Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 47

Echta Lagen for Leth Cuind


    1. 6980] {MS folio 48b} EChta Lagen for Leth Cuind
      forsna clannaib i lLiathdruim
      imda ar n-anfala na tig
      ic clannaib Labrada Longsich.
    2. {MS folio 48b 10} Labraid Longsech na laine

      6985] hua irdairc Úgaire.
      ro marb Cobthach cosin rath
      i mBrudin Tuamma Tenbath.
    3. Oengus Ollam ord cuman
      ro marb Corbb Cliach Muman;

      6990] Fergus Fortamail fechair
      docer Eochu Altlethain.
    4. Crimthand Coscrach sin chath
      ro marb Conall Collomrach.
      {MS folio 48b 15} Nuadu ro marb rí in Broga.

      6995] hua Ieir for Leirg Labrada.
    5. Ailill Connacht ciar garb sein
      is é ro marb Amargin.
      Lugaid Riab nDerg ossin glind
      rod marbsat na tri Ruadcind.

    6. 7000] Fer Gel Fer Roguin rathach.
      is Lomna Druth dergdathach.
      na Ruadcinn ni dalb saine
      is iat ro marb Conaire.
    7. {MS folio 48b 20} Cet mac Matach ria molod

      7005] rola in cloich for Conchobor.
      Ailill mac Matach mór gus.
      is leis dorochair Fergus
    8. Erc mac Carpri co cruas Gaill.
      is é ro marb Coin Culaind

      7010] Find mac Rosa cossin rath.
      leis dorochair Mes Dead.

      9. p.238

    9. {MS folio 48b} Do láim Mes Gegra co ngail.
      Loegaire mac Amairgin.
      {MS folio 48b 25} di láim Mug Smaile sin trait

      7015] docer Daire mac Cormaic
    10. Deich n-ingena Cormaic cain
      ra loisc Dunlang i Temraig.
      .xii. ingin ríg Muman.
      's a deich do ríg Ulad.

    11. 7020] Ailbe. Treithne. Grane gle.
      Lemon. Sciath. Admoer. Ange;
      Faife trillsech cen tige
      {MS folio 48b 30} Innerb & Talinne.
    12. Ingena Ailella Flaind.

      7025] Domna Detach Der Forgaill;
      Innerb Nechtain Tibre tra.
      Ciar is Semair sálfata.
    13. Ingena Ailella Áne.
      Taltiu & Moerna & Nárne

      7030] Emer Brectan Sogen Slain.
      Feidelm Fratan ni triamain.
    14. Mám Mungairit mín a drech.
      {MS folio 48b 35} Mám Mullethan Mám Trillsech;
      cét n-ingen la cech n-ingin

      7035] ros marb Dunlang dondInbir.
    15. La Fothad Canann sin chath
      docer Ailill Cend Nathrach;
      la Cailte Cosluath cairpdech
      docer Fothad findAirgdech.

    16. 7040] Aed mac Fidaig di láim Find
      {MS folio 48b 40} Di sleig Fiaclaig meic Conchind;
      ar in grád ni chél ane.
      dorat d'ingin Breg Éile.

      17. p.239

    17. {MS folio 48b} Din tsleig cétna ro marb Find.

      7045] Culdub mac Fidga forfind
      din gaesin ro marbtha thall
      {MS folio 48b 45} Deicell find aithech Érand.
    18. Mug Corb rí Lagen ro lass
      ro marb Cormac Cond Longes;

      7050] ro marbsat sin tress
      Ferches mac Commáin éices.
    19. Corpre Liphechair na llend
      rod marbsat da Ruad Roírend;
      Senioth Sarnia noco chél.

      7055] {MS folio 48b 50} is iat ro marb Eocho Domlen.
    20. Fiachra Cassan comul ngle
      docer la Íath mac Cailte.
      Eocho mac Ennai inn áig
      ros marb Bécc mac Lethdergáin.

    21. 7060] I Ráith Becce i mBregaib thess.
      {MS folio 49a} do l^ cer Bécc .l. eicess.
      la Echaid Cendselach cerr
      is leis dorochair Laidcend.
    22. Lasin nEochaidsin cen chath

      7065] dorochair Niall mac Echach
      Dúnlang Maisten in maige
      leis ra caisced Loegaire.
    23. {MS folio 49a5} Laignech ro marb rachuala.
      Brían i cath Damchlúana.

      7070] Ailill Molt rí Temra thall
      fúair a cherbbad la Crimthand.
    24. Oengus mac Nad Fraich fír dam.
      is la Lagniu ro marbad
      rí Cassil céim cen gainne

      7075] la Ailill mac nDunlainge

      25. p.240

    25. {MS folio 49a} Brandub mac Echach na n-ech
      ro marb Aed mac Ainmerech;
      Cummascach mac Aeda ard.
      ros marb Lochine londgarg.

    26. 7080] I nDún Bolg ba bét co mbrath.
      dorochair Bécc mac Cuanach;
      i cath Detna thess con chaill
      docer Ardgar mac Conaill.
    27. {MS folio 49a15} Maelodrán ros marb co tailc.

      7085] Dunchad Conall meic Blaimaic
      Murchad rí Lagen na lend.
      docer Fergal flaith Herend.
    28. Conall Mend rí Cairpri cain.
      malle is Fergal dorochair;

      7090] Aed Lagen rí Hua Mane
      i cath irdairc Almaine. E.
    29. {MS folio 49a 20} Níall Glundub gád is guba
      fúair ar lár ac Lethduma.
      la Laigniu sobladach sith

      7095] Congalach mac Mael Mithig
    30. Brían Broga bili buada.
      docer i cath Tarbchluana
      ra ríg nAlman ba cruaid cecht
      {MS folio 49a 25} rop adbal is rop ardecht. E.

p.241