Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 45

Guidim Comdid cumachtach

    1. {MS folio 48a} GUidim Comdid cumachtach
      comsid Cille Rannairechl^
      rob é dígal Chummascaig

      6885] guin Aeda meic Ainmirech
    2. Guin Aeda meic Ainmerech
      atá duib i tairngire;
      rí in talman do thurchairthi
      is adbal ind anbthine.

    3. 6890] Tri catha meic ardEchthach
      cu Aed inna urnaide.
      {MS folio 48a5} ticfa uair na dergmaitne
      is bud crúaid in comraicthe.
    4. Guin Aeda iar nguin Chummascaig

      6895] dagentar mar ármimse;
      sé míli mar maidimse
      scél firi radimse.
    5. Bud garb gleo na cétaine
      do Themraig na torcraide.

      6900] niba suail in lechtlaige
      bias re rígaib Lorcmaige.

      6. p.234

    6. {MS folio 48a} Betit mnaa cana muntera
      betit fir i fuledaib
      betit meic for merugud

      6905] du sceol meic meic Muredaig.
    7. Bud cotach bud comfossad
      ce beit catha comdine
      bud cumthach bud comraichne
      ra hUltaib inn erslébe.

    8. 6910] Is í seo mo chomairle
      do mac Echach anbthenach;
      {MS folio 48a 15} na bíd in rí robladach.
      im síd ra mac Ainmerech.
    9. Is ímo chomairle

      6915] mairg nech doní dormaine;
      mairg faemas a anfine
      mairg móras a mogduine.
    10. Dar Scadarc re sciathbudin
      doria mac meic Muridaig;

      6920] dar Muntech dar Munigin
      dar Dámne co ndubfedaib.
    11. {MS folio 48a 20} Dar Étur dar Ardchaillid
      doria forgla ar tinoilni.
      dar Ard mBresta mbladaíbi

      6925] dar sess Slane sribúaine
    12. Dar Fé cusna fidlessaib
      dar romag re roslagaib;
      doria rena rodirmaib
      bud comraicthe comuabair.

      13. p.235


    13. 6930] {MS folio 48a} Beit fir ina faenligi.
      re mac Echach erbadaig.
      snigfid fuil dar fidrengaib
      suidfit brain for bernadaib.
    14. Atchiu goo gergorma

      6935] osa slúag co llinmuire.
      atchiu adbar ármaige
      os rennaib a rigruide.
    15. Atchiu chath can chuntabairt.
      atchiu in Badb ca thairngire.

      6940] {MS folio 48a 30} atchiu adbar irgaile
      ac sluag Berba barrglaine.
    16. Atchiu maidm ar mórsluagaib.
      noco lem nach duanmebair.
      atchiu bróen dar sárslegaib

      6945] atchiu Aed i n-úarilaid.
    17. Atchiu ár ar Eoganchaib.
      atchiu lén ar aignechaib
      atchiu Leth Cuind comchubaid
      {MS folio 48a 35} do thuttim re Laignechaib.

    18. 6950] Atchiu ár i n-óenbaile
      ar Leth Cuind in chomlongaid
      atchiu chlaind Neill níamchoraig
      is a n-aigthe i n-oenchonair.
    19. Atchiu mana morchatha

      6955] for Leth Cuind co comramaib.
      atchiu degríg ndegLagen
      do dreim dara n-ormanaib.
    20. {MS folio 48a 40} Cretim Ísu n-archanglech
      in Rure ca rubimse;

      6960] Rí nime ní chelimse
      is é in Comdiu gudimse. G.

p.236