Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 7

{MS folio 135a} Mac Cosse fer legind Ruis Ailithir cecinit.


    1. 16160] ROfessa i curp domuin dúir. {MS folio 135a 30}
      cóic cressa caíne comthúir.
      da úarda co nglaine gné
      dá mesraigthe im thentide.
    2. Tentide dar medón cuirp.

      16165] talman tene na thromthuirt;
      da uarda i n-immul túaid tess.
      dá mesraigthe imman rothess.
    3. In mesraigthe thuaid fó nim.
      iss é iss attreb do doenib;

      16170] is é ro delig Dia dían. {MS folio 135a 35}
      i trenaib o Muir Thorrían.
    4. Tri ranna in domuin tíar thair.
      tri ranna i tát sil Adaim;
      tri ranna ra delig Dia.

      16175] Euraip Affraic is Asia.
    5. {MS folio 135a 40} Asia írmaith ar cach leth.
      on rígain ro hanmniged;
      Asia ba hainm di thair.
      ben ro gab ríge ind airthir.

    6. 16180] Asia ni terc thair a tí
      dar airther in mesraigthi;
      bec nach ruc leth le na slait.
      o Eoraip is o Affraic.
    7. Atuaid anair is aness.

      16185] atá in muir imma mórchness;
      nos dedland sruth Danai aníar.
      Muir Méoit is Muir Torrían.

      8. p.525

    8. {MS folio 135a} Tossach ro samlus di thair.
      tír i fail pardus Adaim;

      16190] tír innach éicen fúr fled. {MS folio 135a 45}
      tír immo tá múr tened.
    9. Ón tírsin co sruth nInd síar.
      ind Indía cona mormíad.
      atúaid o Sléib Chucais cain.

      16195] co muncend Mara Romair.
    10. Rofess a mmaith as cach aird.
      a mágneit a hadamaint;
      a margaréit a hur i n-or.
      a hór is a carrmocol.

    11. 16200] A hoenbennach for cai gnáith {MS folio 135a 50}
      a gaeth fethamail fírbláith;
      {MS folio 135b} a helifaint co mbríg bil.
      a bbúain fa dó i n-oenbliadain.
    12. Parthi is Assardai ardda.

      16205] Persai is Meda mórgarga;
      o Ind síar saigit na fir.
      co tuind trebair tromThigir.
    13. O Muir Ruad ragaid dar ré
      fothúaid co tír Arcáne;

      16210] issin tírsin ní dál diss. {MS folio 135b 5}
      ata in lia silinetis.
    14. Aráib co mirr co túis thair.
      co faenic in morsáegail;
      ó hochsail Romuir trén tricc.

      16215] o Thigir co sruth nEufrait.
    15. Caldei is Babiloin bailc.
      eter in nAráib arddait;
      & Mag Sennair fothúaid.
      i ndernad in Tor Nebrúaid.

      16. p.526


    16. 16220] Ni haisc atát tair na fir. {MS folio 135b}
      {MS folio 135b 10} eter Eufrait is Tigir;
      & Chucais feib as lia.
      is tuatha Mesopotámia.
    17. Siria fri Eufrait aníar.

      16225] co mothor Mara Torrían;
      o Egipt fethit a fóit.
      fothúaid cosin Capadóic.
    18. Fri Magena atuaid a thréin.
      fri Capadóic fri hArmein;

      16230] Faenicia fintar i fus. {MS folio 135b 15}
      anaes ina hathfocus.
    19. Felistina cusin gloir.
      and sin atát meic Iacoib;
      Naphathi friu andess co tend.

      16235] & tuatha na Saircend.
    20. Sodomdai o sain siar nach slán.
      Amalech Ammon Moab;
      Sier tíar is Madian tair.
      {MS folio 135b 20} toeb ri toeb is Muir Romuir.

    21. 16240] Ind Egip co ngaire gním.
      is torthechu cach degthír;
      i lleth ri sruth Níl fodess.
      fri Affraic a comaidchess.
    22. O Sléib Chucais sair fothúaith.

      16245] fri hor inn ocíuin innúair;
      ni haisc atá fóir na fer
      ó Muir Chaisp cussin n-airther.
    23. Isind airthersin cet gal.
      {MS folio 135b 25} atát Serdai co sírblad;

      16250] fobith atá fidbad and.
      do nach ingnad inn oland.

      24. p.527

    24. {MS folio 135b} Bactri & Dacia rofes.
      tuaid don Scithia a comaidches;
      isin Scithia atát gríba glend.

      16255] ic comét óir is glangemm.
    25. {MS folio 135b 30} Ó sain siardess im chend Caisp.
      ata Hircáin ní hardaisc;
      tír i tá Tigir luath lond.
      & panathir breccborr.

    26. 16260] Brug Ulbhania tenne tóit.
      o Muir Caisp cusin Meóit;
      rofess a treba tíar thair.
      fuilt gela fora ndoenib.
    27. Uigir ar hur Chaisp ria gáir.

      16265] eter Armein is Albáin; {MS folio 135b 35}
      Meoit ri hArmein aníar.
      i comaithchess nach rochian.
    28. Pentisiria tuaid cen brath.
      eter in muir immechtrach;

      16270] is Albán co ngairge gné
      & tír na Cíchloscthe.
    29. Colochi gelban dosfuil.
      etarru is in Cimermuir;
      in Muir Chimerda condric.

      16275] fodess fri Asia mblathBic.
    30. In Assia Bec fethit áitt.
      Bethain. Frigia. Lith Galait;
      Pilip. Licia. Troe co mblaid.
      Isuria. Paria. Pilip.

    31. 16280] Capadóic ria anair ni diss. {MS folio 135b 40}
      ria anair Muir Popontidis;
      ria ness a Cimer nglúair ngle.
      connice in Muir nAigide.

      32. p.528

    32. {MS folio 135b} Céisair ar hur Mara hÉig.

      16285] Germáin uad síar ria glanréir;
      o Germáin siar cosin muir.
      Sidon cona chomaidchib.
    33. Gabsat or in mara móir.
      cusin nEgipt o Sidóin;

      16290] anair noco chlé da cniss {MS folio 135b 45}
      tuatha De beit im rofis. R.
    34. Affer dorat ainm fria rád.
      mac do Chethuir is do Abrám;
      dond Affraic ar cumne cned.

      16295] ó clithra ro hanmniged.
    35. Ainm di Libia on gáeith grind.
      na da sitlend co himrind;
      vel ón mathair guthbind gle.
      Agena ríg Afraice.

    36. 16300] In t-ocían anair ria cness. {MS folio 135b 50}
      frisin nEthioip anairdess;
      {MS folio 136a} & aness is aníar.
      & atúaid Muir Torrian.
    37. Acus anairtuaid sruth Níl.

      16305] & Egipt maith mórmín;
      i lleth fri hEgipt iar sís.
      Libia caem Cirinensis.
    38. Bend Tropail Trogaeth atchiat.
      ar comair Mara hAdríat;

      16310] o Sirtib Móra fodess. {MS folio 136a 5}
      cussin nEthioip tremdirges.
    39. Otá Sirti Móra síar.
      ra hor mara co hacían;
      Tripolitana nach dis.

      16315] Bistacium Stiugis.

      40. p.529

    40. {MS folio 136a} Numedia cu nirt a haig.
      Maritana Tingitain;
      a fat fodess is fothuaid.
      isind Affraic áin ardglúair.

    41. 16320] Sruth tic dar Affraic aníar. {MS folio 136a 10}
      a sleib Athlaint ond acían;
      is Dara a ainm ica bun.
      mad tair is é a ainm Nuchul.
    42. Teiti tair fo thalmain trell.

      16325] i nEgiptacthaib láncend;
      Nílus os Chamse síar.
      a ainm co roich Muir Torrian.
    43. Ón tsruthsin fodess co mmuir.
      Ethioip in datha derbduib;

      16330] dar desciurt nAffraice ind aird. {MS folio 136a 15}
      co slíab nIsper is Athlaint.
    44. Is ri sruth aness atá
      topor úar o tic lanlá;
      's é te cid cían on muir.

      16335] o laiges ind fíradaig.
    45. Is ri sruth atúaid atá tír.
      i tat slebi Arascín.
      tir n-onagri is gaem co mblad.
      tír nathrach is oenbennach.

    46. 16340] In tírsin cia beith dia fat. {MS folio 136a 20}
      is tír nathrach is dúrdrac;
      aes na carat comrad cain.
      tír lomnan de thorathraib.
    47. In mír ótá slíab fodess.

      16345] dond Affraic ar rothess;
      ní himda a bláth cibé atcheth.
      o sléib fothúaid tír thortech.

      48. p.530

    48. {MS folio 136a} Tír fer ndub co n-immud glóir.
      tír cen ainmne cen onóir;

      16350] co mbrethir bailb cá tacer.
      {MS folio 136a 25} tír da tarat ainm Affer. A.
    49. Eoraip blasta co mblaid.
      ingen gasta Agenoir;
      airm cussu rucad i slait.

      16355] is í tuc ainm dond Eoraip.
    50. Muir ina timchell rofess.
      atúaid aníar aniardess;
      aness anair ní naidm súail.
      & sruth Danoe anairtúaid.

    51. 16360] Is ed rochlunim cach dia. {MS folio 136a 30}
      at é tuatha na Scithia;
      Elain. Dacia. Gothia géir.
      Germain tíar ic sruth ardRéin.
    52. Tracia. Mesia. Pannoin. Réit.

      16365] siar co sruth Réin ar mórméit
      toeb ra tóeb do deiss Danuib.
      ó Chonstantin on Phontmuir.
    53. Tír i fail mathgamain mall.
      immad sucuin is cristall.

      16370] immad n-ettech co tric. {MS folio 136a 35}
      o thic adaig sollsigit.
    54. Greic o Thracia feib as lia.
      fadess co Muir Cifalia.
      co sruth Réin is ed atchíat

      16375] síar. sech rind mara Adriat.
    55. Attaici a hairther thair.
      túath mór fail immon Athain.
      Achaia ria andess i fus.
      dian cathir Corinthus.

      56. p.531


    56. 16380] In Arcáid ría anair ni ceist. {MS folio 136a}
      i tá cloch dian ainm asbest.
      {MS folio 136a 40} onas geib tene tri bruth.
      nochon etar a díbdúd.
    57. Cessair o Chorinth cu nglóir.

      16385] fothúaid cussin Macidoin;
      tír i fail immad ngai nglass.
      tír in maith marcachass.
    58. Macidóin is Dalmán dron.
      im rind Adríait cen imrol;

      16390] hIsteir o Dalmain cu Réin {MS folio 136a 45}
      fodes cu Slíab nAilp n-ardréil.
    59. Ind Etáil sairdes Asia.
      Slíab Ailp eturru is Gallia;
      muir ina timchell a muirn.

      16395] otá Libaist co Libuirn.
    60. In Róim co hurgna ara lár.
      cathir chunla na Román;
      a tuatha cusin muir mer.
      ar cach leth ina timchel.

    61. 16400] Tri srotha tecait a hAilp.
      {MS folio 136a 50} siar darin nEoraip ardait;
      {MS folio 136b} sruth Réin siartúaid arragair.
      sruth Liguir i sruth Rodáin.
    62. Tair eter Liguir is Réin.

      16405] atá Gallia Narbonéin;
      eturru tíar créit ra chreit.
      atá Lugdon is Belgeic.
    63. Equitáin mór cona míad
      o Ligir co Muir Torrian;

      16410] co sruth Rodáin issin tsléib. {MS folio 136b 5}
      siardess co sleibi Peréin.

      64. p.532

    64. {MS folio 136b} Espáin o sléib Perein síar
      tuaid de toeb Mara Torrian;
      muir ina timchell cech dia

      16415] acht i lleth sair ri Gallia.
    65. At é tuatha gabait gláim.
      Gallia. Petic. Tingitain
      Terraconensis ra clé
      Lucitain túath Cartaigne.

    66. 16420] Inis Bretan brug co mbúaid {MS folio 136b 10}
      inis Erend ria aníartúaid;
      arin acian síardess i sía
      eter Espain is Gallia.
    67. Tír suairc subach setaib sreth.

      16425] tir ar fetair meic Miled;
      tír na cliath ngablach co nglóir.
      tír is tarbach rofess on. R.

p.533