Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 16

Fothart for trebaib Con Corbb

1. Fothart for trebaib Con Corbb
   ri Temair cid rodas terb
   
   4750] Eochu Fuath Airt erctha gluind
   fri Art mac Cuind gabthais fergg.
2. {MS folio 35a15} Dia roinned a dám i nnóe
   ocon mnaí co fad in rí
   na fairsed Lagniu iar lín fer
   
   4755] mac ríg Breg di Boinne brí.
3. Brigit ba dia chlaind iar céin
   sluindfet mar gréin glan a níab
   mac huí Echdach ba fíu ríg
   ba díb Fintan fethlach fial

---

p.155

4. 
   4760] {MS folio 35a} Brigit & Fintan find
   conacnat frim siu & tall;
   {MS folio 35 a 20} di omnai óir as mo thur
   úaim dóib eter bun is barr.
5. Mo siur mo brathair beó
   
   4765] anad a breó fri cech ró
   ro thríal mo chiall cairdes friu
   sech ba fial ba fíu ba fó. F.
6. Ced ros ndechaid assa thír
   Eochuid Breg dom brecdais géil;
   
   4770] mac Feidlimthi Rectaid rúaid
   do chúain Túathail Techtmair thréin.
7. {MS folio 35a 25} Hécin ris ndechaid immach
   Echuid ria cath clú ro chleth.
   leis dobert fri selba sreth
   
   4775] cleth cáirthind i Temra tech.
8. Dobreth cend fir forsin cleith
   ar scáth in scéith ba bil braith;
   demin leis ba hed ind sein
   mescfad in fleid immon flaith.
9. 
   4780] {MS folio 35a 30} Iar sain atbert ris in druí
   Mac Da Chúr nad chanad gaí
   dobreth cleth chairthind co crú
   tre thnú issin tech i taí.
10. Frisin druid adféded cert
    
    4785] atbert oenrí Herend Art;
    cia don tslúag ro choirp in tech
    ca airm i tá in chleth cluinem lat.
11. Lassais leis in chleth co crú.
    {MS folio 35a 35} ra anacht in tech nir on dó.
    
    4790] in druí ciarbo demin lais a chlí
    adsuí tenid co fí fó. F.

---

p.156

12. {MS folio 35a} Eochaid Fuath Airt & Cond
    Fiacha Suidge síd glond ngrind.
    nídam eligthe dia sluind
    
    4795] roptar meic Feidlimthi find.
13. Brathir duilge dún fria fis.
    cland Fiachach Suidge serb gus.
    triar leoman lotar fodes.
    {MS folio 35a 40} Oengus is Eogan is Rus.
14. 
    4800] Diaro choill Oengus elgna in gein.
    rosc ríg Temra assa thuil;
    doringni galgait iar sein
    Cellach mac Cormaic do guin
15. Ro carta a Bregaib a Brí
    
    4805] a Slemain a Sléib Trí nDé
    trebsat Femen co n-ír
    co ndernsat tir ndiles de.
16. {MS folio 35a 45} Na Dési Muman mór chath
    úan a mbunad buidnib cloth;
    
    4810] Oengus Eogan acher bruth
    Rus is Fothud cona foth. .F.
17. Colum Cille ba gein glan
    brathair dil dam acht mo chel
    Colum co crábud co ngrís
    
    4815] dom snádud iar n-aís for nem.
18. Brigit form deis tall sund síu.
    Colum do chlíu ni geis dó
    {MS folio 35a 50} do síl Chrimthaind Níad Náir
    ríg tairmchell firu Fail fó. .F.
19. 
    4820] Galenga Delmna ní adiú.
    Ciannacht im Chenna ní gó.
    co cath Crinna cend fri ard
    dia tarbart Tadc firu fó. F.

p.157