Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 35

A Chóicid chóem Chairpri chrúaid

Orthanach hua Cellama Cuirrich cecinit

{MS folio 43a} ria mBresalbuadach co mbúaid ba lúath a chéim Chairpri cháeim


    1. 6070] Cath cruaid Cnamrois rind.
      ria mac Fiachach co ngliu duind;
      tri ríg noi mile mór dremm
      focerar and de chlaind Chuind.
    2. {MS folio 43a 5} Fiachra Cassán febda in rí

      6075] da biach bar baill bróe atróe.
      torramaid borrama nad gand
      mar gall mblooic melid broe
    3. Borbchath dubach Achaid Aird
      for goblaib crand broach mborr;

      6080] {MS folio 43a 10} focer durbarr dualach drem.
      ba buadach o Dunlang dond.
    4. Crothais in lubra for cach n-aill.
      err faebur fland ferta truim;
      tricha cath ba clothach n-oll

      6085] arfich arm Illand ngorm.

      5. p.203

    5. {MS folio 43a} Niall co n-orddun ort co ngail
      Eriu & Albu fo cháin;
      {MS folio 43a 15} dorochair forin maig muad
      ra Eochaid mac Ennai áin

    6. 6090] Aithbe Loegaire meic Néill.
      i taeb Chassi glass a tír.
      dule Dé dars tánic dáil.
      rucsat dáil báis forsin ríg.
    7. Reraig Herind ardrí Molt

      6095] hua Fiachrach Fland Febla colt;
      i cath Ocha ard a lecht
      {MS folio 43a 20} is and ro slecht Ailill Molt.
    8. Matan Maige Uachtair Aird.
      ing do slúagaib díth co feirg.

      6100] degmac Loegaire meic Néill.
      arfaemtha faen fo laith fo leirg.
    9. Cat lond Luachra uasu thuas.
      atchess Brigit ni firt fás;
      {MS folio 43a 25} flandchath Findabrach ba húais

      6105] im chorp nIlladan iar mbás.
    10. Unce Cloenta coscur cruaid
      fóen focloentais catha gráin;
      co torchair risin sluag
      Bodbchar bile buiden báin.

    11. 6110] Buaid Dromma Loegaire lúaith.
      londgair la cuain gormais méin;
      {MS folio 43a 30} memaid for Diarmait fathuaid.
      hua Cerbaill co síl Néill

      12. p.204

    12. {MS folio 43a} Buaid n-ard nAlmaine ni chél

      6155] adguide. bél do cach dúil.
      Co noí milib dermar dál
      Fergal már mac Maeli Dúin.
    13. Aed mac Ainmerech co n-áeib
      in fael fadlidech co n-uaill

      6120] a chend de Dolb ro ben Dolb
      {MS folio 43a 35} i nDun Bolg rafuc a mbúaid.
    14. Doraid Muman mid co mend.
      Fáelchad file faebur fland;
      for mac Finguine ba reng.

      6125] fácbaid Cellach ellach and.
    15. Ber lat mo chomrama it chlúais
      co farcba i llebraib dar th'éis.
      {MS folio 43a 40} dubidir mo guss fri gúal.
      gilidir mo duais ri géis.

    16. 6130] Is iar marbad inna túath
      is iar fandrad inna sáer;
      is ár crechaib cen nach síd
      atrethad in coiced caem. A.
    17. Is iar n-orddaib trichat dremm

      6135] is iar mbullib tan ba hing;
      ní fri Cellach tecait and
      {MS folio 43a 45} tan fortgellat fiadat Find.

      18. p.205

    18. {MS folio 43a} Clárbruig Herend irgal chrúaid
      ba léibend co n-irbaid áig.

      6140] ba i cath Duib Chommair.
      fofúair in dig tonnaid tréin
    19. Hír chath Muman in mart.
      ro bris Cellach cintach cert;
      nirbtar tana táinte torc

      6145] im Chath Atha Slabacc slecht.
    20. {MS folio 43a 50} Sithbe Cerbaill fora chuaird
      nirbdar dermaill a dí dóit.
      focer Cormac mór in bét
      sé mili ar chét is a cóic .A.l^

    21. 6150] {MS folio 43b} Dia ngabat mo chomraimse
      for cloich nad gluaster braine;
      bud fortail a n-oenchathsom
      for cethri cathaib aile.
    22. Dia ngabat mo chomramaig.

      6155] Lagin lergi Labrada.
      ni biat co falma fria n-aiss
      {MS folio 43b 5} a ngaiss nach a slabrada .A.

p.206