Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 6

15990] {MS folio 133b} Mael Muru Othna cecinit.

1. CAn a mbunadas na nGaedel
   gair cloth ngledend;
   can as tarla tondgur dilend
   dochum nHerend.
2. Citne in ferand inro threbsat
   tuir fer Féne;
   {MS folio 133b 15} cid dosfuc i terce tíre
   do fuiniud gréne.
3. Ciarso thucait rodos foglúais
   
   15995] rém do thastiul;
   in do theched
   nó in do chenach vel in d gasciud.
4. Cia de as dilsiu doib for domun
   ind a taedin;
   dia n-anmnigud ina n-atreb
   Scuitt nó Gaedil.
5. {MS folio 133b 20} Ciamdis Fene
   atbertha do anmand dóib;
   & Gaedel a ndosgleid
   
   16000] can dosroid.
6. Bid nus rélfasu
   damsa corba tirech;
   daig it eolach
   i sreith senchasa Mac Miled.
7. Mad ail do Dia bid inniu duit
   níba márach;
   {MS folio 133b 25} ord senchasa Mac Miled
   feib ro relad
8. Rígmac Nóe náir Iafeth
   
   16005] is uad ar ciniud;
   do Grecaib dún
   conar mbunud conar ndligud.
9. Don treib is amru ro gabsat
   flathius fuilech;
   for bith broenach
   o thurcbáil gréne coa fuined.
10. {MS folio 133b 30} Flaithem cróda
    ro gab in mbith nglesach nglegrach;
    Nembróth a ainm fer las ndernad
    
    16010] in Tor dermar.

---

p.517

11. {MS folio 133b} Luid Fénius chuice asin Scithia
    for sluagad;
    {MS folio 133b 35} fer airegda ecnaid eolach
    bruthmar bagach.
12. Ba oenberla boí isin domun
    inro gabsat;
    da bérla déc ar tri fichtib
    tan ro scarsat.
13. Scol mór la Faenius ic foglaim
    
    16015] in cech ergna;
    fer ard adma
    ro bíd co amra in cech berlu.
14. Bretha mac do Faenius Farsaid
    ba dúal cobrath;
    ár cumtach in Tuir la tuaith talman
    Nél darograd.
15. {MS folio 133b 40} Rancatar scéla co Foraind.
    la mét ngretha;
    Nél mac Faeniusa ica filet
    
    16020] berla in betha.
16. Bretha Nél fades i nEgipt
    féin nguirm nglése;
    dobreth ingen Foraind
    dó dar ése.
17. Ruc Scotta scíth
    mac do Néol ar ndul i nÁegipt
    {MS folio 133b 45} err cét catha
    Goedel Glass fír flatha fegelt.
18. Féni o Faenius asambertar
    
    16025] clú cen dochta;
    Gaedil ó Gaediul Glas garta
    Scuitt o Scotta.
19. Síd mór i mbátar la Foraind
    la méit n-úabair;
    ropdar duanaich i ndálaib
    ropdar sluagaig.
20. {MS folio 133b 50} Slúag Tuathe Dé léices Foraind
    úad ar omun;
    {MS folio 134a} gebes fora slicht
    
    16030] co dremun co Muir Romur.
21. Bátir Foraind a lín uili
    adbul cairdde;
    térna Túath De
    da tír niros báid ind fargge.
22. Atraigset clanna Niúil ferg Foraind.
    combtar brónaig.
    {MS folio 134a 5} dáig nach dechatar don digail
    lasin coraid.
23. Cid in tan na terna Foraind
    
    16035] don riad raenach;
    tuatha Egept
    ecla la claind Neóil dia ndaerad.

---

p.518

24. {MS folio 134a} Tallsatar liberna Foraind
    a tír trebsat.
    in n-aidchi uair
    dar belach Mara Ruaid sairset.
25. {MS folio 134a 10} Raiset sech Indé sech Assia
    ar don fessid.
    don Scithia co mbríg n-uasail
    
    16040] da tír fessin.
26. For muncind Mara Caisp gabsat
    cethirn dílis;
    foracsat Glass in Coronis
    ar muir Libis.
27. Luid Srú mac Esrúi iar tanaib
    ba cen miffri;
    {MS folio 134a 15} timchell atúaid trom co dathe
    Slebe Riffi.
28. Ro gab a nGolgatha gaethach
    
    16045] comol grianda;
    anais and a chland cen digna
    da cét mbliadna.
29. Do Chreit do Sicil ros rersat
    ros ri tinrem;
    sech Colomna Hercuil adbuil
    d'Hespáin indlib.
30. {MS folio 134a 20} Ba mBrechtracht
    dorala co lucht a theglaig;
    cetna marb dia cheniul chongbaid
    
    16050] beba Slemnaib.
31. Ua Deatha ruaid don rigraid
    rigda in forand;
    gebes Espáin in fer foroll
    intí Bregond.
32. Brigantia ainm na cathrach
    na cét n-airech;
    {MS folio 134a 25} Tor mBregoin a ssaide in subach
    forsa suided.
33. Sairtuaid as Tur atchess Hériu
    
    16055] do iath Lumnig;
    fescur gemrid
    fosfuair Ith mac Bregoin buidnig.

---

p.519

34. {MS folio 134a} Ba mBréntracht
    dorala co lucht a theglaig.
    cetna marb dia cheniul chongbaid
    beba Slemnaib.
35. {MS folio 134a 30} Sairdes bretha Ith i nEspáin
    iarna brígaib.
    trén dollotar
    
    16060] meic mil Mile dia digail.
36. Dond Colptha Amairgen Glungel.
    fer trén tírech.
    Ír sceo Éber
    Herimón se meic Miled.
37. Mac Ítha Lugaid caín crechach
    coscrach cathach;
    {MS folio 134a 35} dar ler lethan
    dolluid do dígail a athar.
38. Huí Bregain bruthmara beoda
    
    16065] feib ros rime
    Blod. Corp. Cualnge.
    Rigbard Tigern mac Brige.
39. Batar cethri athig fichet
    nirbo uabor.
    ic irraí na rríg cen baigul
    forsin tsluagod.
40. Sluindfetsa dúib uili a n-anmand
    mar dosraeraig
    iarna n-arim
    
    16070] boí dias díb i fail cech oenfir.
41. Aidne Aile Assal Mitte
    Morba Mide
    Cuib. Cliu Cera Sair Slán Lige
    Life Line.
42. Ligen Traig dollotar Aire
    Nai Dess Aine
    Fea foruair mínlaech mbrogai
    Femin. Fera.
43. Fosdailset cland Breogain buidnech
    
    16075] ba gen míbail;
    comtís fognaimthe na trénfir
    dona rigaib.
44. Ruc Cruithne mac Cinge a mná uadib
    róssair ndírech;
    inge Tea
    ben Herimóin meic Miled
45. Mór saethair césait uili
    for cach mbuadre
    {MS folio 134b} la mná Bresse la mna Basse
    
    16080] la mná Buaigne.

---

p.520

46. {MS folio 134b} Banba a Sléib Miss cona sluagaib
    siriuch tuislech
    Fótla i nEblinne asnach
    Hériu i nUisniuch.
47. A docorsat Tuatha Dea
    tria chert clithach
    {MS folio 134b 5} o tír tidach
    dar noí tonnaib don lir lethan.
48. Ro gab Herimón co lleith in tsluaig
    
    16085] iar n-urd tolgdai
    timchell atúaid ba gen mergle
    d'Inber Cholpthai.
49. Ro gab Dond cosin leith aile
    iar n-urd innaiss.
    ba marb ic ascnam cen chomais
    descert hIrraiss.
50. {MS folio 134b 10} Co tuarcbad carn la lia a cheneoil
    as lir lethach
    sentreb tontech
    
    16090] conid Tech Duinn de dongarar.
51. Ba hésin a hedacht adbul
    dia chlaind chetaich.
    cucum dom tic tissaid uili
    iarbar n-écaib.
52. Ic Inbiur Scene ro scuirset
    scél cen dúnad
    {MS folio 134b 15} sruth dían dermar
    inros fothraic Fíal ben Lugdach.
53. Ros dailset fo Herind oraig
    
    16095] mar atberid.
    gníset córa fri Firu Bolg
    fri claind Nemid
54. Nís bátar mná soirbe soíre
    cea no glea;
    ar ngait a mban
    gabsat clemnas Tuath Dea.
55. {MS folio 134b 20} Dobreth dóib leth cech arba
    co muir medbas.
    iarsin charddine chóir chomdes
    
    16100] iarsin chlemnas.
56. Ro gab Herimon in tuascert
    dú dia ciniud.
    cona séntus cona solud
    cona ndligud.
57. Cona ndúnib cona cathaib
    gairge regthe.
    {MS folio 134b 25} cona ndebthaige tria oibbne
    cona cethre.
58. Ro gab Eber descert nHerend
    
    16105] ord ro chinnius;
    cona utmaille can chommus
    cona binnius.

---

p.521

59. {MS folio 134b} Cona buadaib cona huile
    cona aege.
    cona dersaide tria dúre
    cona chaíne cona dene.
60. {MS folio 134b 30} Do chlaind Herimoin do Lagnib
    luath co clochda;
    Leth Cuind Connacht
    
    16110] Niall fasse Níal ind Fochla.
61. Fothart na Dési Mog Láma
    la cur Cualnge;
    fir Dál Riatai
    Corcu Rinne is Corcu Roeda.
62. Rigrad clainne Echach uili Domblen
    tuir do télaib
    {MS folio 134b 35} & rigrad Airgiall á Buichne
    co Loch Febail.
63. Fir Da Gial o Gréin co Coraid
    
    16115] cen nach ndímess.
    degmeic Maine Bresail Fiachraig
    Dallán & Domlen díles.
64. Dubne Dolus temen
    Fothud Airgnech
    Aendia Trennia
    Coennia Carpdech.
65. {MS folio 134b 40} Corpre Arad Arad Tíre.
    Arad Cliatach.
    Latharn Baentraige in Manaig
    
    16120] Dal Find Fiatach
66. Fodla Corpre sceo Tratraige
    ba toirm tírech;
    sluag balc buadach
    munter Herimoin meic Miled.
67. Maiccne Ebir
    Eoganachta uili ardait;
    Áni Loch Léin.
    Casel Cloendabair Ross nArgait.
68. {MS folio 134b 45} Eochu Raithlinne cen drongad
    
    16125] caín culad;
    Eoganacht cech dú i tát
    la brigu Muman.

---

p.522

69. {MS folio 134b} Mathe Dál Chaiss Dal Cein cetaig
    co ngail irgnai
    Dál Moga Dal Cuirc Dal Caeta
    Galing Delnai.
70. Tratraigi cech dú i tát
    Lugni im dualait.
    {MS folio 134b 50} Lugaid Láge
    16130] Luguirne & Mogo Nuadait
71. {MS folio 135a} Nuall clainne Lugdach meic Ítha
    olltond rudrag
    Erne Arbraige Músca Bascan
    meic Lugdach.
72. Lugaid Orcthe
    Lugaid Gala derga oen aible.
    rí Dúin Chermna Berre
    Lugaid Laigde.
73. {MS folio 135a 5} Lán in Heriu
    
    16135] do chlaind Ír meic Míled midir
    Rudraige rí Fachtna Fathach
    cona ciniud baide.
74. Ciar a cheithern
    Conmac cona maine muach;
    Corcu Dallan Corcu Eoluim
    Corco M'Ruad.
75. Dál mBúain Chonfind
    comil sergen serb ngossa;
    {MS folio 135a 10} Mog Roith ressa
    
    16140] ciniud Fergusa meic Rossa
76. Ríge o Factnu Dál nAraide
    ercda dogair;
    secht Laigse Lagen co febail
    na secht Sogain.
77. Síl Conaill Glaiss
    meic Éich ba ercdaid ogra;
    do Maig Fothaid do Maig Uisnig
    do Maig Mogna.
78. {MS folio 135a 15} Do Maig Sulide do Fernmaig
    
    16145] do Maig Mache
    d'Inbiur Buasse bruchtait srotha
    do iath Aiche.
79. Eocho Maireda in maitre
    miad n-ordd n-ingnad;
    diamb orba Lindmuine laendrech
    uas loch lindglan.
80. Laechrad síl Rígbaird meic Bríge
    báig cen gainne;
    {MS folio 135a 20} Corc Oiche cloe cloth cen timme
    
    16150] Dál saer Selle.
81. Seomuit ni duit do muntir Bregoin
    ciapsa magen.
    Gabraige ricca Uí Thairsig
    Galeoin Lagen.

---

p.523

82. {MS folio 135a} Léir ro thuirmisemar ar crónic
    cia no ngleed
    inti medon & tossach
    & dead.
83. {MS folio 135a 25} Derb lem cip é rodos ríme
    
    16155] o ro gabad Heriu.
    cona faigbe ní ba fíriu
    na bas leriu.
84. Leor lend lenmait a sanaisnís
    rofes tulad;
    munter Bregoin feib atberar
    can a mbunad. C.

p.524