Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 55

Gormlaith ingen Flaind

{MS folio 52b}GOrmlaith ingen Flaind meic Mael Shechnaill tanic ar debaid
7480] ó Cherball mac Muricain do thig a athar & ro chuiredar ra haiss arís d'indsaigid Cerbaill. i cinta ind imdergtha tuc Cerball {MS folio 52 b5}di. Cerball i n-othrus in tansain i nNás. Is i do iarfaigid scela in chatha Maigi Ailbi & amal ra marbad Cormac. Ra boísium iarum
7485] oca innisin dissi mar ra gatad a chend de Chormac & se fein na fiadnaisi. Is and atrubairt Gormlaith.

    1. Cindas berass Ísu breith
      for dreich na derna maith
      {MS folio 52b 10} na tarat anacul fír

      7490] don epscop don ríg don flaith. &c.

Tuc Cerball lua da choiss friasi & si fo chossaib sinn airidin coro thuitt Gormlaith dara aiss siar co raba a nnáire ri cach. Conid airesin rachuaidsi ar debaid do thig a hathar

{MS folio 52b 15}O rachuala Niall Glundub sain. tanic atuaid & Conall & Eogan &
7495] Airgialla laiss do thabairt dilsi Gormlaithe ar ecin o Lagnib Acht chena ra thairmisc Gormlaith & iss ed ra ráid co faigbed a dilsi chena ó Cherball. uair atrubairt Gormlaith is miscaiss dorat. & {MS folio 52b 20} ro batar cethri puirt fichet acci i lLagnib & d[...]gal tarsib & a dilsi di. Uair is e Cerball ruc ar tús riam a chrod do miscnechan & a dílsi don mnaí. Conid and sin ra iarfaig Niall de Fland corugud
7500] catha Lagen

    Fland

    1. Ossairge do chlé a catha.
      hú Chendselaig dess flatha;
      a n-aesam in chatha cruaid.

      7505] {MS folio 52b 25} Gaill is Lagin i n-oenuair.

    p.258

    Niall

    1. {MS folio 52b} Niall. Airgialla do chlé ar catha
      ra sluag Temrach dess flatha
      ra Conall ra Eogan ard
      a n-oesam na cath comgarg.

    Fland


    1. 7510] Da mbetis da Airgiall and
      da Eogan is da Chonall
      is dá Mide in airme
      toetsat uile ri Laigne.

    Niall

    1. {MS folio 52b 30}Cid dochana Temair do grád

      7515] na Ailech na Emain án;
      dá sé catha im Niall ngruad nglan
      meni dingbat cath Lagen.

    Fland

    1. Brigit rempo is na ndíaid
      is imgoin ra
      [...]
      caith sciaith

      7520] dorat dóib ara hadrad.
      ríg Herend do lúathmarbad

    Niall

    1. Cidit beodai Lagin na land
      nocho gebat ra Conall;
      {MS folio 52b35} Conall & Eogan a tig.

      7525] riu nocho gebat Lagin.

    Fland

    1. Da tiastai i lLaignib na land
      da roster da bar fiss and
      Conall is Eogan co ngráin.
      dagebat chath co cruadgair

    Niall


    1. 7530] Niall. A Flaind meic Mael Shechnaill áin
      nocho lind beri do báig
      dáig do chlemnasu ríu.
      romor gebi ri Laigniu

    p.259

    Fland

    1. {MS folio 52b} Do rig Ailig ni lúaid ni lúaid less.

      7535] saigid fodess fodess dairib doss.
      medi can gein brainib
      [...]
      saigid fodess.
      snaidi fris
      [...]
      ass Emain oss. O.

p.260