Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 36

{MS folio 43b}

Broccán Craibdech cecinit

    1. Lecht Cormaic meic Culennain

      6160] i mmedón Lagen lerda;
      lecht Cobthaig meic Augaine
      i nDind Ríg uas brú Berba.
    2. Lecht Eithni. lecht Oengusa
      i cill Chellosnaid cheolaig;

      6165] {MS folio 43b 10} lecht Luirc uas Leirg Labrada.
      lecht Etersceoil meic Eogain.
    3. Lecht Inciúil i n-arddÉtur.
      lecht Conaire sin Brudin;
      lecht Oengusa Osrithi

      6170] issind ard ós Chill Chulind.
    4. Lecht Crimthaind. lecht Congalaig
      fri Brí Eile ro róenta;
      lecht Colmáin meic Diarmata
      lecht Suibni uas Chassan Clóenta.

    5. 6175] {MS folio 43b 15} Lecht leithi na tromdáme
      i n-airthiur Mona Mulach;
      lecht Fergusa Cendfota
      ac Coirthe Maige Dumach.
    6. Lecht Domnaill meic Murchada

      6180] fo brunnib Cairge Crodaind;
      ar lár Cluana Conaire.
      lecht Airmedaig meic Conaill.
    7. Lecht Lugni meic Herimóin
      i ndesciurt Maige Mugna;

      6185] {MS folio 43b 20} lecht Ebricc meic Ebir Duind
      for brú Atha meic Lugna.
    8. Lecht Cellaig ríg Ossairge.
      lecht Colmain cáeim co cuibde
      for Maig Ailbe dellgetar.

      6190] lecht Fogartaig meic Subne.

      9. p.207

    9. {MS folio 43b} Lecht coic cét déc degdoene
      firithir lebor légthair;
      im Diarmait mac nDondchada
      dorochratar i mBréchmaig.

    10. 6195] {MS folio 43b 25} Lecht Senaig. lecht Sechnasaig
      i nDruim Almaine aithrind;
      lecht Maele Dúin Dergaenig
      i fail choirthi meic Cairthind.
    11. Lecht Airt meic Cuind Cétchathaig

      6200] ra Lagnib ra luaid chinaid.
      lecht Dáire. lecht Fothada.
      lecht Aeda meic Fidaig.
    12. Lecht Gomuir Oengusa
      issin chnucc i comair Charmuin

      6205] {MS folio 43b 30} lecht Fergail ferglonnaig
      meic Maeli Duin i nAlmain.
    13. Lecht Aeda meic Fergaile.
      lecht Colgan rachluinem.
      lecht Uchmaid ríg Lochlainne

      6210] taeb ri táeb i Fid Chuilend.
    14. Lecht Aeda meic Ainmerech
      ac Cill Rannairech randgil;
      lecht Ebir. lecht Herimoin
      isind ráith oc Luachair Bairnig.

    15. 6215] {MS folio 43b 35} Lecht Con Ruí. lecht Fergusa.
      lecht Con Culaind cruaid eubail
      lecht Becce meic Lethdergain.
      lecht Amairgin meic Eugain.
    16. Lecht Berngail de Chruthentúaith.

      6220] lecht Feidlimid ba Rechtaid;
      lecht Ladraind. lecht Partholoin.
      & lecht Tuathail Tectmair.

      17. p.208

    17. {MS folio 43b} Lecht in trichait rígingen
      ar thrí milib mod n-ainmech.

      6225] {MS folio 43b 40} ba hí in chomrama Chloenferta
      dia mbaí in borama Laignech.
    18. Lechta tri mac Liphechair
      i Cnamros ba deilm digla.
      lecta trí mac nDíarmata

      6230] i fothaig mulind meic Dimma.
    19. Da chath déc ro mebdatar
      for Huib Néill nert co ndruine
      iss é Enna Cendselach
      ro brissestar uile

    20. 6235] {MS folio 43b 45} Cid mór libsi in lechtachsa
      do glonnaib Galian ngradbind;
      fil lim menbad emiltius
      a secht cobeis no n-airmind.
    21. Is dar timna in Duleman.

      6240] is dar brethir Crist chaingnig
      do cech ríg do Gaedelaib
      dobeir ammus for Laignib.
    22. Uair is leo darochratar
      tri fichit rig de Mumain.

      6245] {MS folio 43b 50} tri choicait cóic mórfessir
      de slúag Lethi Cuind cubaid.
    23. Ní ármim acht rigdomna
      & ríg arna rigad;l^
      {MS folio 44a} is Lagin ros marbsatar

      6250] is mairg fors ndessid a ndígal.
    24. Secht cind cia nos faílsaindse
      ra ré mís ní maidfind.
      gluind Lagen ní innisfind
      cen secht tengtha cach óenchind

      25. p.209


    25. 6255] {MS folio 44a} Ní do dalb na thuscurnud
      {MS folio 44a 5} inna leth cia ron selbsat;
      ní do phróis na do bocasaig
      úadib aneich na dernsat.
    26. Cóic fichit cét cindfetar

      6260] i cath Ardgail nírb uathad;
      ac cosnam na fidchilli
      fuair Rogellach mac Fuatach
    27. Tend in tinól tarclamsat
      do grethlach Lis in Ruba

      6265] {MS folio 44a 10} do chath Maige Mucrama.
      do Smutgail Tigi Duma.
    28. Cóic mile do Dubgallaib
      & do chúain cech thíre;
      is Lagin ros marbsatar

      6270] issin chath i mMaig Íle.
    29. Urbaid mór im Albanchaib
      i cath Roth nirbo chlethach:
      Dobarchu do Domnannchaib
      ro marb Domnall mac Echach.

    30. 6275] {MS folio 44a15} Aithbél ba búaid bantrochta
      mathair Ercoil ben Midgna;
      ro marb na deich Fomoraig
      issin traig ic Tuind Chlidna.
    31. Ra loisc na secht gelliti

      6280] isin glind ic Sléib Eiblend;
      ro bris forsin dublongais
      forfémdetar fir Herend.
    32. {MS folio 44a 20} Ra chonaig in ruadchallig
      ros báid for lár na Berba;

      6285] ro saltair forin Luchthigern
      i ndorus Derci Ferna.

      33. p.210

    33. {MS folio 44a} Rucad cusna Cichloscthib
      iar n-argain tiri Siria;
      ro marb tri chét cethrachat

      6290] de slúag Pentasilia.
    34. Ba hí búaid na mbanLagnech
      mathair Hercoil adfedem;
      {MS folio 44a 25} i n-airechas for Gaedelaib
      .uii. mbliadna i rígu Herend

    35. 6295] Iar sain ros gab Dithorba
      mac Dimmain delbda in duine;
      darochair la Galianu
      i n-oenuch Arda Ruide.
    36. Nir ferr do mac Mugair

      6300] don Rúad ro gab in ríge.
      is Lagin ros marbastar
      nirbo chualle i cind tíre.
    37. {MS folio 44a 30} Cid Crimthand mac Lugada
      niron anacht ar Gnathail;

      6305] diarbo athair a derbráthair
      diarbo senmathair a máthair.
    38. Gnathail ba de Laignechaib
      doringni mór de galgat;
      's e tarlaic in oenurchur

      6310] rias roemid cath Chind Febrat.
    39. {MS folio 44a 35} Tress na samna slegderge
      aidche mairt i mMaig Rechet;
      rop imda cend cen cholaind
      & coland cen dechelt.

    40. 6315] Domnach i mmís mithemain
      ropdar lámderga Lagnig.
      linti fola fersatar
      ac graffaind Cilli Fabrig.

      41. p.211

    41. {MS folio 44a} Tromsluag na secht mórmíle

      6320] {MS folio 44a 40} i mMaig Ailbe ro sellad;
      tria fochond na hoenbreithe
      fó cia beith cerc i trebad.
    42. Na ríg is na hollomain
      bendacht De fora n-anmain;

      6325] is mairg tír i torchratar
      it srotha fína fo thalmain.
    43. In fiallach ros marbsatar
      sain chan im Lifi lígda.
      {MS folio 44a 45} is réil fora n-iartaige

      6330] féth a fola 's a ndigla.
    44. Dá chath déc ra mebdatar
      dar muir sáer slicht nad choimsech;
      iss ed ón ros brissestar
      Labraid Longsech.

    45. 6335] Scéla Bresail Bregamain
      do Lagnib lathar foníal.
      {MS folio 44a 50} is é ro gab ardríge
      o Dún Chermna co Muir Torrían.
    46. Do Bresal Brec bemmennach

      6340] tuctha .x. mile ercal^
      {MS folio 44b} iar forbais for Saxanaib
      iar tollad Slebi Elpa
    47. Bágim báig for Laignechaib
      o thus domain co dered

      6345] na fríth sluag de Gaedelaib
      bad mó ánlecht l^ enech
    48. Na deccra na degbuada.
      na dúne trá na dindgna
      {MS folio 44b5} na epscoip na hairchinnig

      6350] & na filid imda.

      49. p.212

    49. {MS folio 44b} Ní chluinem i n-oenchuiced
      eter thalmain is naemnem.
      callig immar naebBrigit
      & clerech immar Chaemgen.

    50. 6355] Is triar immar tri ingena
      Bladma bendachait Gaedil
      is commor immar Milidach
      & sruth immar in Toedin.
    51. {MS folio 44b 10} Is fid immar FidMeirge

      6360] ra cnes catha & comlaind
      is ess immar Ess nDuthaite
      & dún immar Dublind.
    52. Is tipra mar in nEchlascaig
      & fid immar Fid nGaible

      6365] is lia mar Liic Tullida
      & mag immar Mag nAilbe.
    53. Is inad bad chomébind
      ra Les Loga meic Eithlend.
      {MS folio 44b 15} is cell immar Thamlachtain

      6370] & cathir immar Leithglend.
    54. Is cluain immar naemrelic
      Aeda Find feib adfeidem.
      inmain inad essergi
      i fil martra naem nHérend.
    55. Noe fichit crumthirech.

      6375] cóic mili mórda ferta.
      ac M'Oedóc hua nDúnlainge
      atat a ferta.
    56. {MS folio 44b 20} Broccan trúag in dinertach

      6380] mór di dúanaib ro chertaig;
      ciarbo thúi nirbo thibri
      is e doringni in lectaig. L.

p.213