Chambasses meic Cir.
      cétreod i n-inis Sicil;
      Almon ra thuit ar tús dano.
      i nEtail ra Troiano.

    38. 17875] Ocht cét míli laechda lór {MS folio 144a 10}
      cethri fichit mili mór
      sé mili co méit co mblaid.
      esbaid Gréc o Troianaib.
    39. Se mili déc monar ngaeth.

      17880] tri fichit mili morlaech
      se chét mili ní bréc so.
      ár na nGréc for Tróiano.

      40. p.579

    40. {MS folio 144a} Timchell ind áir adbail aird
      rolad forro is ni óenmairg.

      17885] in n-aidchi dochuatar Gréic thair {MS folio 144a 15}
      arin Troe trénglonnaig.
    41. Cethri chet cethri mile.
      cethern Aeniais ardbríge;
      da cét cóic mili co mblaid.

      17890] cethern alaind Antenair.
    42. I rré Abraim mod mór.
      's derbda portach Partholon
      dered rigi réil rand gle.
      Nín meic Béil buisede.

    43. 17895] Is and darocht Neimed nár.
      {MS folio 144a 20} darbo rí Nín co niabgrád;
      Gand ri Deltadas ra glíus.
      is Dagda ri Mancius.
    44. Teglach Fallasar tair trá

      17900] dedenrí na nAsarda.
      flaith Assarda rap ferr de
      a ré i n-amsir meic Ugaine.
    45. Failet se muid sain mebair
      cummaiscit craeb ngenelaig.

      17905] totinsma daerchland ic dul. {MS folio 144a 25}
      i lloc saerchland re slonnud
    46. Torrchi mogad mod mebla.
      & dibad tigerna;
      serg na saerchland étig uath.

      17910] la forbairt na n-athechthuath.
    47. Míscribend do gne eolais.
      do lucht uilc in aneolais
      nó lucht ind eolais ní ferr
      gníit ar muín miscribend.

      48. p.580


    48. 17915] Cethri idbarta Ebir. {MS folio 144a}
      {MS folio 144a 30} loeg óir. úan argit oengil.
      aendind & lia luagmar
      cruthnecht alaind ilbuadach
    49. Oentriar bá caemiu cruth.

      17920] bátar and sund co saerbruth.
      Cermait. Furbaide mend n-óir.
      triathmac Oengus mac Úmóir.
    50. Tricha echsrían mbrotla mbrass.
      re tríchait mblaith mbretnas;

      17925] tuc Cermait can leithbi laind
      {MS folio 144a 35} do mac Ethni i n-eneclaind.
    51. Tricha colcad ón mnaí maíd.
      xxx. brothrach brecblaid caín.
      .xxx. cach cumtaig grind glain.

      17930] la hinailt finn fethamail.
    52. Tri fichit bliadan saer slat.
      secht mbliadna trena trichat;
      rab í fuin ba sona in snass
      ar seilb Loga i llanamnas.

    53. 17935] Cethri anmand in Dagdai. {MS folio 144a 40}
      iar ndligud a n-athgarma.
      Dagda. Dagan. Cratan cain.
      & Eochu Ollathair
    54. Da Billa ainm meschon mná

      17940] Nechtain meic luaith Labrada;
      triana chaibdel ni fáth fand.
      linges secha bruach Boand.
    55. Id Moraind cid léir ra lass.
      ní ní acht semind réid rindglass.

      17945] is rith ra reithed a rrind
      ina bun cu bulidgrind.

      56. p.581

    56. {MS folio 144a} Arthet fothecht ri fala
      {MS folio 144a 45} da mnai hui Diulchara
      ic Síd ar Femun uarach

      17950] tucsat dó in n-id n-ilbuadach
    57. Ré noí ríg déc diaid i ndiaid.
      saegul Moga Ruith ra gliaid.
      ó Ruth mac Rigo borr in blad
      co Cairpre lond Liphechar.

    58. 17955] Cráeb craind forbba i sleib Elpa. {MS folio 144a 50}
      do buaib Simoin is tsnechta;
      ed ro briss a lethrosc lór
      .x. mbliadna dó la Simon.
    59. Muccid Etersceóil hui Iair
      17960] a mucca remi is na diaid;
      {MS folio 144b} luid ar mesrud assa deóin
      isna Désib co Indeoin.
    60. Garid in trét ri tressa.
      and fo dairbri dairmessa.

      17965] darrocht in muccid cáem a chlú
      boí noidiu óc etarru.
    61. Gabaid Eterscel a lucht lir
      ina ucht in n-ócnaídin.
      {MS folio 144b 5} rofess bo hé a rád ratha.

      17970] iss éseo in Mess mórflatha.
    62. Is desin bo ainm in Mess
      do mathair Chonaire atches.
      iss é ras éit & ras ail
      in muccaid in mórbuachail.

    63. 17975] Assu ainm nessi derb de
      re marbad a móraite;
      ni hassu ainm ra fodaim
      oro fuapair fri thogail

      64. p.582

    64. {MS folio 144b 10} Conchobor ainm d'abainn fuil

      17980] i cóiciud cáem Choncobuir;
      is uadi sein ri solud
      do báe caem Conchobur.
    65. Ulaid dollotar lá ille
      i ndegaid na enlaithe;

      17985] dar Slíab Fúait réim cen robud
      .uii. carpait im Chonchobur.
    66. Cotlait aidchi i n-oen a mbrug.
      frith ar matain derb in dlug.
      {MS folio 144b 15} i mbrolluch Conchobuir chaim.

      17990] noedenan bec bulidchain.
    67. Asbert cách frith sund sét.
      icnad anta dun glangéc;
      atbert Conchobor tren tra.
      danrat for sét Setanta.

    68. 17995] Lug mac Eithlenn do beirn Breg.
      ra buí i ndeilb na noeden;
      ba hé in lórbladach ra raind.
      ba Cú comramach Culaind.
    69. {MS folio 144b 20} At é cethri meic Dedaid

      18000] cusa mbertar genelaich;
      Ailill. Dáre Braccan brass.
      & Futhi fail foltchass.
    70. Na tri Fothaid tri meic iat
      Feidlimthi meic móir Maicniat.

      18005] meic Gnathail meic Mair Maith
      meic Cairpri Nia inn aig ardmaith.
    71. Ár n-imrom Chonla Ruaid ré
      meic Cuind co tír Tairngire;
      {MS folio 144b 25} facbad Art oll a oenur

      18010] arse in Cond ar carrbaegul.

      72. p.583

    72. {MS folio 144b} Do choiciud Cairpri Nia Fer
      Forgall Monach mod miled;
      cach clessach na chanad cheilg.
      manach sein sin Gaedilg.

    73. 18015] I nArd Chaille cailti cle
      i Múscraigi Tri Maige;
      a chend síar ri Liaic Sinnaig.
      adnacht Find cu flathminnaib.
    74. {MS folio 144b 30} Glasdíc ainm do ar tús tind.

      18020] meic Morna tucsat fair Find;
      .uii. mbliadna dó i ndeilb doraid.
      fo Loch Riach fúair findcobair.
    75. Cétrith Find bo réim rogda.
      ruc riam re maccaib Morna

      18025] sech Loch nOrbsen o Loch Riach
      timchell Connacht na caemsciath.
    76. I Mag Coraind co Es Rúaid.
      lam ri Cuallig mBrefni mbuain;
      {MS folio 144b 35} ri táeb Sinna mairg ba mó

      18030] cu hEchtge n-aird i n-oenló
    77. Isind ochtmad bliadain bí
      ar tadall Temra Dath Í;
      ro marb bó lán lám
      do chaindil tuid o thimpan.

    78. 18035] Timpan ri cotlud ar cách.
      les cecha samna gnim gnáth.
      cecha bliadna buan brostud
      in chaindel cháem ar caemloscud.
    79. {MS folio 144b 40} Arsin gnim ra fae Find

      18040] ri Saidb sochraid massechmind;
      & Sadb do thaibthid treb
      ba Find cáem a cétmunter.

      80. p.584

    80. {MS folio 144b} Dalluid Find ra heicsi n-aird
      ar ecla Cuind claidebgairg

      18045] Cethern mac Fintain frecair
      rap é a aite airchetail.
    81. Tucait fianna Find iar feiss
      do digail Orcbeil éicis
      {MS folio 144b 45} in ben síde a Sléib Slánga.

      18050] rolai dó in gním ngargdana.
    82. Diara gab fiannas cu feib
      rap é a uide in n-aidchisin
      ó Brí Ele duthaig tor.
      cu Sliab Mairg meic Eidlicon.

    83. 18055] O Sléib Mairge gnímrad gand
      síar co Slíab Da Chích nAnand
      cu Inber Colptha ra chind
      ri hoiss Fiaclaig meic Conchind.
    84. {MS folio 144b 50} O Inber Colptha cuman

      18060] cu Sliab Slanga saerUlad;
      otá sein ba tolgda in tóir
      co Inber Colptha a chetóir
    85. Ra dith Find hua Fidga ic feiss
      i ndigail Orcbéil éicis;

      18065] tíar oc Cíchib comal ngrind {MS folio 145a}
      di sleig Fiaclaig meic Conchind.
    86. Da senrand rachuala Find
      i nDumu Chich uasa chind;
      ra gáet hua Fidga fossad.

      18070] dun rand díb ba dergthossach.
    87. Is neim in gae. tossach trén
      don rund aile nín aithgén
      {MS folio 145a 5} and rascuala iar ngním gaile
      aidchi samna sorchaide

      88. p.585


    88. 18075] Secht n-aige ic Sléib Blod meic Con. {MS folio 145a}
      cétfiadach Find feidm findron;
      cind .uii. mbliadan fo míad mind
      ic Abaill na Fian forfind
    89. Long lán d'ór d'argut agaa

      18080] tuc do in ben a Sleib Slanga;
      derb lind iss e cétchrod cain.
      tuc dond Féin re ardfodail.
    90. {MS folio 145a 10} D'Ernaib Cermna a mathair muad.
      Torba ingen hEich innuag;

      18085] Find mac Geoir mac dá mathair
      rí Lamairgi ind laechlathair.
    91. Is d'athair Chailti na celg
      bo ainm Lethi Lethancherd;
      Cailti tacrait lind laidi

      18090] mac sethar Find findchaemi.
    92. Ar bi bruth di echaib ríg Ruis
      do mnai ra comlund a chuiss;
      {MS folio 145a 15} and sin rucad Cailti cáid
      i n-oenuch corcra Colmain.

    93. 18095] Is é oenfer d'fíannaib Find
      cusa mberar genelach grind;
      in Cailtesin segda de.
      uad ra chinset Cailtraige.
    94. Ochtur do Chailti im chend Find.

      18100] Corra is ua Daim derg din lind
      Cas Cur Escrú & Aithni.
      Oll. is Nena Nuagnithi.
    95. {MS folio 145a 20} Is é sét is ferr fuair Find.
      fidchell Crimthaind landerb lim;

      18105] ras folaig Fiachra Fáil
      i n-airiur Chrimthaind Niad Nair.

      96. p.586

    96. {MS folio 145a} Glassi fuair Find fecht réil riam
      ní ní acht airget a findgrian
      brunnid sairdes sech in sce.

      18110] & is facus d'Albine.
    97. Atbert Ossín in sét séim
      is ingantu fuair Find féin;
      {MS folio 145a 25} is é cen daermuich daille.
      cochlan caemdluith Crothrainne

    98. 18115] Ór a indech airget fóe
      mín re cnes a chocoe;
      ba cú ba duine ba dam
      ra impud ra aitherrach.
    99. Fiu coicait cumal cipe.

      18120] ro gnith i Tír Tairngere.
      re trichait mbliadna i Maig Mell
      ri coicait cialla cemend.
    100. {MS folio 145a 30} Tricha sét ni gaes fir buirb.
      tall Find a craes in chorrbuilg.

      18125] iar nguin Glonda cunn áth oll
      is Leth Luachra na lluathbond.
    101. Tuscu Conall anda Corc.
      ar mac Lugdech lín cen locht
      tene i coclaid locht iar ló

      18130] iss ed ra chorc a chaemó.
    102. Adaig ra dlecht cúru chaín.
      riam de mummi Conaill chaím;
      {MS folio 145a 35} issind aidchi diamair dál.
      da iarraid a hoenuran.

    103. 18135] And fosracaib Conall cain.
      fo thairr coire sin coclaid;
      tancatar da héis garb gus.
      na hammiti sin dorus.

      104. p.587

    104. {MS folio 145a} Atrubairt ammit dilairc díb.

      18140] cia choillfet din muntir mín;
      is and asbert araile.
      a cotail fon chaemchoire.
    105. {MS folio 145a 40} Ar sin brunnid breo di thein.
      cora chorc a chluais nír cheil;

      18145] conad de dar gort re gairm
      ba Conall Corc a chomainm.
    106. Ar sin doroic mummi in meic.
      ba Lár a hainm cerb ammeit
      is de ba Corc mac Lara.

      18150] cerba Chonall caemdana.
    107. Láir ingen Maethaire mín
      meic Cliathaire re chomrím;
      {MS folio 145a 45} mummi Chuirc ní foichni faind
      de Chorco Chae hua Conaill.

    108. 18155] Tochmarca fessa ferr de.
      catha. togla. tinngene;
      iss e sin fri fute fecht
      in cuicde is lia i scelaigecht.
    109. Tri fichit findscél derb ndron.

      18160] dia fegthar in airchetol;
      se fichit findscél na Fiann
      foclas cech fili fíríal
    110. {MS folio 145a 50} Trícha forcumal nach fand
      & tri fichit forcumang;

      18165] lég o genair siar sair.
      isna scelaib Scottecdaib.
    111. Ac sein duit ocht fichit cest.
      rá ernisem ni mod mesc;.
      ra béim it múr os gréin glain.
      18170] tall it rún a Rí richid. A.

p.588