Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 4


15640] {MS folio 131b} Fland Manistrech cecinit.

    1. RIg Themra dia tesband tnú
      adfessam a n-aidedu;
      do thaidbsin a ndrechach ndil
      co hamsir Echach Feidlig.

    2. 15645] Eocho Feidlech find fine.
      nirbo theidmnech timcride;
      tathaim i Temraig cen tnú
      {MS folio 131b 40} iar ndebaid fria mórmaccu.
    3. Eochaid Airem eraim ndaith.

      15650] ort i Fremaind in firlaith;
      ba tigban dia ríge ra.
      la Sigmall Side Nenta.
    4. Ina ndíaid ba rrí cia rel.
      mac hu Iair Eterscél;

      15655] la Nuadait Necht na slúag sen.
      docer i mMaig muad Maisten.
    5. {MS folio 131b 45} Atberat Lagin na llecht.
      robo rí ced Nuadu Necht;
      a aided cen chobraind cain.

      15660] ni fogbaim i scríbennaib.
    6. Conaire Mór mad cert cin.
      slecht cona slóg i mBrudin.
      iar tírfeirg. toglaig in tríuin.
      la dibirg n-omnaig nIncíuil.

    7. 15665] Mac Tri Find Lugaid Riab nDerg.
      ba cubaid cial a chruadcherd;
      {MS folio 131b 50} ro marbsat in mbuadching bil
      na tri Ruadchind do Laignib.

      8. p.505

    8. {MS folio 131b} Lánrí co mborrthorud búan.

      15670] in Conchobor Abratruad;
      iar Lugdaig lonchor na lland.
      nóco torchair la Crimthand.
    9. {MS folio 132a} Co torach ar certblai caín.
      Étair dia echtrai ingnaid;

      15675] Crimthand coelbalc cload chath.
      nocho n-erbailt mac Lugdach.
    10. Lanrí Corpre Coraind cain
      athair Moraind morbrethaig;
      atbath in Cattchend cen chath.

      15680] su ba fortend Feradach
    11. {MS folio 132a 5} Feradach Find Fechtnach Fáil.
      ercad cech n-ing co n-ilgráin;
      ba bét cen brath brón na baind.
      éc atbath mac coir Cremthaind.

    12. 15685] Cend Gaedel Fiatach Find Fáil.
      in t-oenfer cen imbarbáig;
      niro chomthaig risnach cair.
      noco torchair la Fiachaig.
    13. Fiacha Finnolod for nech.

      15690] nirb immomon étualngech;
      {MS folio 132a 10} ciarbo rí co rréimim rath.
      rod mbí Ellim mac Conrach.
    14. La Tuathal triathach iar tain.
      la mac Fiachach Finnolaid;

      15695] fer adfédim fiad cech claind.
      docer Ellim i nAchaill.
    15. Tuathal Techt cen tam co tlí
      ro slecht i nDál Araidi;
      lasin ngein co ngrád gleir gle.

      15700] la Mál mac réil Rochride.

      16. p.506

    16. {MS folio 132a} Ro gab Mál Temraig na tor.
      {MS folio 132a 15} ro selbaig dar sarugod;
      uair rabo rogarb iar tain.
      conid romarb mac Tuathail.

    17. 15705] Mac Tuathail Tectmair na treb.
      Feidilmid Rechtaid rogel;
      ro thathaim na thúaith coa thaig.
      athair Cuind chruaid Chetchathaig.
    18. Ba cend Cathair croda cain.

      15710] cen tathair for Temarmaig;
      {MS folio 132a 20} robo rí in gáeth gle.
      coro mbí laechrad Luagne.
    19. La Tuaith Amrais oll athach.
      docer in Cond Cétchathach;

      15715] la Tipraiti co mbáig bí
      la hoa Máil meic Rochridi.
    20. Ro gab gialblaid cech druing de.
      a chliamain Cuind Conaire;
      co torchair cen temel timm.

      15720] tíar la Nemed mac Srobcind.
    21. {MS folio 132a 25} Slecht la Mac Con cen chacht cned.
      cen re dlecht Art Oenfer;
      a díth ro dámair sin chath.
      dia mbíth do lágain Lugdach.

    22. 15725] Lugaid i Temraig cen tart.
      coros terlaic do Chormac;
      ra chroch cen bréic coa thír thes.
      in goth néit tarlaic Ferches.
    23. Fergus Dub Detach na ndrend.

      15730] ba rí in sétach snedeng;
      {MS folio 132a 30} co torchair cen brinda mbalc.
      i cath Chrinna la Cormac.

      24. p.507

    24. {MS folio 132a} Docer Cormac hua Cuind chais.
      fordarc cech druing dronamnais;

      15735] robbo glétráig tríuin cen trait.
      dia ngcíuil iachcnáim na bragit.
    25. Ba Eochaid Gunnat ro glacc.
      in cumat ro thecht Cormac;
      uair ro crád ro cáin ria cath.

      15740] coro gáb de láim Lugdach.
    26. {MS folio 132a 35} La Corpre comramach cían.
      flathius forbarach fírian;
      caín cing for orba a ré
      i tóeb grind Gabra Aichle.

    27. 15745] Án flaith Fothud Cairpdech crech.
      corod caith Fothud Airgdech;
      maíti in tAirgdech a díth de.
      la Cailte i crích Cruithne.
    28. Ced Fiacha Sraptene imrá

      15750] triathbla tailcthreibe Temra;
      is cath Duib Chommair cía thois.
      fodrorraich ní cath Chnámrois.
    29. {MS folio 132a 40} Colla Uais uas chianbla chain.
      cethri bliadna ó Airgiallaib;

      15755] den bruig ba bét ciaro bá
      luid éc iarna innarba.
    30. Os Dabull diglach na ndrend.
      la cóiced n-irach nHerend;
      docer in ceolach cét crech.

      15760] Muridach treorach Tírech.
    31. {MS folio 132a 45} Triallais Coelbad mac Cruind chain.
      caenmag bá Cuind Cétchathaig;
      coro chluí a brétho a blaid
      in tEocho mac Muredaig.

      32. p.508


    32. 15765] Marb iarna rígad don tslóg.
      Eocho mínglan Mugmedon;
      ro fírad cid cruth aile.
      ro scríbad issin Scálbaile.
    33. {MS folio 132a 50} Siacht cert nGaedel cosin ngail.

      15770] Cremthand mac faengel Fidaig;
      do neim ní dalb dronggeng díur.
      rod marb Mongfend a derbsíur.
    34. Do Niall Noígiallach anair.
      tucad soerfiallach sobraig;

      15775] de Muir Ict ni bethu ba.
      ro mbí Eocho mac Enna.
    35. Oc Elpa tria airec n-áig.
      rod n-erca saiget gelain;
      Nath Í trenseng cosin tlí

      15780] ciarbo é Herend oenrí R.

p.509