Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 38

{MS folio 45a}

Dubthach hua Lugair cecinit.

    1. ANdsu immarbáig ri Lagnib

      6425] láthur ferda
      Labraid Longsech ro marb Chobthach
      i Tuaim Tenba.
    2. Eochu Censelach mac Ennai
      ba rí rathach;
      ar ngeimled gíall
      marbastar Niall mac Echach.
    3. {MS folio 45a 5} Is cid Nuadu Necht mac Sétnai
      sáer a bunad;
      ro marb Eterscél mac Eogain

      6430] ardríg Muman.
    4. Is cid Fergus mac Róig di Ultaib
      na ngus ngalmar
      Ailill mac Rosa Ruaid
      fúair dá marbad
    5. Na trí Ruadcind ba di Lagnib
      láechda in crobang
      {MS folio 45a 10} marbsat Lugaid
      & Conaire & Conall.
    6. Erc mac Cairpri clothrí Herend

      6435] cona thuraind;
      tend in barrfind
      bentais a chend de Choin Chulaind.
    7. Cid mac Nad Fraich Oengus Muman
      cona fairnd
      ic Sossad Chell
      barfácaib a chend la Ailill.
    8. {MS folio 45a 15} Dorochair and Eithni Uathach
      ainm dar treba
      gráin co ngarge

      6440] bá do Lagnib Cairpre mac Dega.
    9. Cid Ailill Molt co cath Ocha
      ba rí rathach;
      co tríchait chét
      dosrat i n-éc Crimthan cathach.
    10. Torchratar sund uaisle Herend
      mar ra hadrad;
      {MS folio 45a 20} is é a ndíl cen dimblad
      na ríg raglan. A.

p.216