Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 9

{MS folio 141b} Dublitir hua Uathgaile cecinit.

    1. REdig dam a Dé do nim.
      co hémid ní indeithbir;

      17400] érniud mo chesta is gnim glan.
      corop espa olloman
    2. {MS folio 141b 30} Adam is Eua angbaid.
      cétdias ro thecht corpanmain.
      ro chetaig Dia dóib malle

      17405] tusmiud co cóir a clainde.
    3. .L. mac ic Adam án
      is .l. ingen ard imslán;
      ro faemsat bith cnes ri cnes.
      ciar chloensat in carddes.

    4. 17410] Trén ros étlá in bith buide.
      ro bréctha tria banchuire;
      {MS folio 141b 35} ciaro rigsat ríg na reb.
      nír sílsat díb acht sesser.
    5. Triar mac triar ingen cen ail.

      17415] do chlaind airegda Adaim;
      uathib ro silad in slúag.
      diar linad domun dimbúan.
    6. Cain. Seth. & Sili.
      na tri meic cen mórmiri;

      17420] Pib. Olla. Pithib. cen brath.
      in triar ingen imuallach.
    7. {MS folio 141b 40} Píb ainm do mnaí Cháin chain.
      Olla setig Séith sirglain;
      ben Sile solustusa a nniab.

      17425] Pithib forusta firfíal.

      8. p.564

    8. {MS folio 141b} Sessiur sin ri seir snama.
      uallcha áille imslána;
      ro línsat na treba thair.
      do chlaind Eua & Adaim

    9. 17430] Ro mallach Dia Cáin cruaid.
      is cach óen no geinfed úad;
      {MS folio 141b 45} é féin ro thimmairg co trén.
      triana fingail for Abél.
    10. Fuacair ar in Comdiu cáid.

      17435] do chlannaib Séith co saerbaig;
      nir faema duine díb.
      ingena cloína Cain.
    11. Uair thancatar dar timna.
      na fir uallcha essidna;

      17440] cuire ro chraid diliu dron.
      ros baid uile acht oenochtor.
    12. {MS folio 141b 50} Noe 's a trí meic cen mebail.
      co séitchib saergelaib;
      ochtur do síl Séith cen sal.
      17445] nar faemsat Cain cnedmar.
    13. {MS folio 142a} Sem. Cam. Iafeth na n-iath.
      tri meic Noe meic Lamíach;
      a trí mná gribda glana.
      Olla Oliua Oliuana.

    14. 17450] Coba setig Noe noemglain.
      Olla ben Séim sírsaeglaig;
      ben Chaim Oliua in loga.
      ben Iafeth Oliuana.
    15. {MS folio 142a 5} Is iatsin lucht na hairce.

      17455] co sult is co saerslánte;
      gabsat cen aithbe cen fell.
      in domun aithle dilend.

      16. p.565

    16. {MS folio 142a} Bliadain dóib issind áirc fuair.
      os diamair mara mongrúaid;

      17460] céin buí in diliu adbar n-áig.
      os dreich in talman tondbáin.
    17. Sechtmad fichet dia festa.
      ar aíne ar cor bissexa;
      {MS folio 142a 10} i teirt cailne mai miadaig.

      17465] luid eiste re certbliadain.
    18. Or fég Noe for cech leth.
      in tír luchair lantorthech;
      do cech thaíb cid bad dattu.
      ro foíd a trí mormaccu.

    19. 17470] Tuc d'Iafeth in nEuraip n-áin.
      tuc do Sem Asia imsláin.
      issin Affraic cen tar tes.
      ro lín Cam a caladchnes.
    20. {MS folio 142a 15} Ro mallach a athair án

      17475] in macsin dian comainm Cám.
      conid é ar chloíne ro chind.
      cáin na ndoene íar ndilind.
    21. Uad ro genatar co ngail
      goborchind is fomoraig.

      17480] líne luchrapan lerda.
      is cech duine dodelba.
    22. Doine na da cend co col.
      is da corp i comchengol;
      {MS folio 142a 20} is na oenchossaig odra.

      17485] is na gulbnig gergorma.
    23. Cech duine ata thair cen chend.
      ac imthecht a glind i nglend;
      a bél bán asa bruinne
      do chlaind Chaim co roluinde.

      24. p.566


    24. 17490] Cethri meic mathe oc Chám chass. {MS folio 142a}
      ri hág & ri hernmas;
      Caus fo bruth na n-esgal n-án.
      Mesram is Fúth is Chanán.
    25. {MS folio 142a 25} Na Ethiopacda uile.

      17495] nom geib grain ria ngormduibe;
      do chlaind Chauis meic Chaim na cles.
      on tsruth cosin sál sairdes.
    26. Clanna Futh meic Cáim do céin.
      ro linsat in clár comréid;

      17500] lucht na hAffraice as cech aird.
      co slíab n-athlait nAthlaint.
    27. Egeptacdai im sruth Níl náir.
      do chlannaib Mesraim meic Caim;
      {MS folio 142a 30} otá sruth Nuchuil anes.

      17505] co Muir Torrian na tromtress.
    28. Sech morthuatha Cannán chruaid.
      eter anes & atúaid.
      's iat cland Channain itchluine.
      ind fir falláin foltbuide.

    29. 17510] Óenmac dec Cannain chliaraig.
      meblaig mergig mormiadaig;
      ro línsat tír 'nar garb grian.
      o Muir Marb co Muir Torrian.
    30. {MS folio 142a 35} Tuc Dia dith do cech thaíb tair.

      17515] for claind ind fir chloín chuilig.
      oro thairngir a thír trén.
      do chlaind anglig Israel.
    31. Co Muncend nGaditan nglúair.
      o sruth Eufráit anairtuaid;

      17520] ro silsat o Chám na cnet
      .x. primchenela fichet.

      32. p.567

    32. {MS folio 142a} Ro iadus gabail Chaim chain.
      issin chamair chetsamain;
      {MS folio 142a 40} i tír na llaignech co lléir.

      17525] cencop anmech ní amreid. R.
    33. Ro linsat in nEoraip n-aird.
      clanna Iafeth maith morgairg;
      fuaratar d'uaslecht o Dia.
      conid leo tuascertleth na hAsia.

    34. 17530] O sleib Imáí sin tuir thind.
      siartuaith co sruth Danaim;
      & in Scithia cen chain.
      ri claind Iafeth enechnair.
    35. {MS folio 142a 45} Ind uair niras talla thair.

      17535] clanna Iafeth inmain;
      ra trebsat Eoraip cen raind.
      síar ra seolsat a seolchraind.
    36. Otá sleibte Rifi rúaid.
      risna Gaethlaigib atuaid;

      17540] cosin traig Lescbáin lectaig
      issin nEspain n-imechtraig.
    37. Ocht meic Iaféth na n-áth.
      ní imthigtís etarthrath;
      {MS folio 142a 50} Gomer. Magoch. Madai mas.

      17545] Iaban. Tubal. is Tiras.
    38. Massoch Masséca na sreth.
      ic dul séta ba saethrach.
      {MS folio 142b} uadib ra seolta na slúaig.
      dochum nEorpa. anairtúaid.

    39. 17550] Galatacdai mar atgén.
      do chlaind glegasta Gomér;
      isat bladaig a frecrai.
      do chlaind Magoich na Scithecdai.

      40. p.568

    40. {MS folio 142b} Síl Madai Meda míne.

      17555] ro hailte re hardríge;
      {MS folio 142b 5} Iondai na ngrian nglan.
      o Iaban ro gensetar.
    41. Celtíberdai nít ciallai.
      hIberdai & Hespandai;

      17560] is o Thubal ro thaitne.
      bunad na trí n-ardaiccme.
    42. Capadócdai ó Massoch mín.
      imda torud na tromthír;
      sil Tiras Traiecdai thair.

      17565] cen chnetecla for conair.
    43. {MS folio 142b 10} Ibad is Báad co becht.
      da mac do Magoch morchert;
      doruacht a sírblad dar sál
      ó Iabad rigrad Román.

    44. 17570] Faenius mac Baad ní bréc.
      meic Magoch min na tromthét;
      nocor athair cen ecna.
      senathair na Scithecda.
    45. Is dia sil Gaedil glana.

      17575] ropsat aígid agmara.
      {MS folio 142b 15} gabsat ar slúag féigseng Fáil.
      rige Herend a hEspain
    46. In mac aile Magoich maith.
      Ibath airegda in t-ardflaith;

      17580] mac doside Alanius án.
      athair Franc & Román.
    47. Is uad Saxain cen sure.
      & Bretain barrbude;
      & Albannai arin maig

      17585] isin Assia airtheraig.

      48. p.569

    48. {MS folio 142b} Tri meic ic Alan cen brón.
      {MS folio 142b 20} Arbon. Negua. Isicon;
      ro silsat mór ciniud cáem.
      tair i nn-inud na n-ardnáem.

    49. 17590] Ro gon mór gelua da gáib.
      óenmac Negua mcic Alain;
      ni chathed caslus calaid.
      Saxus o tát Saxanaig
    50. Nocho dentais gleic na glor.

      17595] cethri meic ic Isicon;
      {MS folio 142b 25} Romanus. Francus i fus.
      Albanus & Britus.
    51. Fúair o chach cadus is cháin.
      Romanus o tát Romáin.

      17600] Francus o tát Frainc co fír.
      ni denad saint im saebgním.
    52. Albanius ba mac málla.
      senathair na nAlbanna.
      mór do gliccus ra chertaig.

      17605] Britus o tát firBretnaig.
    53. {MS folio 142b 30} Is airegda ar cech tráig.
      clanna airegda Iobain;
      is leo cech treb thíar.
      i n-insib Mara Torrian.

    54. 17610] Sloind cóic prímchenela déc.
      o Iafeth ní immarbréc.
      donítis tétnais co trén.
      i n-ecmais a fochenel.
    55. Comlín clainne Iaféth aitt.

      17615] eter Asia & Eoraip.
      {MS folio 142b 35} ni fagbat Gaedil co gle.
      do síl oenfir i n-oenre. R.

      56. p.570

    56. {MS folio 142b} Clanna Séim is iat is lia.
      i n-airechas na Scithia;

      17620] o sruth Gaind a ngle ra grian.
      leo cen raind co Muir Torrian.
    57. Coic meic ic Sém sochla in síl.
      riu ni gabtha fo chomlín;
      Elam na da nglassúl nglan.

      17625] Luide Asur is Aram.
    58. Arifaxat ard a feb.
      ciarbo garg nirbo glemer.
      {MS folio 142b 40} fuair elathain is acra.
      senathair na Callacda.

    59. 17630] O Muir Romuir cosin rúin.
      cu sliab Cucais cu sliab Tuir;
      is ra claind Séim cach slige.
      ni chél ar cach ardfine.
    60. Elam ba cruaid crand a gai.

      [...]
      >

      [...]
      >

      17635] Assúr o tát Assardai;
      {MS folio 142b 45} Sirecdai o Siram na slúag.
      airecht na n-ilad innuair
    61. Cethri meic Saram na sreth.
      ros orddaig Isu anglech.

      17640] sloind i fus ria scur na scél.
      Us. & Ul. & Gether.

      62. p.571

    62. {MS folio 142b} Mess in cethramad mac mín.
      armither acon ardríg;
      ciarbo chland fir ónnai ar caí

      17645] uad atát na Eonnai.
    63. {MS folio 142b 50} Us mac Saram sochla in rí
      o tát Traconitidi;
      Armíannai airdairc in dám.
      o Ur erdairc enechnár.

    64. 17650] Arcannai is émech a ferg. {MS folio 143a}
      aicme na curad croibderg;
      rosiacht co Bethil a mblad
      o Gethil ro genatar.
    65. Clanna Sarain meic Séim sain

      17655] o chéin rodos cualabair;
      Ro gabsat ninglind i ngait.
      a sruth Ind co sruth Eufrait.
    66. {MS folio 143a 5} Sala no bid or re att.
      mac alaind Arfaxat;

      17660] mac do Sala airbert ard.
      toísech na trenfer trengarg.
    67. Fallec is Iachtan cen ail
      da mac Ebir ingenglain;
      Éber mac Sala na slat.

      17665] Sala mac Arfaxat
    68. O Éber mac Sala ille
      ainmnigter na hEbraide;
      {MS folio 143a 10} is glé ruc ónTur.
      berla nÉberda a oenur.

      69. p.572


    69. 17670] Trí meic déc ic Iachtan án {MS folio 143a}
      ic fir na n-airer n-imslán.
      is leo cech rind is cech rían.
      o sruth Ind co sruth nAcian.
    70. Elimúdad Saliaph slán.

      17675] Isarmath Iare imnár;
      Adumar Adastal ard.
      Decla. Ebla feig firgarg.
    71. {MS folio 143a 15} Abimel Sala sút.
      mairg risa mbia a sáergrúc;

      17680] Ofir ropo garg a gal.
      Ebila ard Iobab.
    72. Clanna Iachtan tarbig thair.
      ind fir chairdig crechlongaig
      niros lamsat lucht ba lia

      17685] ro gabsat ucht na da India.
    73. Atát im sruth nEufrait n-ard
      in t-airecht rigda rogarg;
      {MS folio 143a 20} in cech thir thend im Thigir.
      is díb cend cech ardenig.

    74. 17690] For cuit clainne Cannain chóir.
      ind fir airegda ardmóir
      atát ní sét cen slaide
      da treib déc na nEbraide
    75. Secht cenela fichet feg

      17695] i n-ecmais a fochenél;
      atát do chlannaib Seim sein.
      noco chel ar Gaedelaib.
    76. {MS folio 143a 25} Tricha cenel Cáim cholaig.
      a coic dec Iafeth oraib;

      17700] trí noí cenel Sém na slat.
      is a dó sin sechtmogat.

      77. p.573

    77. {MS folio 143a} Doib ro mesctha na berla
      d'imdugud a mórergna
      a dó .lxx. at ni suail.

      17705] ic tairmesc in tuir Nebruaid.
    78. Ba hoenbérla co sain
      ic claind airegda Adaim;
      {MS folio 143a 30} cia cairm i mbai sídmag selb
      diarb ainm gribda Garthigern.

    79. 17710] Oros fuc Éber on Tur.
      ni glemer in gnathugud;
      ora thidnaic ro len de
      berla n-airdairc nEbraide.
    80. I cind deich mbliadan iar sin.

      17715] arricht la Fenius Farsaid;
      in berla bélblasta bind.
      Gaedelg gleglasta gniim.
    81. {MS folio 143a 35} Niro rigius reim dar recht.
      ro figius féin co fírchert;

      17720] craeb choibniusa clainne Nóe.
      cen aíb ndoilgiusa ar oenchae.
    82. Missi don chuachmaig on chill.
      Hua Uathgail ó Uissenglind;
      rom fuca sech sáebi snéid.

      17725] torud aíni in Rig roreid. R.

p.574