Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 5

{MS folio 132b} Fland cecinit.

    1. {MS folio 132b 5} RIg Themra toebaige iar tain.
      óa flaith Loegaire lendglain;
      co tres mBríain nád búir dia mbá

      15785] adfes duib a n-aideda.
    2. Atbath cen cheilg nglanfer ngle.
      uas leirg Lagen Loegaire;
      {MS folio 132b 10} don gaethgréin cen gargmuir ngrind.
      eter Albain is Herind.

    3. 15790] Ailill maith Molt mac Nath Í
      ba flaith for Colt in caemrí;
      co torchair ba bét i cath.
      ac cóiciud Lagen Lugdach.
    4. Oc Achud Forcha ugrach.

      15795] bás meic Loegaire Lugdach;
      cen moltho thall na sund de.
      de forchu thrum thentide.
    5. {MS folio 132b 15} Murchertach ro berta blaid.
      mac Erca mac Muredaich;

      15800] i Clettiuch co ngráin gním gle.
      rod báid fín ra loisc tene.
    6. Tuathal Mael Garb ciarbo rí
      rod marb oc Grellaich Eltí
      Mael Mór cen laice fria lá

      15805] aite degrach Diarmata.
    7. Diarmait mac Cerbaill chuanaich.
      din Bregraind bláith bithbuadaig;
      {MS folio 132b 20} Aed Dub i rRaith Bic bil báin.
      ro gaeth co tric na thigdáil.

      8. p.510


    8. 15810] Domnall delbda deil co ngus. {MS folio 132b}
      fri forlond ferda Fergus;
      éc ros caithi icúa taich.
      da mac maithi Murchertaich.
    9. Baetan ro bethaig gart nglan.

      15815] is Eochaid mac a brathar;
      ros mochbí im diangarta dám.
      clothrí Ciannachta Cronán.
    10. {MS folio 132b 25} Ainmere mac Sétna sing.
      aidlide éca imrind;

      15820] ro ndacht cen dergnus dál de.
      Fergus mac náir Neilline.
    11. Ro gáetgáb cen grad im ga.
      Baetán mac nár Nainneda;
      fodrorraich forlond féne.

      15825] i comlond da Chumméne.
    12. Aed mac Ainmerech na n-ed.
      in fael fadberech firgel;
      {MS folio 132b 30} ba holc a ordd dia dúr dul.
      ort i nDún Bolgg la Brandub.

    13. 15830] Colmán Rímid rí cen locht.
      forlán fírdil fíretrocht;
      cen troit iarna thocrád tra.
      rod loitt Locan Dilmana.
    14. Aed Sláne fri sograd sel.

      15835] ardí gormnár gelGaedel;
      rod mbí Conall cuimni de.
      mac Suibne oc Loch Semtide.
    15. {MS folio 132b 35} Aed Allán álte raen rath.
      fris ráte in tAed Uairidnach;

      15840] ro chacht éc cen chobrainn cain.
      mac Domnaill meic Murchertaig.

      16. p.511

    16. {MS folio 132b} Mael Coba cele gluinn gal.
      i cath Slebe truim Toad;
      fuair duilge drend dú ro ba.

      15845] la Subne Mend mac Fiachna.
    17. Suibne co slogaib dia sloí
      do tharraing brónaig brennai;
      ro marbad in gaeth co ngail.
      la Congal Caech mac Scannail.

    18. 15850] Domnall ro chaith caemna crech. {MS folio 132b 40}
      mac Aeda meic Ainmerech;
      iar cét cath co cóemlí chend.
      éc atbath oenrí Herend.
    19. Cellach mac Maele Coba.

      15855] cen ellach n-aith n-imgona;
      foruacht fria blada sin Bruig.
      uacht na haba fodrorraig.
    20. {MS folio 132b 45} A bráthair Conall Cael cass.
      mor thorand trén triathamnas;

      15860] airchel co ndíanblait ar daig.
      docer la Diarmait Ruanaid.
    21. Blaithmac Diarmait dáena de.
      da mac saerAeda Slane;
      don mortlaid malartuind mir.

      15865] i Calatruim i mBuagnig.
    22. Sechnasach mac Blaithmeic buain
      crechlasrach cathglicc comgluair;
      {MS folio 132b 50} Dub Dúin din chúain Chorpri chaiss.
      rod búail tria oirgni ernbais.

    23. 15870] Ro thathaim in tan ba trú {MS folio 133a}
      a brathair i nAircheltru;
      úar ro gaelad tria gním ga.
      Cend Faelad la Finnachta.

      24. p.512

    24. {MS folio 133a} La Congalach cáem cen chair

      15875] & la Aed mac nDlúthaig;
      oc Dollud direchtga dath.
      ro bíth Finnaechta Fledach.
    25. {MS folio 133a 5} Loingsech mac Oengusa uill.
      ba toirsech i cath Choruind;

      15880] ro tenna co trocha a thli.
      la Cellach Locha Cimmi.
    26. Congal Bregrusa na mblat.
      mac find Fergusa Fanat;
      tess Temair de thám cen tláis.

      15885] coro ndedaig dál dianbáis.
    27. Docer Fergal find a gné
      i cath erglan Almaine;
      {MS folio 133a 10} lasin nglórgargg co ngairm gal.
      diarbo ainm morard Murchad.

    28. 15890] La Cinaed calma cen chair.
      la mac n-amra nIrgalaig;
      fúair ing Fogartach na feb.
      i Cind dronaltach Deilgthen.
    29. Hi cath Dromma Corcain cais.

      15895] ro mbraith de olcdáil ernbais;
      Cinaed cathnertnach mal chiss
      la Flaithbertach mac Longsich.
    30. {MS folio 133a 15} Flaithbertach mac Longsich luind.
      comsid cathchlechtach comluind;

      15900] argg foúair. dorchad ndatha.
      i nArd molthach morMacha.
    31. Aed Allán co crothaib cned.
      dorochair i mMaig Sered;
      ba borrband balc for blada.

      15905] la Domnall mac Murchada.

      32. p.513

    32. {MS folio 133a} Bebais brónamaill mbratha.
      mac móralaind Murchada;
      {MS folio 133a 20} hoa Dermata dergtha cland.
      diarbo degdalta Domnall.

    33. 15910] Niall Frossach fri griangart ngle.
      fíalmac fossad Fergaile;
      atbath in rí de deoin Dé
      oc dul d'Hí dia ailithre.
    34. Dondchad mac Domnaill drechaig.

      15915] comthach comlaind cruadchrechaig;
      contuil in tétgorm co thich.
      dia luid éc éclond Usnig.
    35. {MS folio 133a 25} Oc Áth da Ferta fúair mairg
      mac Neil rúaid rechta rogairg;

      15920] Aed fó méla forsin maig.
      iar n-era for Mael Canaig.
    36. Conchobor cnedmas cara.
      mac dían delbglan Dondchada;
      tathaim tríath tine co thaich.

      15925] i nÁth Mide morglonnaich.
    37. Ro báided Níall níabtha cland.
      i n-uisciu chiartha Challand;
      {MS folio 133a 30} de rod ngíul tar glorbla ngle.
      in Níall ciúin cróda Calle.

    38. 15930] Mael Sechnaill slecht sluinn co sain.
      de chlethchlaind Chuind Chétchathaig;
      art éc iar mbuadaib blaide
      mac Mael Ruanaid rogaide.
    39. Aed Findlíath fiched gail.

      15935] nirbo thimthríath troichnemail;
      co n-abad cen glónbrath ngainn.
      oc Druim ograch Inasclaind.

      40. p.514

    40. {MS folio 133a} Fland mac Mail Sechnaill uallaich.
      {MS folio 133a 35} barr uas brethraind bithbuadaig;

      15940] cen nach mbrath mbrogainech mbil.
      atbath órainech Usnig.
    41. La Sittriuc nGále co ngráin.
      iar n-áne iar n-imforráin;
      hi fích Átha Clíath co cul.

      15945] ro bíth in Níall glan Glúndub.
    42. Dondchad de dind Mide maith.
      fonnchath fine in firflaith;
      {MS folio 133a 40} cen chath cen choll nglond co ngail.
      atbath in dond oll Asail.

    43. 15950] La gaethu Gall gairgge gen.
      & la laechu Lagen;
      docer Congalach cet cland
      oc Taig glondbladach Giugrand.
    44. I nArd mínMacha maith cell.

      15955] aidid fírflatha Frigrend;
      cen dodraing ndéin ndedgair nguil.
      Domnall Huí Neill níamadbuil.
    45. {MS folio 133a 45} Mael Sechnaill Slemna rop sen.
      for trebchlaind Temra is Talten;

      15960] ó Mac Dé díanglan ro det.
      ré teora mbliadan fichet.
    46. Etertudchaid Brían na mblad.
      grían de thulchaib tíarMuman;
      ba glé ro giallad a glacc.

      15965] ra re trí mbliadan deac.
    47. Brian co mbardlí uas barr Breg.
      ardlí Gall & Gaedel;
      {MS folio 133a 50} ar torcc tromm ba galar garg.
      ort la drong nDanar nDanmarg.

      48. p.515


    48. 15970] Dorís ro rígad cen raind. {MS folio 133b}
      ria mmís Máel sirglan Sechnaill;
      cia té flaith fénnend co fí
      conid é Hérend oenrí R.
    49. Nan coma óa firard Flaind.

      15975] Mael sona sirglan Sechnaill;
      a Christ ron cruthaig hi crí
      corop suthain ar n-ardrí R.
    50. {MS folio 133b 5} Ro faith Nín. Cir. Dair. dia éis.
      ro faith Solam. sáim Xerxes;

      15980] Alaxandir glorda a gal.
      Octauin croda Céssar.
    51. Suthain flaith fail uas nélaib.
      bithboe. bithbeu. bithmeraid;
      ním nert acht Mac Dé de.

      15985] na rrí na recht na rige. R.
    52. Rossá Fland cen dígla dreinn
      mac ind fir lígda legind;
      {MS folio 133b 10} for nem rop dil dithig Dé
      riachtain richid i rríge. R.

p.516