Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 16

Aided Derb Forgaill

{MS folio 125a 25}Derb Forgaill ingen ríg Lochlainne ro charastar Coin Culaind
14435] ara urscelaib. Dolluid anair i rricht da géise & a hinailt co mbátar for Loch Cuan & rond óir eturru. Amal ro boí dano Cu Chulaind & Lugaid a dalta .i. mac na Tri Find Emna laa and la toíb ind locha co n-accatar na heonu. Dibairg na heonu or {MS folio 125a 30} Lugaid. Dolleici Cu Chulaind cloich forru co ndechaid etera hasna
14440] co mboí ina broind. Bátar da deilb duine issin tracht fo chetóir. olc robá rim ar ind ingen. & is tú doroacht. Is fír ar Cu Chulaind. Ro súgi iarum a tóeb na ingine in cloich co mbuí ina beolu cosin loim chró roboí impe. Is dot insaigid tánacsa tra or si. Nathó {MS folio 125a 35} a ingen or se. In tóeb ro súgiusa or se ní chomraiciubsa riss.
14445] Dombéraso dano do neoch bas maith let. Is maith limsa ém or se dul duitsiu cosin mac as soíriu fil i nHerind .i. Lugaid Riab nDerg. Maith lim or si acht conot accur do gs. Luid iarum co Lugaid co rruc claind dó.

{MS folio 125a 40} Laa and dí i nderiud gemrid. snecta mór and. Doniat na
14450] fir corthe mór don tsnechtu. Lotar na mna forna corthe. Ba he a tuscurnud. Tabram ar mún isin coirthe dús cia as sia ragas ind. In ben o ría triit is í as ferr congaib úan. Ni roacht dí uadib. Congairther Derb Forgaill uadib. Nirbo áill lea or nirbo {MS folio 125a 45} baeth. Téit arai forsin corthe ro selaig uade co talam. Dia
14455] fessatar trá ind fir so nícon grádaigfider i fail na oínmná. Gatair a súile assa cind. & a sróna & a da n-ó & a trilis. Niba soaccobraite ón. Dognither a pianad amlaidsin. & berair iar tain da tig. Batar {MS folio 125a 50} ind fir is tilaig i ndáil os Emain. Is ingnad lem a Lugaid ar Cu Chulaind snechta for taig Derb Forgaill. Is i n-écaib atási dí ar
14460] Lugaid. Tiagait for comluath dochum in taige. Amal rochualasi ón dunaid a tech furri. Oslaic ar Cu Chulaind. Caín bláth forro scarsam or si. Is and asbert.

    1. {MS folio 125a 55} Celebraid Cu Chulaind dam
      domriacht om íathaib iúil
      14465]
      & Lugaid luth la beirt.
      dia tartus seirc náchim chiúil. ||

    2. p.464

    3. {MS folio 125b} Isim éicen dul i cían.
      ní fo fechta nodam ét
      scarad friu bid dál éicne
      14470]
      menim thistais écne éc.
    4. La Coin Culaind la Lugaid.
      risnarom úath na hómon.
      menbad athber co n-athlech
      nibad aithrech ar comol.
      14475]
    5. Comul scartha fri Riab nDerg.
      {MS folio 125b 5} is delg i cridi cró cnis.
      Cu Chulaind do bith i n-ingnais.
      dirsan menbad leca lis.
    6. Menbad leca lis Lugdach
      14480]
      lasa rumnad cach nderba;
      ba romoch ar n-étarba
      fri mac na Tri Find Emna.
    7. Nach accimse Coin Culaind
      domringne dérach dubach.
      14485]
      díthre mo thúath truag amar
      & scarad fri Lugaid.
    8. {MS folio 125b 10} Nim rumartsa mo fianchara.
      Cu Chulaind caraid buafad.
      baí dam ceile soer subaid
      14490]
      Lugaid mac Clothrand Cruachan.
    9. Buaid gaile buaid clis ria cách
      do Choin Culaind cruth rod n-aí.
      buaid ngaiscid do Lugaid lúath
      buaid mo chrotha sech cech mnaí.
      14495]
    10. Cach buaid dimbúaid iar tain
      cipia frisa ferthar tnú;
      cach indbass bid indles n-úag
      cach trén bid truag l^ bid trú.

    11. p.465

    12. {MS folio 125b} Sirechtach dál in bith cé.
      14500]
      {MS folio 125b 15} ni sét fris nem nech dogní;
      torbais dál báis sech cech ndúis
      gnúis chaín cid alaind a lí.
    13. Nimda genair cridi crúaid
      dobeir táeb fri ailethúaith.
      14505]
      ara mence soas gné
      a gnuis ri úair ndochraite.
    14. In tan imreidmis Emain
      a Temair nírbo drochband.
      {MS folio 125b 20} Cu Chulaind and ba subaid
      14510]
      & Lugaid mac Clothrand.
    15. Cu Chulaind dam d'acallaim
      co ngnímaib danaib Dubthaig.
      iss ed ba slán lam chride
      & lige la Lugaid.
      14515]
    16. Ro scarsam friar n-amalla
      oca mbimmís fri cach sel
      bés no comairsem nach tai
      ro delbad dam dul ar cel. C.

{MS folio 125b 25} Iss ed atberatsom ní baí a hanim intisi in tan tancatarsom
14520] is tech innund. Asberat dano ba marb Lugaid a chetoir oca descin . Luid im Cu Chulaind isa tech cosna mná co tarat a tech forthu conna tudchid fer na ben i mbethaid assin tigsin .i. dona tri coicdaib rigan. acht ros marb uile. Is and asbert Cu Chulaind.

    1. {MS folio 125b 30}Derb Forgaill bruinne gel bán
      14525]
      domriacht dar srotha sál.
      ba rath carat ro dam fír.
      ingen rig de Lochlaind lán.
    2. Oro boí eter da fert.
      dogní mert mo chride cró.
      14530]
      gnúis Derb Forgaill fo licce leirg.
      Lugaid Riab nDerg dirsan dó.

    3. p.466

    4. {MS folio 125b} Ba hallud mór do Lugaid
      boí fora chrannaib glee.
      {MS folio 125b 35} coíca cetguine cen dáil
      14535]
      la hannud cach ree.
    5. Derb Forgail clú co n-áne
      co ngenus & féle.
      noco rala cor n-uabair
      gnuis dar gualaind a ceile.
      14540]
    6. Tri coicait ban i nEmain
      is me doruid a n-orgain;
      cia fogelmais ríg na túath
      ba luag dóib Derb Forgaill.

{MS folio 125b 40} Derb .i. Dér ingen Forgaill rig Lochlainne. Rolad a fert & a
14545] llia la Coin Culaind.


p.467