BAi mesca mór for Ulto fecht n-and i nEmain Macha. Docuridar dí immarbaga móra & comrama eturro .i. eter Chonall & Coin Culaind & Loegaire. Tucaid damsa ar Conall inchind Mess {MS folio 123b 45} Gegra coro acilliur ócu na comram. Ba bes d'Ultaib ind inbaidsin
14300] cach curaid no marbdais ar galaib oenfir no gatta a n-inchind assa cendaib & commesctha ael airthib co ndenad liathroite cruade díb. & in tan no bítis i n-immarbaig no chomramaib dobertis dóib co {MS folio 123b 50} mbítis inna lamaib.
Maith a Chonchobuir ar Conall naco ndernat oic na comram
14305] echt fon innasa ar galam oínfir. nidat tualngi comram frimsa. Is fir ón ar Conchobor. Doratad iarum forsin forud fora mbid do grés ind inchind. Luid cách a lethi arnabarach dia cluchiu. {MS folio 123b 55} Dolluid dano Cet mac Matach do chuairt ectra la Ulto. Beist {MS folio 124a} ass andsam ro boí i nHerind || in Cet. Is ed dolluidside dar
14310] faidchi na hEmna & tri laechcind leis do Ultaib. In tan bátar na ónmite co cluchiu do inchind Mes Gegra. Iss ed atbert ind ónmit {MS folio 124a 5} fri araile. Rocluinedar Cet anísin. Ethaidside in n-inchind a lláim indala n-aí & berid leis. O rofitir Cet ro boí i tarngere do Mess Gegra a digail iarna écaib. Cach cath & cach irga no bíd
14315] do Chonnachtaib fri Ulto dobered Cet in n-inchind inna chriss dús in tetarthad écht n-amra d'Ultaib do marbad di.
{MS folio 124a 10} Fecht and dí dolluidseom intí Cet sair co tuc tánai mbó a Feraib Ross. Donarraid i n-iarmoracht Ulaid ina diaid. Doriachtatar dano Connachtai dond leith aile dia thessaircainseom. Fechair
14320] cath eturro. Dolluid Conchobor féin issin cath. Conid and sin {MS folio 124a 15} gadatar mna Connacht do Chonchobur tuidecht for leith do descin a delba dóib. Fo bíth ni rabi for talmain delb duini amal deilb
{MS folio 124a} Conchobuir .i. eter chruth & deilb & dechelt. eter mét & córe & cutrummae. eter rosc & folt & gile. eter gaís. & alaig. & erlabra. eter
14325] {MS folio 124a 20} erriud & áne & écosc. eter arm & immad & orddan. eter gnais & gaisced & chenel. Nirbo lochtach trá intí Conchobor. A comairli im in Cheit ro gabsat na mná ailgis do Chonchobur. Luid iarum for leth a oínur dia descin dona mnaib.
Dolluid Cet im co mbuí eter na mná i mmedón. Nos indlethar
13430] {MS folio 124a 25} Cet inchind Mes Gegra isin tábaill. & nos teilc conid tarla i mmullach Conchobuir co mbátar a da trian inna chind & co torchairseom isa cend co tarla fri lár. Focherddat Ulaid chuci conid rucsat o Chet. For brú Átha Daire da Báeth is and dorochair Conchobor. {MS folio 124a 30} Atá a lige and baile i torchair & corthe fria chend & corthe fria
14335] chossa.
Maidid tra for Connachta co Sciaid Aird na Con. Dobertar Ulaid sair doridisi co Áth Daire Da Báeth. Mo brithse ass ar Conchobor. Dobér ríge nUlad do neoch nom béra connici mo thech. Not bersa ar Cend Berraide ar a gilla fadéin. Dobeirside
14340] {MS folio 124a 35} lomain imme & no mbeir fora muin co Arddachad Slebe Fúait. Maidid a chride isin gillu. Conid desin atá ríge Cind Berraide for Ultaib .i. in rí fora muin leth ind laí. Conócbad trá in debaid on tráth co araile dar éis in ríg. Co raimid for Ulto iar sin.
{MS folio 124a 40} Doberar tra a liaig co Conchobor .i. Fingen. Iss eside no finnad
14345] don diaid no theiged don tig. in lín no bíd i ngalur sin tig. & cech galar no bíd and. Maith or Fingen dia taltar in chloch asdo chind {MS folio 124a 45} biat marb fo chetóir. Mani tucthar ass im not ícfaind. & bid athis duit. Is asso dún ar Ulaid ind athis oldás a écsom.
Ro iccad iarum a chend & ro fuaged co snáth óir ar ba cumma
14350] dath fuilt Conchobuir & dath inn óir. & asbert in liaig fri Conchobor co mbeth i fomtin .i. arna tísad a ferg dó & na digsed for ech & na {MS folio 124a 50} etraiged mnai co anfeta & na rethed.
Ro boí dano isin chuntabairtsin céin robo beo .i. uii. mbliadna & nirbo engnamaid acht a airisium inna suidi namma .i. naco cuala
14355] Crist do chrochad do Iudaidib. Tanic andside crith mór forsna dúli & ro chrithnaig nem & talam la mét in gníma darónad and {MS folio 124b} .i. Ísu Crist mac Dé bí do chrochad. || cen chinaid. Craet so ar Conchobor fria druid. Cia olc mór dognither isind lathiusa indiu. Is fír on ém ar in druí. Is mór in gnímsin ar Conchobor. In
14360] fersin dano ar in druí i n-oenaidchi ro gein & rogenisiu .i. in .uiii. kl^ enair cencop inund bliadain.
{MS folio 124b 5} Is and sin ro chreiti Conchobor. & iss ésin indara fer ro chreti
{MS folio 124b} do Dia i nHerind ria tiachtain creitmi é .i. Morand in fer aile. Maith tra ar Conchobor.
14365]
.R. Ba hapraind na dáil cu ardríg. nar nagg atumbeoir i rricht chruadchurad cichtis cichtis mo beoil concichlais {MS folio 124b 10} crúas mór miled. maidm nitha múaid nimslóig serbairlech. sordnifed soerchobair la Crist congenaind. gair báeth baruléim for leth ain lan Chomded lanscél cé chointir crochad ríg
14370] ba moo coirp a rí ardrach adamrai. tumcichthe in gním i tinol tairisem treóin uasal i Coimded coimthecht congnam {MS folio 124b 15} caín bé la Dia dilgadach dia chobair. caín forlund fóberaind. caín comlund crothfind Crist ar nemthuir. nipu scíth ce chéssaitís coirp chriad. ciarbo ar Crist cáid cumachtach cia
14375] dú dún nad rochem rád dúr derchointe ru n-ortar inarmen {MS folio 124b 20} mona miad nad ríg roachtmar ron cráidi crochad Crist ma chotócbaimmis ba hassu nad bemmis iar n-ardrach ecomnart uasal rí ro cés croich cruaid ar doine digmaig dia ráith ragaindse bás achtu flaith for leccaind fochil n-éca nabu ní
14380] nemthuir necht remiteised do choimrid mo chride clúas in {MS folio 124b 25} ardrach nguba armu Dia indscib nad ríg roacht co fír fortacht fritumthá brón báis conatbiur ar omun dom dul druib. cen Dulemain digail.
Is and doringni Conchobor in rethoricse diaro innis Bachrach
14385] druí de Lagnib do Chonchobur Crist do chrochad. Diara iarfaig {MS folio 124b 30} Conchobor ciata airde ingantacha so. &c. l^ dano combad é Altus in consul dodechaid o Ochtauin do chungid in chisa co Gaedelaib no innised do Chonchobur Cridt do chrochad.,