Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 40

{MS folio 45b}

Item de eodem

    1. Cath tucastar Crimthann
      do Laegaire línmar;

      6515] {MS folio 45b 40} rop é in cath ard ágmar
      i torchair in rígrad.
    2. Cath tucastar Crimthann
      do Churc trén ros tassig;
      rop é in cath saer sochair

      6520] i trochair sluag Casil.
    3. Cath tucastar Crimthann
      do Dáire nar dubad.
      rop é in cath cruaid claideb
      dar slaided slúaig Muman.

    4. 6525] {MS folio 45b 45} Cath tucastar Crimthann
      fri Ailill n-ard n-uathmar;
      nirb é in gleo cen saethar
      diar throethad rí Cruachan.
    5. Cath tucastar Crimthann

      6530] ic Ess Ruaid barulad.
      rap é in cath cruaid claideb
      dar slaided sluaig Ulad.
    6. Cid mór dorat Crimthann
      do chathaib im rótu

      6535] {MS folio 45b 50} ba mó dorat Énna
      do chathaib ri hócu.
    7. Ro bris Enna Ailend
      da chath déc cen dodaing;l^
      {MS folio 46a} for túathmaig na Temra

      6540] for sluag Cerna crodaing

      8. p.220

    8. {MS folio 46a} Deich ríg ro marb Énna
      do findrígaib funid
      Aed Emna. Niall Ailig
      Fland Temra ra turim.

    9. 6545] Lugaid is Lorc Lumnig
      Oengus ag fri dala
      {MS folio 46a5} Mael Dúin ba fáth airgne.
      Ailill Carpre Caba.
    10. Énna mac Neill náraig

      6550] rap é in rí co nglaine
      is and fuair a thiugba
      lasin nEnna n-aile.
    11. Énna mac Neill náraig
      raba ri cáem cialla

      6555] ra hEnna na bága
      ra bíth i cath Liamna.
    12. {MS folio 46a 10} Cid Liamain ra lotar
      Lagin tarsi i Tarbga;
      do loscud na Temra

      6560] la Enna n-ard n-amra
    13. Amra in céim ra luid
      do loscud na Cruachna;
      ar múrad na hEmna
      ba gním febda fúachda.

    14. 6565] Fuachda lotar Lagin
      dar Áth Dúne Dogair.
      {MS folio 46a 15} ba lerithir Lagin
      lirithir da scoraib.

      15. p.221

    15. {MS folio 46a} Ra scuirset a n-eochu

      6570] dar múr Casil chliaraig.
      rucsat giall cach nónbair
      leo co Mastin miadglain.
    16. Ba miadach in munter
      ro bátar oc Enna;

      6575] {MS folio 46a 20} ropsat liri a ndala
      ropsat láma trena.
    17. Rapsat láma trena
      nit scela cen bunad.
      ra Leth Cuind na claideb

      6580] ra morthuathaib Muman.
    18. Cáin tucad do Énna
      a lLeith Chuind na curi
      screpal cacha tigi
      do findruini uili.

    19. 6585] {MS folio 46a 25} Cain tucad do Énna
      a Mumain fri gressu
      ungi d'ór cech lissu
      issin bliadain ba nessu.
    20. Ropsat mathi Lagin

      6590] fri lind Ennai imglain
      ro boí ith i talmain
      ro boí mes i fidbaid.
    21. Ra bítis a tigi
      i tilchaib can aithbi.

      6595] {MS folio 46a 30} ní bertis da rótaib
      ar uamain a cathmi.
    22. Ra bítís a tigi
      i tilchaib 's a cétib;
      rucsat giall cach cóicid

      6600] gabsat iat ar ecin.

      23. p.222

    23. {MS folio 46a} Labraid Bresal Belach
      Fiachu mac na flatha.
      uadib ra chin Énna
      {MS folio 46a 35} ni scéla co tacha. C.

p.223