Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 39

Idem Dubthach cecinit.

1. CRimthan clothrí cóicid Herend
   Hechtair Elgga.
   drumne d'ór milib molta
   bruidni berga.
2. Briathar fíren
   hua Bresail Beolaig meic Fiachach;
   in bár far brunnib mBrég mbrathach
   in scál scíathach
3. {MS folio 45a 25} In scél scaílit baird baidg Banba
   
   6450] fán mbith mbrígach;
   in bres bethrach in bréo bagach
   in gleo gnímach.
4. In gnuis alaind
   ás Lagnechaib Lifi lergmóir.
   {MS folio 45a 30} in fíal fortail ar cech fintóir
   in slíab dergóir
5. In doss dítnes dronga Domnand
   don chlár chathbath;
   in maidm for Midi múaid mifrech
   
   6455] in naidm nathrach.
6. In nert n-antrend
   na cáemnacair clód na costod
   cruaid a descol
   Crimthan co mbúaid is co coscor.
7. {MS folio 45a 35} Cath na Samaíre ar samain
   is é ros fossaig
   da tuc in maidm ac Raith Bresail
   ar Maig Mossaid
8. Mac Ennai Chendselaig comláin
   
   6460] cond fond fine
   ba ssil Síuir dar glun a graige
   sech Dún Sige.
9. Cosnamaid Herend uile
   echtach Áne.
   {MS folio 45a 40} á 'tchess midach Maige Fíne
   sech Ess Máge.
10. Morfind Mesnech & Masten
    & Mugna;
    meraid co bráth
    
    6465] na nderna ac Áth Mac Lugna.
11. Lagin im Chrimthand mac Ennae
    nertait calmai
    acht munter nimi ma nDúlem
    nimthá samla.

---

p.217

12. {MS folio 45a} Is é Crimthand chinnes ar cách
    co fáth fuilech
    is e oenfer
    is ferr do síl Gaedel nguinech.
13. Is é Crimthann
    
    6470] cinnes ar cách cétaib ruathar
    ro chraid crícha clemna a brathar
    Medba Cruachan.
14. Is é ro chreiti do Phatraic
    cen dúr ndligid;
    {MS folio 45a 50} ros gab d'anmcharait cháid chredail
    oc Ráith Bilig.
15. In bennachtu dorat
    noco n-urchrand
    {MS folio 45b} ar l^ Meill co llí
    
    6475] ar mullach Da Thí is for Crimthand. C.
16. Dubthach missi mac do Lugaid
    laidech lantrait;
    mé ruc in mbreith
    eter Loegaire & Patraic.
17. Me ros faisit is ros forgaill
    fath cen dibdud.
    {MS folio 45b 5} me ruc innechad na sargud
    dó & dilgud.
18. Lemsa cetna baclas dirthach
    
    6480] is cros chloche
    iss é mo thimthach
    ro baí im Chrimthan i cath Oche.
19. Mo lúrech iairn mo scíath uma
    mo chnes mo charat
    baroccalt féin fer na n-airech
    iss ed ron anacht.
20. {MS folio 45b 10} Dursan flaith fíal forsa roemid
    réim atconnarc.
    Ailill Molt intí fars n-immart
    
    6485] ba rí Connacht.
21. Secht cét déc cen esbaid n-oenfir
    ní ran roengó;
    ro marb Crimthand i cath Oche
    sin sin oenló.
22. Cethri bliadna resin cathsin
    cen nach tusled.
    {MS folio 45b 15} ro thairngert Patraic do Chrimthand
    is e ros brisfed.
23. Do briss Énna
    
    6490] da primchath déc daltis fuli;
    ar Uíb Néill ba gairm can chaire
    a mmaidm uli.

---

p.218

24. {MS folio 45b} Do bris Crimthand cethri catha
    fa dó delbaim;
    iar feiss ri Meill n-imgil n-imgrind
    ingin Ernbraind.
25. {MS folio 45b 20} Adlaic damsa ech mall mongach>
    nach saig siliud;
    ar domthalla
    
    6495] inalli rom chlanna is rom chiniud.
26. Co raib fóm co deired domain
    dúas mo dúane
    corop ech bas talam tíre
    alad úane.
27. Fuil tri fudbu ara sethnaig
    trethnaig tolgmaill.
    {MS folio 45b 25} Torchair ni tondmaeth ris tomtim
    Formael Fordruim
28. A erbull oc Banna brectrúaid
    
    6500] ra hald n-airdde;
    tend a chrechmuirn
    a chend a crechmuirn na fairge.
29. Fintar lib lethet na criche
    forsa ngébam.
    o Glais in Ascail ris ndalam
    co Maig Sergam.
30. {MS folio 45b 30} Secha sair na saig Meisnech
    co muir milach
    as fodess. i tress treolla
    
    6505] co hEs nDimma.
31. And atbert Da Thí mac Crimthaind
    in fond forais.
    undseo co lluath
    dotbia in tuath ra togais.
32. Noí ngrad nimi
    & in dechmad grád talman tilchaig.
    {MS folio 45b 35} is iat dilsi lúagi lemmthair
    duani Crimthain. C.
33. Milliud Mide mórad Lagen
    
    6510] léim dar Lulchach
    ni thanic rí bad chommaith
    i crí ri Crimthan.,

p.219