Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 2

{MS folio 129b} Gilla Coemain cecinit. Attá sund forba fessa

    1. ATtá sund forba fessa.

      15260] fer nHerend cen ancessa;
      remes cech ríg ro gab gíall
      o Loegaire co laechBrían.
    2. Loegaire andar lem ro gab
      .xxx. rathmar robliadan;

      15265] Ailill Molt maith ro giallad {MS folio 129b 50}
      fri ré fichet findbliadan.
    3. {MS folio 130a} Cóic bliadna fichet ferr de
      do Lugaid mac Loegaire;
      xiiii. 's a deich.

      15270] remis Murchertaig merggich.
    4. Óenbliadain déc i Temraig thair.
      Tuathail Mael Gairb gascedaig;
      xx. mar giallmait día chlaind
      ba rí Diarmait mac Cerbaill.

    5. 15275] Domnall is Fergus na fled {MS folio 130a 5}
      Baetan is Eocho uchtgel;
      Ainmere in coiced cen chess
      .uii. mbliadna riam a remess.
    6. Óenbliadain fri ól meda.

      15280] do Baetan mac Nainneda;
      A ocht fichet fuair debech
      in tAed mend mac Ainmerech.
    7. Aed Sláne is Cholmán Rímid
      .uii. mbliadna don dís dírig;

      15285] .uii. mbliadna díb ba dimdach {MS folio 130a 10}
      in tAed amnas Uairidnach.

      8. p.492

    8. {MS folio 130a} Tri bliadna Mail Choba chaiss.
      a .xu. Subne sulmaiss;
      .xxx. bliadan cona mblaid

      15290] Domnall mac Aeda echtaig.
    9. Conall Cáel is Chellach Cairnd
      a dó fichet fo desgairm;
      Blathmac & Diarmait dil
      .x. mbliadna don da brathair.

    10. 15295] Cóic bliadna Sechnasaig sluind. {MS folio 130a 15}
      a secht Chind Fáelad echduind
      certfichi bliadan blada.
      d'Fínnachta mac Dunchada.
    11. Ocht bliadna Longsig ro laim

      15300] a .ix. Congail Chind Magair;
      Fergal mac Maele Duin daith.
      oenbliadain déc don degflaith.
    12. Oenbliadain Fogartaig aird.
      a cóic Cinaeda cathgairg;

      15305] uii. mbliadna Flaithbertaig Fáil {MS folio 130a 20}
      .ix. mbliadna Aeda Alláin.
    13. Xx. do Domnall Dala.
      do mac massech Murchada;
      .uii. mbliadna fa míad immach

      15310] ba rí Níall fianna Frassach.
    14. Secht mbliadna .xx.et cen feirg.
      Dondchaid meic Domnaill drechdeirg.
      a .xxuii. aile.
      ropo rí in tAed Orddnide.

    15. 15315] Cethri bliadna déc cen don. {MS folio 130a 25}
      sin Ráith Chloen do Chonchobor
      xui. co tremuin
      Neill Cailde na chertdegaid.

      16. p.493

    16. {MS folio 130a} Secht mbliadna déc derg in daig.

      15320] Mael Sechnaill meic Mael Ruanaid;
      cethri bliadna déc ic dáil fíach.
      ro baí in tAed fergach Findlíath.
    17. Fland mac Mael Sechnaill foúair
      .xl. iarna comfúaim;

      15325] acht teora bliadna sin Brug. {MS folio 130a 30}
      cen anaill do Niall Glundub.
    18. Cóic bliadna fichet i flaith.
      Dondchada meic Flaind lánmaith;
      Congalach mac Mael Mithig.

      15330] a deich don ríg rochrichid.
    19. Cóic bliadna & fiche fós
      Domnaill Hui Néill co naebnós;
      tri bliadna ar fichet cen raind.
      do Mael Sechnaill mac Domnaill.

    20. 15335] Da bliadain déc Bríain na mbend. {MS folio 130a 35}
      iar ngabail giall fer nHerend;
      alchaing gai glaiss a glacca.
      rí Dáil Chais ba curate .A.
    21. Cia beith cách i costecht riss.

      15340] nidat ardena anfis;
      fiss a rrand is rígda in scél.
      fis a cland is a cenel.
    22. Deich ríg o Chonall cheolach.
      se ríg déc o dagEogan;

      15345] ix. ríg o Aed Sláne slán. {MS folio 130a 40}
      uii. flathe do Chlaind Cholmán.
    23. Oenrí a mMumain móir marcaig
      & oenrí a Connactaib;
      oenrí a Cairpriu cass a graig.

      15350] na trí tromflathe a Temraig.

      24. p.494

    24. {MS folio 130a} Deich rig Conaill Gulbain gairg
      cussu rancatar rígbaird;
      Ainmere is Baetán na mbreth.
      & Aed mac Ainmerech.

    25. 15355] Mael Coba & Domnall dess. {MS folio 130a 45}
      Conall. Cellach na cathchless;
      Longsech is Chongal na crech
      díb ra forbad Flathbertach.
    26. Xui. ríg Eogain na n-all

      15360] Murchertach & Domnall;
      Fergus & Baetan bil.
      Eochaid is Cholmán Rímid.
    27. Aed Uairidnach Subne Mend
      Fergal Aed Allán úarchend;

      15365] Niall Frossach Aed ind Ordain. {MS folio 130a 50}
      Niall on Challaind chlartholgaig.
    28. {MS folio 130b} Aed Findlíath fer amar Lug.
      & a mac Niall Glundub;
      ranic co gerenach Gall

      15370] in rí dedenach Domnall.
    29. Ix. ríg im Aed Sláne sluind.
      síl Diarmata meic Cerbuill;
      Blaithmac & Diarmait delb glan.
      Sechnasach is Chend Fáelad.

    30. 15375] Finnachta ba fata a thóeb. {MS folio 130b 5}
      Fogartach & Cinaed;
      glaccach na corrga sin cath
      marcach Cnogba Congalach.
    31. Uii. ríg do Chlaind Cholmáin Móir.

      15380] Dondchad Domnall in degóir;
      Conchobor Mael Sechnaill sen.
      Fland & Dondchad detgel.

      32. p.495

    32. {MS folio 130b} Mael Sechnaill in sechtmad flaith.
      a cnucc Usnig uasalmaith;

      15385] oenrí a mMumain maith a chíall. {MS folio 130b 10}
      ro gabsat Ulaid a Brían.
    33. Oenrí a Connachtaib na cath.
      in tAilill Molt imchonach;
      oenrí a Cairpriu na clíath.

      15390] Tuathal Mael Garb na ngallscíath.
    34. Loegaire & Lugaid lond.
      calma a cath 's a cumlond;
      Diarmait mac Cerbaill na ceil.
      flathe Temrach in triarsein.

    35. 15395] Ocht ríg cetrachat co cend {MS folio 130b 15}
      i n-ardrígi na Herend;
      o thánic Patraic i part.
      co torchair Brian na mbreccbratt. A.
    36. Cóic bliadna déc is sé chét

      15400] flathius na ríg ni robréc;
      o Loegaire Liss Loga.
      co díbad Briain Boroma. A.
    37. Rí nime noebdo cach gein
      mac na barrfinni a Bethil;

      15405] tria ladraib mo lám ro lass. {MS folio 130b 20}
      a grád imm anmain attas. A.,

p.496