- {MS folio 127a} HERiu ard inis na rríg.
magen molbthach na mórgním;
nocon fitir duni a diach
conos fúair Bith hua Lamíach.
14665] Ladru is Bith Fintan fáthach
.l. ingen ingnathach;
lucht ro chétgab Banba bind
.xl. la ria ndilind.- {MS folio 127a 5} Atbath Cessair do thám trait.
14670] tíar i Cúil Cesra a coícait.
don robanuch ruathar gand.
atbath Ladru i nArd Ladrand.- Atbath Fintan fath fíre.
sin Mumain do mallchrine.
14675] Bith ina sléib lúaided seirc.
marb de chumaid a oenmeic.- Oenbliadain déc datta in blad.
iar ndílind.ccc. mbliadan;
{MS folio 127a 10} don Hérind galaig can glór.
14680] conas ragaib Partholon- Partholon puirt Gréc glan grind
.ccc. bliadan baí i nHerind.
co n-erbailt de thám iar tain
.ix. mile ra hóensechtmain.
14685] Óentricha bliadan can brón.
ba fás Heriu iar Partholon;
co toracht Neimed anair
dar muir cona mormaccaib
- {MS folio 127a} Cethri meic in laích don lind.
14690] Starn Fergus Ardán Annind {MS folio 127a 15}
dochoid Neimed éc de thám.
fichi cét i crích Liathán.- Lecht Stairn sin debaid duind
la Febail i Cés Choraind
14695] marba de gallind ni chél.
Annind & Iarbonél.- And sin luid Fergus ria chlaind.
{MS folio 127a 20} coro bris Cathraig Conaind.
dorochair Fergus na feirg
14700] la Morc mac Deiled drechdeirg.- Da cét bliadan blad cech druing
ón maidmsin Cathrach Conaind;
co tancatar clanna Stairn
assin Gréic uathmair acgairb.
14705] Sé bliadna déc is da cet
re árim. ní himmarbréc
{MS folio 127a 25} ro chaith Neimed cona chlaind.
coro toglad Tor Conaind.- Coic íg rissin muriucht mass.
14710] tancatar dar muir morglass;
hi tri longsib ni fáth fand
Galiuin Fir Bolg Fir Domnand.- Flaith Fer mBolg Rudraige in rí.
gabais for Tracht Rudraigi;
14715] i nInbiur Slaine na srían.
Slaine re Feraib Galian.- {MS folio 127a 30} Fir Domnand co trí rígaib.
lam des fri Herind n-íraig;
Sengand Genand & Gand.
14720] gabsat Irrus datta Domnand.
- {MS folio 127a} Óenchóiced ic Feraib Bolg
cóiced Fer Galían cen anord;
& tri chóicid in rand.
rucsat Fir datta Domnand.
14725] Doratsat in cethrur cain.
rígi nHerend dia mbrathair;
conid é Sláne sáer seng.
cétrí ro gab tír nHerend.- {MS folio 127a 35} Estid ri haidid cach fir.
14730] ra ainm & ra amsir.
coro innisiur dúib uile.
rigu Fotla foltbude.- Bliadain do Sláne don laech
corod marb galar garbgaeth;
14735] adnacht i nDumu Sláne
cétrí Herend echbáne.- {MS folio 127a 40} Dí bliadain Rúdraige ruith
co n-erbalt issin ardBruig.
Gand Genand marba de thám
14740] .iiii. bliadna a flaith forlán.- Cóic bliadna Sengaind iar sein.
co torchair la Fiachraig.
cóic bliadna Fiachrach finnaid
conid romarb ruadRindail.
14745] Sé bliadna Rinnail don raind.
rod marb Odbgen mac Sengaind;
{MS folio 127a 45} Odbgen ro chaith a cethair.
dorochair la airdEchaig.- Eochu mac Eirc in rí raith
14750] .x. mbliadna a flathius lánmaith;
é sin cétrí do rind
ro gaet ar tús i nHerind. H.
- {MS folio 127a} Nuadu Argatlám na n-ech.
rod marb Balar Balcbemnech
14755] .xx. bliadan a flathius
ós Herind i n-ardmathius- {MS folio 127a 50} Bres mac Eladan meic Néit.
ropo ruiri co roméit
.uii. mbliadna dó nir fota
14760] éc atbath don ruadrota.- {MS folio 127b} Ro giallad do Lug don láech.
da fichet bliadan barrgáeth;
mórecht doringni Mac Cuill
bás hui Dían Cecht i Caíndruim.
14665] Eochu Ollathair íarma.
cethri fichit findbliadna.
bás in Dagdai derg na ndrend
dond erchor tarlaic Ceithnend.- {MS folio 127b 5} Deich mbliadna don Delbaeth dil
14770] co torchair do láim Chachir
x. mbliadna Fiachach findgil.
coros marb Eogan airdInbir.- .IX. mbliadna fichet malle.
Mac Cuill Mac Cecht Mac Grene;
14775] tri meic Cermata co n-úaill
i rríge os Banba bratrúaid.- Dorochair Mac Grene gel.
i Taltin la hAmairgen;
{MS folio 127b 10} Mac Cuill la Éber inn óir.
14780] Mac Cecht do laim Herimoin. H.- Bliadain. i rrige 'ma róen.
d'Hérimón is d'Ébiur foltchaem;
co torchair Eber iar tain
do láim Herimóin imglain.
14785] Hérimón airdairc cen on. {MS folio 127b}
ba leis ind Heriu a óenor
ré secht mbliadan déc don dos.
éc atbath i nArgetros.- A thrí meic.iii. bliadna ar blad
14790] co bás Mumne i mMaig Crúachan; {MS folio 127b 15}
Luigne & Láigne na lland.
ro marbtha i cath Aird Ladrand.- Lechta cethri mac Ebir.
la Iriel Fáid finnfénnid;
14795] lethbliadain a flaith nir mór.
Aer Orba Fergna. Feron.- Iriel Fáid fiched gail gaíth.
a.x. remes in rolaích;
{MS folio 127b 20} co n-erbailt i mMaig Múade.
14800] de galar olc oenúaire.- Ethriel mac Irieoil na n-ech.
cert.xx. bliadan buidnech
co torchair i rRaírind rúaid.
do laim Conmail chlaidebrúaid.
14805] Conmael mac Ebir cen ail.
cétflaith mórBanba a mMumain.
árim trí ndeich mbliadan bras.
co torchair la Tigernmas- {MS folio 127b 25} Tigernmas ba trén a rig
14810] .uii. mbliadna ar secht ndechib;
co n-erbailt issin tám thend.
i torchair ár fer nHerend.- Eochu Étgudach amra
.iiii. bliadna ós brecBanba;
14815] ní dalb i cath Temrach tricc.
rod marb Cermna mac Ébric.
- {MS folio 127b} Cermna Sobairche seol mbil.
dá mac Ebric meic Ebr
{MS folio 127b 30} da fichet bliadan co mblaid.
14820] cétríg Herend a Ultaib.- Aided Sobairche na dún.
la Echaid Mind darin múr
aided Cermna sin chath cas
la Eochaig Find Faeburglas
14825] .Xx. bliadan blad co n-aíb. {MS folio 127b 35}
flathius Echach meic Conmaíl
Fiacha Labrainni na llerg
ro marb Echaid Faeburderg.- Xx. a cethair cen chaimme
14830] ba flaith Fiacha Labrainne;
docer rí fene Fabair.
i cath Slébi Belgadain.- Bliadain fora deich fa dó
fot flatha Echach Mumó'
14835] co torchair in caemdos cain.
lasin nOengus nOlmucaid- Sé bliadna fa dí in tucaid.
ba rí in tOengus Olmucaid
{MS folio 127b 40} docer i Carmon in chleth.
14840] la hEnna n-adbol nAirctech- Arim noí mbliadan fa thrí
d'Énna Airgdech don ardrí
rod marb Rothechtaid mac Maín.
i mMaig rúaid Raigne rocaín
14845] Ré chóic mbliadan co mblaid. {MS folio 127b}
ro giallad do Rothectaid
dorochair la Setna nArt
issin Chruachain cetna Connacht- {MS folio 127b 45} Cóic bliadna do Setna Art
14850] docer in rí rá romac
niru maith in mac mílib tor.
dia athair a sarugod- Xui. bliadna fa chethair.
flaith Fiachach fialchrechaig
14855] Fiacha flaith sochair na slog
dorochair la Munemón- Munemón .u. bliadna ar blaid.
fat flatha meic Cais Chlothaig.
{MS folio 127b 50} atbath rí Dairbre do thám
14860] i mMaig Aidne immelbán- Arim deich mbliadan can brón.
do mac morgarg Munemón
docer Ailderg Dóit in raith.
la hOllomain i Temraig.
14865] Trícha bliadan fora deich. {MS folio 128a}
co éc Olloman étsid;
rí na n-éces ard a rath
ca ndernad cétfess Temrach.- Tren a mac Finnachta Fáil
14870] a deich thucad na degdáil;
i mMaig Inis do thám trá
fuair crád rí milis Macha.- Mac d'Ollomain Slánoll súairc
.x. mbliadna a.uii. for sóerchuairt;
14875] atbath cen chloemchlód for dath {MS folio 128a 5}
i mmedón tige Temrach.
- {MS folio 128a} Trí secht mbliadan buan in rath.
ro chaith Gede Ollgothach;
co torchair Géde in garta
14880] la Fiachaig mac Finnachta.- Fichi bliadan blad cen geis.
fat flatha Féic for longeis;
docer rí Cera na clad.
i cath Brega la Berngal.
14885] Berngal mac Gede in gáeth grind {MS folio 128a 10}
da bliadain déc a daglind;
ro thairind sin gleicc a gail.
Ailill mac meic d'Ollomain.- Ailill .uii. mbliadna fa dó
14890] degmac Slánuill ni saebró;
fúair aided la Sírna.
la ríg Temra toebidna.- Temair Fáil fúair charait caím.
dia toracht Sirna slattchaín;
14895] a thrichait cét láech iar ló {MS folio 128a 15}
ro scar ríge ri Ulto:- Ro chaith Sírna co sríanaib.
re tri sectaib soerbliadnaib;
aided Sirna slechtaib.
14900] i nAlind la Rothechtaid.- Rothechtaid ro thairind rot.
remis .uii. mbliadan mbithboc;
oc Dún Sobairche ósin tsál
ra loisc in tene geláin.
14905] Gabais Ellim co ngíallaib {MS folio 128a 20}
ríge os Herind oenbliadain.;
dorochair Ellim co n-aíb
la mac Ailella Olchaín.
- {MS folio 128a} Árim.ix. mbliadan namma
14910] ro giallad mac Ailella;
dorochair Giallchad gart grind.
la hArt Imlech mac Ellim.- Árim sé mbliadan fa dó
d'Art iaram ní himmargó;
14915] la Nuadait Fáil fichtib bla. {MS folio 128a 25}
dorochair Art Imlecha.- Aided Nuadat rofess lib.
la Bress Rig mac Airt Imlich;
cethri deich bliadan bríge.
14920] ro feith Nuadu nertríge.- Noí mbliadna Bressi na mberg.
rapo mór tressi a thrénredg;
aided meic Airt inn airm chrúaid.
i mmulluch Cairn chaiss Chonlúain.
14925] Cethri ráthi rúthi cath. {MS folio 128a 30}
dond Eochaid urdairc Apthach;
docer Eochaid Átha Lúain.
la Find mac Bratha bratrúaid.- Bliadain .uii. mbliadna fo thrí
14930] fot flatha Find Formaíli;
aided ind Find chétna chlé
la Sétna mbind. mac Bresse.- Setna airegda arsaid.
dorat chrod do chetamsaib;
14935] certfichi bliadan cen brón {MS folio 128a 35}
coro riagad la Simón.- Simón Brec sé bliadna ar becht.
rop é in t-iarla cen anrecht;
la Duach Find mac Sétna sláin.
14940] fuair ing éca mac Aedáin.
- {MS folio 128a} Ed deich mbliadan co mbladaib
ro chaith Duach mac Indaraid;
dorochair rí Cláre i cath
i mMáge la Murethach.
14945] Muredach mí for bliadain {MS folio 128a 40}
robo rí co rogiallaib;
fuair Muridach celg tria chath
la hEnna nDerg mac Duach.- Da bliadain déc réil a rath.
14950] ropo rí mac déin Duach;
marb cuinnid cach liss cuimnig.
i Sleib Miss co morbuidnib.- Noí mbliadna riaglom réil bla.
Lugdach Iarndond meic Énna;
14955] dorochair in ruri rán. {MS folio 128a 45}
i rRaith Chlochair la Sirlam.- Sírlam saiged slúag Muimnech.
da n-ocht mbliadan brecbuidnech;
fuair a thairbirt sin tress.
14960] la Eochaig n-airdairc nÚarchess.- Eocho Úarchess ard a flaith
.uii. mbliadna a coic ro chaemchaith
dorochair rí Banba ar blaid.
ri maccaib calma Congail.
14965] Eocho & Conamg co ngail. {MS folio 128a 50}
da mac Congail Chostadaig;
bátar da rechtiarla in raith.
réu. mbliadna i comflaith.- {MS folio 128b} Eochu Fidmuine na fergg.
14970] docer la Lugaid Lámderg;
.uii. mbliadna do Lugaid lainn.
iar sin ros mudaig Conaing.
- {MS folio 128b} Conaing mac Congail cleth glan.
{MS folio 128b 5} níro n-ómnaig rí riam;
14975] fichi ro chaith for cach leth.
coro marb Art mac Lugdech.- Art mac Lugdech laechda a gluinn.
bliadain a cóic i Caíndruim;
dorochair Art sin debuid.
14980] la Fiachra mac Muredaig.- Mac Airt oenbliadain déc daith.
Ailill Find féta in fírlaith;
dorochair i cath Odba.
la Argatmár imcholma.
14985] Ro chinset a céim curad. {MS folio 128b 10}
Eocho Lugaid laechcurach;
co cend .uii. mbliadan dar sál.
ro innarbsat Argatmár.- Eocho mac Ailella Find.
14990] ro marb Argatmár imgrind;
rí Carmuin Clare & Cliach.
i nÁne na n-armsciath.- Arim trí ndeich mbliadan mbán.
ro giallad do Argatmár;
14995] ro scarsat ria gargblaid nglain. {MS folio 128b 15}
Duach Ladgair & Lugaid.- Lugaid Laidech ro lín mag
.uiii. mbliadna a bríg for borrfad;
docer craeb chumnech in Cairn
15000] la hAed mbuidnech mac mBaduirn.- Áed mac Baduirn nós Banba.
árim tri secht saerchalma.
bás ríg Maige cruaid Cétne.
i nEss Rúaid na roécne.
15005] Dorochair Dithorba dond. {MS folio 128b}
{MS folio 128b 20} risna cuanaib i Corond;
xx. & bliadain glan gle.
rí for fíannaib Fáilinse.- Fiche & a .uii. co mblaid.
15010] do Chimbáeth mór mac Fintain;
Cimbaeth cáem cétflaith Emna.
éc atbath rí roThemra.- Remis .uiii. mbliadan co mblaid.
dia éis iaram don rigain
15015] Macha co mbertaib na mbergg. {MS folio 128b 25}
coros marb Rechtaid Rigderg.- Rechtaid ro chaith fichit féig.
mac Lugdech Laidig lángéir;
rí Clochair is Chind Maige.
15020] dorochair la Ugaine.- Ugaine maith miad nglan.
flaith cethri deich dagbliadan;
ní cian os bruinne in Braga.
ro marb buille Badbchatha.
15025] Da bliadain Loegaire Luirc. {MS folio 128b 30}
i rrige os Banba brecbuic;
ra lochrad in chraeb cen chol.
la Cobthach Cáel i Carmon.- Cobthach cóic .x. bliadan mbúan.
15030] ro riarad in rí rorúad;
coro loisc tene isin tig.
ic ól na flede ic Labraid.- Labraid Loingsech laech ro chaith
.ix. bliadna déc co degmaith;
15035] Labraid Bérre cosin mblaid. {MS folio 128b 35}
ro marb Melge mac Cobthaig.
- {MS folio 128b} Ro chaith Meilge maith a lí
.uii. mbliadna déc ba degrí;
dorochair dar bord cia bé
15040] sin chath la Mog Corb Cláire.- Mog Corb a mMumain cen meirgg.
mac meic Rectaid Rígdeirg
docer coemdoss Cind Mara
la Óengus hua Labrada.
15045] Oengus Ollam a hocht déc. {MS folio 128b 40}
dorat socht for slúag saerGréc.
docer rí Edne cen ail
la mac Meilge meic Cobthaig.- Mac Melge Irireo án.
15050] remis ocht mbliadan bithlán;
la Fer Corbb mac Moga Cuirb.
docer rí Broga in brecduirnd.- Bliadain ara deich d'Fir Chorb
ropo ruithnech a rígdordd;
15055] dorodbad inn omna ard. {MS folio 128b 45}
a rron dlig Conla clethgarg.- A cethair fa chóic cen cheo.
remis irdairc Irereo;
sin Temraig mogda cen mair.
15060] atbath Conla hua Cobthaig.- Cóic bliadna.xx. fria ré
Ailella na ardrige;
Amathair mac Fir Chuirp caiss.
é ro glacc in duirb drechmais.
15065] Deich mbliadna fo trí i tuilg Te {MS folio 128b 50}
mac Fir.Chuirp i comrige;
docer la Eochaig co n-aíb.
Amathair Flidais Foltchaín.
- {MS folio 129a} Fiche acht sé bliadna ar blad.
15070] ba rí Eocho Altlethan;
co torchair tíar inna thaig.
la Fergus fíal Fortamail.- Fergus fúair óenbliadain déc
maith ro ríarad in rogéc;
15075] docer bid cumnech in cath.
la Oengus Turmech Temrach.- {MS folio 129a 5} Trí fichit bliadan co mblaid.
d'Oengus Turmech i Temraig;
ba sním ri cuane Chnuic Breg.
15080] éc ríg Tuage & Talten.- Cóic bliadna na ré cu rrath.
Conall cialla Collomrach;
Nia Segamain ro múdaig.
fer feramail findChodail.
15085] Fuair Nia Segamuin. a secht
osind Érind cen andrecht;
{MS folio 129a 10} dorochair in carpdech cass.
la hEnna nAirgdech n-amnass.- Enna Airgdech ardd a blad.
15090] ro chaith cethri chóic bliadan;
rí Banba docer i cath.
la Crimthand calma Coscrach.- Cethri bliadna Crimthaind chaiss
ósind Herind immelglais;
15095] docer rí cumraide in Chairn.
de laim Rudraige rogairb.- {MS folio 129a 15} Rudraige rí Fáil co mblaid.
secht deich bliadan de bliadnaib
brath is bét do Banba bind.
15100] éc atbath i nArgatglind.
- {MS folio 129a} In Fintait Már a mMumain maith.
a noí don churaid chomdaith;
dorochair mar ro fírad
lasin mBresal mBodíbad.
15105] Bresal Bodibath co becht
.ix. mbliadna ós Herind a nert;
{MS folio 129a 20} docer rí Cualnge con trait.
do láim Luagne meic Fintait.- Lugaid Luagne léir a blad.
15110] cen buadre tri chóic bliadan;
dorochair hua Airt Imlig.
do glaic Congail Chláringnig.- Congal cóic bliadna déc dóig.
do mac Rudraige romóir;
15115] lasin Duach Dailte Dedaid.
fúair tráig & tromdebaid.- {MS folio 129a 25} Duach Dalta Dedaig in daig.
i rríge os Temair tholgaich;
x. mbliadna da smacht immach.
15120] coros marb Fachtna Fathach.- Fachtna fichi acht a cethair
do mac Rossa i rrigbethaid;
la Echaid Feidlech mac Find.
docer in rí de ruadrind.
15125] Ré da bliadan déc búan breth.
{MS folio 129a 30} ro giallad Eocho Feidlech;
isin Temraig mongaich maith
fuair dig tonnaid in t-ardflaith.- Cóic bliadna déc dó iar sin.
15130] d'Eochaig bithe dia bráthair;
noco bréc in scél dia chlaind.
ra loisc tene i Frémaind.
- {MS folio 129a} Eterscél fer rigda in raith.
fuair cóic bliadna co bithmaith.
15135] docer rí na recht do rind.
la Nuadait Necht i nAlind.- {MS folio 129a 35} Aided Nuadat i cath Chlíach.
la Conaire na cóemsciath;
níro chaith acht da ráthe.
15140] i flaith Herend ardbláthe.- Ardflaith Conaire for cách
.uii. ndeich mbliadan co deggnáth;
bás ríg na llaech sin Brudin.
la Incél Caech crechdulig.
15145] Cóic bliadna do Themraig tricc.
cen rurig ndedgair ndianglicc;
{MS folio 129a 40} co n-érracht Lugaid Ríab nDerg.
ropo thalchair a threnredg.- A sé fichet do Lugaid.
15150] co n-ébailt do thromchumaid;
Conchobor bliadain a band.
noco torchair la Crimthand.- Crimthand cáem clíarach ro chaith.
sé bliadna déc co degmaith;
15155] co n-ébailt aithle a echtra.
mac Lugdech in laechrechta- {MS folio 129a 45} Lánrí Corpri Chind Chaitt chrúaid.
osin Temraig tailc tondbúain;
.u. bliadna a rath asin raind.
15160] éc atbath athair Moraind.- Maith flathius Feradaig Find
.xx. & a dó a daglind;
is bét cuimnech i lLeith Chuinn.
éc uí Luigdech i lLiathdruim.
15165] Tri bliadna ríge co rrath. {MS folio 129a}
d'Erind fo nirt Fiachach;
{MS folio 129a 50} la Fiachaig Find búair ferda.
dorochair rí roEmna.- {MS folio 129b} Bá rí Fiacha for fíannaib.
15170] a secht déc do dagbliadnaib;
docer i mMaig Bolgg barrglass.
la Ellim ord imamnass.- Árim da ndeich d'Erind áin.
rodos feith Ellim imláin;
15175] rí crúaid Cnucha i cath Aichle.
fúair trucha & trenaithbe.- {MS folio 129b 5} Tuathal tren .xxx. ro thecht.
ro thend cricha trí choemnert;
isin tress for lár Line.
15180] ro marb Mál mac Róchride.- Cethri bliadna ro thecht Mál.
ro marb Feidlimid imnár;
a noí is fír sin.
naco n-erbailt mac Tuathail.
15185] A sé fichet cen tathair trait
ro chaith Cathair hua Cormaic
{MS folio 129b 10} dorochair rí Tuage thes.
la féin Luagne na lluamchless.- Cond cóic bliadna fa chethair.
15190] ba íarla co n-airlechaib;
dorochair Cond cláir Mide.
la mac Máil meic Rochride.
- {MS folio 129b} Ro chaith Conaire a chliamain
.uii. bliadna & oenbliadain;
15195] dorochair flaith Femin find.
do láim Nemid meic Srobcind.- {MS folio 129b 15} Art mac Cuind calma ro glacc.
in Banba fri ré trichat
ro mudaig ciarbo chara
15200] Lugaid i cath Mucrama.- Lugaid mac Con mac Lugdech
.xxx. bliadan balcbuidnech;
la Ferches mac Commain cain.
fúair forrain is frithargain.
15205] Fergus Dubdetach cen dianblaid.
cen ecnach ri oenbliadain.
{MS folio 129b 20} dorochair gilla na nglacc
i cath Chrinna la Cormac.- Cormac cethri deich datta.
15210] ro feith in laech lamfata;
ro mbáid i Tig Clettig crúaid.
cnáim ind íaich ettig innúair.- Eocho Gunnat ro giallad.
i nÉrind ed oenbliadan;
15215] ro mudaig glacc in gossa
Lugaid mac meic Oengosa.- {MS folio 129b 25} Árim sé mbliadan da deich
ro giallad Carpre cuinnid;
sin Gabair cid trúag linni.
15220] ro madaid Ruad Rorinni.- Ro gabsatar na Fothaid.
bliadain os Banba bothaig;
dorochair Fothad Cairptech
lasin Fothad findAirgdech.
15225] Aided Fothaid iar fingail. {MS folio 129b}
i cath Ollorba inbaig;
{MS folio 129b 30} Fiacha iar Fothud feith latt.
secht mbliadna déc ar fichet.- Fiacha fuair dig tonnaid tra.
15230] i cath Duib Chommuir la Colla;
.iiii. bliadna Colla iar cath.
conid romarb Muridach.- Muridach Tirech a deich
degmac Fiachach cu fírbreith.
15235] ic Dabull la mac Cruind cain
dorochair hua Cuind Chodail.- {MS folio 129b 35} Coelbad bliadain blad cen brón.
ro marb Eocho Mugmedón;
A ocht d'Eochaid ní bréc sain.
15240] co ndeochaid éc i Temraig.- Tri bliadna déc datta in barr.
nirbo fota do Chrimthand;
fuair dig nimnid ina thig.
ra siair ra hingin Nemid.
15245] Fiche bliadan fora secht
maroen do Niall ra nert;
{MS folio 129b 40} ni dalb os Muir Icht elach
ro marb Eochaid ardfledach.- Cethri cóic bliadan 's a trí
15250] ro giallad do niurt Nath Í;
i Sléib Elpa na n-arm n-án.
ra loisc in tene gelán.
- {MS folio 129b} Sé rig déc se fichit ríg.
ria tiachtain Patraic co fír;
15255] dar éis Sláne na ngal ngrind.
{MS folio 129b 45} is é lín ro gab dar éis Herind.Heriu.,