Part 41 of Book of Leinster, formerly Lebar na Núachongbála

Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 41

A bairgen ataí i ngábud

In gilla

6605] {MS folio 46a} A Bairgen ataí i ngábud.
nuchun faigbe th'imsnádud;
nit ain rí Lagen de
raga i ndegaid da séitche.
In challech

Rat ain Murican molbthach

6610] {MS folio 46a 40} rat ain Cerball is Chobthach;
rat ain Lorcan luades gail.
rat ain Domnall mac Murchaid
In gilla

Nit ain Fíngin na Ailill .
& Tadc Rathlind robind.

6615] nit ain Domnall a Dún Láir
nit ain Subne mac Colmáin
In challech

{MS folio 46a 45}Rat ain Mael Kailne na cath.
rat ain Oengus na n-ardrath.
rat aineca Ugrán ard

6620] rot ain Tressach & Tadc.
In gilla

Nochonot ain Dondchad mac Rind.
na Chellachán áith imgrind.
nit ain Conall na cath.
{MS folio 46a 50} na Chatharnach na Chobthach.
In challech

6625] Rot aincfe Lorcán Liamna.
{MS folio 46b} & Tadc l^ a táeb Iarba;
rat ain Ciarmac Slane seing
& Cellach mac Cerbaill.

p.224

In gilla

{MS folio 46a}Nit berat Lagin loga

6630] ó Thairdelbach Bórama;
nochot gebat a gleo gáid.
nít berat leo a himmarbaig
In challech

Ailill Mór mac Dunlaing duind.
{MS folio 46b5} ro bris .uii. catha for Leth Cuind;

6635] ro briss .uii. catha aile
for Mumain na rigraide.
In gilla

Grend Muman o Charn co Cliu
immot breith assa leith adíu.
grend Connacht a hEctge úair

6640] grend fer nHerend ra hoenuair.
In challech

Da clóra rí Liamna lán.
firfaider in t-immorrán.
betís colla de can chend
dambad e Brandub borbthend.
In gilla

6645] {MS folio 46b 10} Mo chobais do Ríg nime
d'oenmac Maire ingine;
ni chuala ríg bad ferr cruth
l^ rismad ferr airfitiud.
In challech

Ni chuala ríg bud ferr ciall

6650] na Brandub na mborbgíall;
na bad ferr do chur chatha.
ná do thairnium anflatha.
In gilla

{MS folio 46b 15} Is ris atrubairt in rí.
Máel Dúin ba fáth co fí;

6655] teiged rí Lagen dar muir.
l^ tabrad giall co Temraig.
In challech

In cend assa 'trubairt sein
Mael Duin ba fath co neim.
is é Brandub ro ben de

6660] dia mairt ar Maig Almaine

p.225

In gilla

{MS folio 46b} Ro marb Ailill Connacht crúaid
issin leirg ri Temraig atúaid;
{MS folio 46 b 20} ro marb Dondchad mac Neill glain
issin chétain ós Charmanmaig.
In challech

6665] Sluaig Muman is mór in dál
táetsat tresin n-immarrám;
Mumnig & na Lagnig
comraicfit im oenbargin. A.
In gilla

Midig Connachtaig ar cind.

6670] & Ultaig na n-ardmind;
{MS folio 46b 25} slóig Muman cusna habnib
condricfat im óenbargin. A.
In challech

Fir Herend o thuind co tuind.
ní himmarbáig im morruill;

6675] nocho berat o Lagnib.
diambtis budig d'oenbairgin. A.

{MS folio 46b 30}

Gilla ríg Muman. & callech do Lagnib doringni in n-immarbaigseo. ac Liss na Calligi i cind Maige Dala. Uair i mbiataigecht ro baisi and sin do ríg Lagen .i. do Cherball mac Muricain. Co tanic gilla
6680] {MS folio 46b 35}rig Muman ar búannacht da tigsi. arna chur do ríg Muman d'fiss a ceta. ar bá bágach andiúit in challech. Is and ro buí funi na n-aireman ar cind in gillai i tig na calligi. Tucad in chétbargen ro fuined deside i fiadnaisi in gillai co nduaid. Uair ni fitir in {MS folio 46b 40} challech nach do foigdi chena tanic in gilla. Ro bas im ac funi
6685] bairgene aile dona airemnaib. Conid and atbert in gilla. A ben ar se déna in mbarginsin ní as ferr andás doringnis in mbargin a {MS folio 46b 45}chianaib. Cia dethitiu i failisiu don bargin út ar in challech. Uair ni th'arisiu téit ria. Téit im ar in gilla. Uair m'airigid in bargen a chianaib & mo rímchuit in bargen út. Uair is for búannacht
6690] dodechadus ó rig Muman. Ia ón omm ar in chaillech. ro gab a {MS folio 46b 50} commairgi fort in bairgenso. Uair atási for commairge ríg Lagen.

Conid and atbert in gilla. A bairgen ataí &c. Ra chomraicset Lagin & fir Muman immesin. Coro curit tri catha eturru.,l^

p.226