Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 15

Cuan Hua Lothchain cecinit

    1. Temair Breg bale na fian
      ros dedail Dia ra domiad;

      4430] diles Néill mad cubaid cell
      mínles mór mullaig Herend.
    2. Essérgi mná meic Miled.
      fossad airard airdirech;
      cathair Chormaic hú Chuind cain.

      4435] {MS folio 33b15} cainles airdairc iarthair domain.
    3. Des ri Banba bél ri Bóinn.
      adba Echach Mugmedóin;
      iarmarta selba sil Flaind.
      dún Diarmata meic Cerbaill.

    4. 4440] Cathir cét ríg Róim aile.
      ca tá Eriu ernaide;
      glanférphort ri gréin ri graig.
      ailénchnocc Néill Noígiallaig.
    5. {MS folio 33b 20} In Niallsin Niall mac Echach.

      4445] fo mbaí Banba barrbretach;
      gabsat brathir fritnúth fris.
      ar olc máthar mét anfis.
    6. Olc leosom a mathair Néill.
      romaith leo a mathair féin.

      4450] mac do Chairind clothNiall cain.
      scothniam fuilt ógfind imglain.

      7. p.145

    7. {MS folio 33b} Eochu Mugmedon dafuc.
      Cairind a hAlpain iar trut;
      {MS folio 33 b 25} ro rathaig Dia féin in mbreith.

      4455] corb í mathair Néil Noigiallaig.
    8. Lia do maccaib na rigna.
      du dagamsaib dagdirma;
      curset Níall cían immach
      dar sliabgortan senTemrach.

    9. 4460] Amlaid ra cuired in mac
      cen éta cen oenbratt
      amal rauc in chúmal.
      étig anbal écunnal.
    10. {MS folio 33b 30} Boí tri thráth ar fagthi.

      4465] Temrach co tromaithbi.
      tarmairt ciambad líach a lott.
      combad biad fiach femenbocht.
    11. Forfeimdetar fir Fotla.
      meni dentais dar focra;

      4470] altrom Néill im chomga cnes.
      menbad Torna trénÉices.
    12. Ruc Torna tathNiall da thaig.
      ciarb olc ri ingin Fidaig;
      {MS folio 33 b 35} co n-aithgeóin smacht féig fiadnach.

      4475] ro n-alt corbo noíbliadnach.
    13. Céttiachtain Néill i Temraig.
      cind noí mbliadan ar Bregmaig;
      ind fidbad ro ás triana chend
      ingnad ra feraib Herend.

    14. 4480] Álli na bronnor bruthach.
      {MS folio 33b 40} scuap narfoilt Néill meic Echach;
      soilse nat cainle ciartha
      cúl meic Cairne ciallmiacha.

      15. p.146

    15. {MS folio 33b} Gilidir casnaide cóir

      4485] eter stiglaib stúag brecsróil
      tuar mongi meic Echach uill.
      os luí na lamne ic Liathdruim.
    16. Findgidil ri tuind ar tracht
      eter linnib leborbárc;

      4490] {MS folio 33 b 45} gualu lendmarcáich Lis Breg.
      eter gelmaccaib Gaedel.
    17. Lethi na cro dernand dil
      gurmu na gas a glassin.
      ic badbchosc slóig na síl seng.

      4495] mallrosc mór meic ríg Herend.
    18. Binne náit tromtheoit nime.
      sennit angil immaine.
      {MS folio 33b 50} fogur gotha in gaethmaill glain
      meic laechdind Locha Febail.

    19. 4500] Tarmairt co muchtais daíne
      is co mbaittis da imbaide.
      arin n-allisin uas bil.
      ic farcsin in gillaisin.
    20. Cuich and ind naídiu ar cach fer

      4505] immasiu druim desel Breg.
      mac do Eochaid ar Torna tend
      echoir chomga chnis Herend.
    21. {MS folio 33b 55} Atberimse ar se Echaid
      eter bás & bethaid; l^

      4510] {MS folio 34a} cid insa ic Mongind mét ngíall.
      tongimse is limsa laechNiall.
    22. Masa lett ar Torna tricc.
      doromla Banba mbarrbricc;
      lád cuaird co sál sair

      4515] im lébend Cuind Cetchathaig.

      23. p.147

    23. {MS folio 34a} Mo chétchungid ar Niall.
      ra athair féta firfial;
      {MS folio 34 a5} mo mathair do chor a cacht.
      or dosrathaig écomnart.

    24. 4520] Ni ro n-aiscada duit sain.
      a maccáin maeith mergil
      doberaind dambad lemsa hí.
      nocot erfaind im oenní.
    25. Atbert Mongfind forin maig.

      4525] degben Echach ilchrothaig;
      bid doer Cairenn cuma cáich
      {MS folio 34a10} céin maires tóeb Taltenchlair.
    26. Ni cubaid a n-abbrai a ben.
      ar Niall mor a mullaig Talten;

      4530] tecmong donti fo tathar
      is breth lettrom lesmathar.
    27. Tongimse fom sciath fom ga.
      ar Níall a íath Etarba
      na fil fo nim sís fo gréin grind.

      4535] ro lama cís for Cairind.
    28. {MS folio 34a15} Mad calmu inti dobera.
      mad ferr imres iarnslega;
      missi bias fon drolmaig de.
      eter chomlaid is choire.

    29. 4540] Curid do Niall a mathair
      ar uamain echta anfathaig
      ar Mongfind dorbaid cét cell.
      uair is deoin d'ordan Herend.
    30. Iar sain ro sairad Cairend.

      4545] ic flathib Fáil na fairend;
      {MS folio 34a 20} corop macréid a menma.
      Néill mullaig maelTemra.

      31. p.148

    31. {MS folio 34a} Dochuatar iar sain o taig.
      coic meic Echach ilchrothaig

      4550] Ailill fíal Fiachra a Fid Ross.
      Niall is Brian is blathFergos.
    32. Ni leictis Niall i carpti
      meic Echach find hu Chairpri.
      cuir combinne ceoil nime

      4555] meic Mongfinde mergile.
    33. {MS folio 34a 25} Iar sain ar cuairt Herend dóib.
      a ssíl Echach Mugmedóin
      a n-athair rempo rop e.
      longphortach Locha Erne.

    34. 4560] Luchair cuiciur dirmach dron.
      ro boí thall issin dithrob;
      fota o thiprait ro baí a tech.
      datta a ndelb dúr a ndebech.
    35. Ro marbsat torcrata in cruí.

      4565] a cuciur brathar bithnuí;
      {MS folio 34a 30} occu mara thuitt in torc.
      taccu nira luitt a llongphort.
    36. Atbert in sinser saer.
      rá chethrur brathar bithchaem;

      4570] taet nech uaib do thur digi
      do brú Banba bratgile.
    37. Atraig Fiachra flaith fer Fáil.
      gabais a chúach na chleláim;
      a gae na durn doraid.

      4575] a milchu na mórlomain.
    38. {MS folio 34a 35} Ergid immach monor ndil
      d'iarraid digi dia muntir;
      co n-acca in tiprait tuagaig.
      n-escraig n-alaind n-ilbuadaig.

      39. p.149


    39. 4580] {MS folio 34a} Eces senmna fora brú.
      bel aicce i tallfad cú
      clethchur fiacal imma cend.
      grannu anathu Herend.
    40. A Fiachra ma chungi dig

      4585] orm do thiprait trethangil;
      {MS folio 34a 40} dafuc damsa taeb re taeb.
      cid óc th'amsa rot acáel.
    41. Deiccis Fiachra fer dond dron.
      na ngeib ecla & uamon;

      4590] atbert ni fuair tiprait trell
      docel ogusce Herend.
    42. Atragat in dias aile
      do derscugud chomrome
      rancatar cuáth na halla.

      4595] tancatar cen óenbanna
    43. {MS folio 34a 45} Atnaig Brian do thiprait.
      ica raba in t-uath imthend;
      ataig in póic di ar dig.
      barr soirche síl Airt Oenfir.

    44. 4600] Massech in phóc thucais dam.
      ar sisi ra Brían mbarglan;
      druim ríg alaind ri graig.
      oentadall duit i Temraig.
    45. Atagat ca rád ra Níall.

      4605] dul don tiprait cu trithchian;
      {MS folio 34a 50} ara miscais cá máthair
      ar dáig acnid anfathaig.

      46. p.150

    46. {MS folio 34a} Atracht Niall ind noidiu.
      ni erracht riam bud choimiu;

      4610] do chungid digi drune.
      eter drongaib donnmune.
    47. Da ga dergcora na ndrong
      araile caemgorm
      cuach argit oengil cen fell.

      4615] ar mínmac fénnid Herend.
    48. {MS folio 34a 55} O ranic cosin nglassi.
      mac rig Banba barrchaissil^
      {MS folio 34b} cu n-acca in ndelb n-acaraid.
      coscaíl cennliath crinchlothaig

    49. 4620] Tri timchuaird fiacal fota
      niptar mine muíthslatta.
      feib betis benna buabaill.
      síntis dara sengualaind
    50. Ammar bad luisse do sléib

      4625] miss. marta medarréil.
      {MS folio 34b5} lastais a ssuile serba.
      ar dúre a drochdelba.
    51. Rap é a athesc ra Níall nua.
      nucor aithesc immargua

      4630] nabad éim dó deog deccair
      cen chéim na comlepaid.
    52. Rop é aithesc Néill nemnig.
      nirb athesc immerbeid;

      4635] ocdam iarthair domain dil
      nodos pocfad ar oendig.

      53. p.151

    53. {MS folio 34b10} Ra druit a bel ra bélaib.
      ind firflaith ind firsegain
      mac slattglan síl Chuind cen chlód
      ros tattlaig ar thennmedon.

    54. 4640] Ro iad impi a da rigid.
      Niall don Banba blattbilig;
      ras druit ria cích is ria cness.
      marbad hí a ben bithdiless
    55. O ro feg súas secha in mbratt.

      4645] fó sén docuas don tochmarc;
      {MS folio 34b15} cid caem grian i cléith nime.
      coímiu niab na hingine.
    56. Ba derggidir a haged.
      & corcair liac Lagen;

      4650] a munél gel immar glain.
      a barr mar bude n-ailestair.
    57. A bratt uaine impe.
      iss e firglan forfilte;
      snáth sróil ris ni thorchair de.

      4655] co corrthair óir forloiscthe.
    58. {MS folio 34b 20} Ca delb ra gabais ar Niall.
      do thaeb chlair Thailten tairtíar
      is tu is ailliu i ndeilb duine
      a ingen blaith barrbuide.

    59. 4660] In gráin ro gabais armo gnúis.
      ar duthaig nucun ar drúis
      tossach sain flatha Temra
      ma mbiat catha is chomfedma
    60. Erig a Neill ar issi.

      4665] na millter do mórgessi;
      {MS folio 34b 25} eirg i férmag Talten trell
      ar belaib antnem Herend

      61. p.152

    61. {MS folio 34b} In lind ara tanac cend.
      dar fot Fana na fidgrend.

      4670] bid buaid do dig a dind chuirn.
      bid mid bid mil bid morchuirm.
    62. Mescfaidir do bráthir de.
      ar riachtain na huarboithe.
      cuinnigsiu ascid cech fir.
      4675] forru a Neill tastaig toebgil
    63. {MS folio 34b 30} Rop hí ascaid connaga.
      ar do brathrib blattgela.
      i ndáil fer talman sund dno.
      lá is aidchi rempo.

    64. 4680] Immar nascfeso do naidm
      abbair riu níba bagbaild
      do láib is d'aidchib cengair.
      in bith cona baethrennaib.
    65. Mar atrubairt inn ingen

      4685] ra Niall. don Boin baininber
      {MS folio 34b 35} ra comailled ra cinned.
      nir aitched nir aidmilled.
    66. Iar sain atragat don dáil.
      a cuiciur carat commáim;

      4690] ingnad ri sluag nGaedel nglan.
      cach fidbad i rraesedar.
    67. Ro iarfaig Eochaid scéla.
      thall dá maccaib minergna
      feimdit labrad ris in chland.

      4695] acht Niall samglan solusbarr.
    68. {MS folio 34b 40} Iar sein atrubairt in rí.
      ri cethrur mac Mongfindí;
      in n-é giall far tengtha de.
      ruc Niall cen erchra uaibse.

      69. p.153


    69. 4700] {MS folio 34b} Daratsammar dó ar in meicc
      tria naidm firían fírinraicc
      i ndáil fer talman trom.
      labrad lá is aidchi remond.
    70. Ma daratsaid dó ar Eochaid.

      4705] is athesc flatha feochair;
      {MS folio 34b 45} is don macsain. is maith lem
      doratsaid rige nHerend.
    71. Atbert Mongfind ra maccaib.
      denaid debaid ndúrglaccaig;

      4710] ni fíal dúib a rád ri nech.
      marbthar acaib Niall nemnech.
    72. Atragat suas cend i cend.
      cethri meic ardríg Herend;
      tucim arin gargméin nglain.

      4715] do thuttim ardNéill acaib.
    73. {MS folio 34b 50} Atraig Niall lennán Line
      álli a níab níam naeimnime;
      falt co ndath óir na írna.
      do síd macc na mórrigna

    74. 4720] Atbert Torna ria dalta.
      aeris a meic míngarta;
      ni bia debaid dichmaig de.
      sídaig meic na Mongfinde
    75. Nos cuirter sin certcha.

      4725] oengabaind na oenelta;
      {MS folio 34b 55} loscis in rí fora chlaind.
      ropbain do dáil decmaing.l^
    76. {MS folio 35a} Is and atrubairt riu thall.
      tessargain cruid in goband

      4730] amal dogentais in mbeirt.
      combad foe Heriu ardneirt.

      77. p.154

    77. {MS folio 35a} Tuc Brian in carpat ria aiss.
      tuc Ailill in ngaisced lais;
      tuc Fiachra in telchuma thair

      4735] tuc Fergus in cúail crínaig.
    78. {MS folio 35a5} Na builgg na huird ard in treóir
      is in cepp i mbaí ind inneóin.
      & ind inneoin féni.
      ros tessairg Niall narféili.

    79. 4740] Atrubairt Eochaid ar sein
      cen assair cen imresain;
      inneoin Temrach tair co trom.
      bud rí Níall menmnach macdond.
    80. Mar atrubairt a n-athair

      4745] ar ferand Cuind Cétchathaig.
      {MS folio 35a10} ra Niall ra chlaind na degaid
      cen do raind ar rígThemair. T.