Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 14


4175] {MS folio 32a}

Gilla na Naem Hua Duind cecinit

    1. Cuiced Lagen na lecht ríg.
      in ar chlecht cach dagfer dían;
      alaind mag linmar a lán.
      clár asargbad rigrad riam.

    2. 4180] {MS folio 32a 40} Uad cétrí Banba can brón.
      co métlí tarba re thúr.
      bari na sárfiadach sáer.
      Sláni cáem Galianach gúr.
    3. Mór rig iar Loegaire Lurc.

      4185] dar dír saersudi & serc.
      ar Fotla sadbir in slict.
      i cirt o Lagnib na lecht.
    4. Ríg Lagen mad ó chreitim cháem.
      {MS folio 32a 45} na ngretib dagfer is dál;

      4190] is tuirim mesta cu mór
      numir na slóg sesca slán.
    5. A tres rand re dluig nar dír.
      rofess a nguin tall ciar thrúag
      mar ro fég mo radarc riam.

      4195] a da trian re hadart n-úar.

      6. p.136

    6. Is éol dam ainm cach fir éim.
      {MS folio 32a 50} a blad a thairm im thig thíar;
      luadfet ed rígi cach ríg.
      is díl firi na fer fíal.

    7. 4200] Cuic bliadna Bresail in Beóil.
      niamda isna tressaib cen tár.
      do
      [...]
      l^
    8. {MS folio 32b} Illand t ri cha ic tuarcain troch.
      ficha ra cuar taig a crech

      4205] ba plág ic Sinaind na sruth.
      tám do chruth Illaind na n-ech.
    9. Fichi in t-ard can errim tuath.
      garg Lifi Ailill na n-áth
      marb cara Brigti nar baeth.

      4210] don tsaeth is chindte do chách.
    10. {MS folio 32b5} A nnóe Carpre fer saer sut.
      Carpre ra hed a haen dec
      ar fagthi ragil cach róit
      na hóic rapad ainib d'ég.

      11. p.137


    11. 4215] {MS folio 32b} A deich fuair Colman can choll.
      ropa chruaid in forlonn find
      dachuaid brón can charddi cell.
      cend mor a Mairge na mind .
    12. Tricha mac Echach ba héim.

      4220] {MS folio 32b10} slatt litha drechach na ndúan.
      Sáran Saeb cen allud án
      a lám do gaed Brannamh buan
    13. A nnóe nir mórán don min.
      ara choe do Rona n riam

      4225] espach éc ríg Mugna moir.
      can dín sloig o Murgna fial
    14. Fichi sel Crimthaind na cell.
      fer a ferchlaind ba fichda foll
      Fáelan. Conall. Fálbi Fland.

      4230] dá thadbi thall robo tromm
    15. {MS folio 32b15} Faelan tricha tend is trén.
      a ficha can fell cen ag
      o atbath Bel Búabaill cu n-ór.
      scél mór i Cualaind na clar

    16. 4235] Fiannamail re fichit fír.
      ciallamail i ngri
      [...]

      a munter nar rogar riam.
      in fial ra gonad
      [...]
    17. Bran mac Conaill a nnoe i nnirt.

      4240] slatt molaim ar cach cai a chert
      {MS folio 32b 20} espach éc d'ás ina ucht.
      bét do cach lucht a bas becht

      18. p.138

    18. {MS folio 32b} Fichi Cellach clí dar cach cáth
      rí can chennach Li fi in laech

      4245] marbad Cellach Cualand na crích.
      i lith buabhall narbo baeth
    19. A dó 's a deich Murchaid Móir.
      a urchair ar creich ba chruaidh
      re n-éc cind Berba thre bríg.

      4250] ro mill tír na Temra thuaidh
    20. {MS folio 32b 25} Faelan ro gon Dunchad dian.
      a mod sulchar re cach sin
      nír chaith acht bliadain nar búan.
      dual maith do riagail in righ

    21. 4255] Fáelan a deich nirba dúr.
      gér caemfál i sreith in saer
      a éc is dodaing in díl.
      mas fir can chommaind don chaemh
    22. A deich ro gab Aed na n-iath.

      4260] mar oen acus Bran nar baeth
      {MS folio 32b 30} fríth i cath Uchbad cunn ath
      a mbrath 's a luchrad na laech
    23. Nir garb ciar thuiredach trén.
      roba marb Muredhach muadh

      4265] ra ré a cúic fichet in fial.
      cach giall i rReched don ruadh
    24. Marb Cellach cussin rath riam.
      mar chath cach tellach ina thír
      a cethair déc Cellaig crúaid.

      4270] slúaig im rendaibh agon ríg

      25. p.139

    25. {MS folio 32b} Dachuaid éc ua Brain na boith.
      nua na sed ar gach moigh maith
      a nnoe is cruadbach ina chreich.
      ra bóe can cleth Ruadrach raith

    26. 4275] A hocht Bran Ardchend na n-áeb.
      blad can bai ara mbardchenn búan;
      a guin iss a rigan réil.
      dluig can cheil dígal nar dhual.
    27. A cuic dec Finnachta Find.

      4280] niro ídalta amhed 's a moirn
      {MS folio 32b 40} ro imgaib can tas bad timm.
      ciar mill bás asa broind
    28. Fichi Muridaich aird óic.
      in turidaich gairg can gruig

      4285] o do fuair cennach na cét.
      nira bréc Cellach a cúic
    29. A cethair Bran gemlech glúair.
      ra phlag cu neimnech fo neimh
      nóe mbliadna Ruairc ina rig.

      4290] i tír Liamna suairc i cein
    30. {MS folio 32b 45} Lorcan & Tuathal trá.
      Bocnár a rruathar 's a ré
      na fir ar Lagnib na lí
      ra bí sel sadbir a sé.

    31. 4295] A deich Dunlaing in t-ard óc.
      durmall & garg a grug
      mairg slúag or gatad in géc.
      trúag éc in ab adh aird ud

      32. p.140

    32. {MS folio 32b} Carpre a deich 's a hucht ra hág.

      4300] ro feith su
      [...]

      {MS folio 32b 50} is a trí Domnaill na ndín.
      dunár dír do
      [...]
      l^
    33. {MS folio 33a} Tri bliadna in Muridaig mín.
      riagla Muridaig na mein;

      4305] rofes cur abb Brigti in bán.
      nir lac a fál cinti ina ceil.
    34. Fichi marba degrand dían.
      ar Lifi Cerball can chlód
      cá rath urgna nara áem.

      4310] in caem i cath Mugna mór.
    35. {MS folio 33a5} Bid búan mo scel sadbir sút.
      na ceil tar Lagnib na liac.
      buden sein da dún déc
      ro cheil in t-éc uili iat.

    36. 4315] Is inderb bás Domnaill dúir.
      can tlas in cach dodraing dein;
      éc l^ guin ó muntir móir.
      dluig broin atchluintir i cein.
    37. Ruarc na ndamrad éc inn find.

      4320] robo bét in talman teind.
      {MS folio 33a10} no fúair aidid idlaig and.
      tall ona huib diglaig déill.
    38. Ugaine a hocht amra sút.
      can locht ar Bladma can bréic.

      4325] dorochair i cath Chind Fúait.
      ruac ra mill na graf can géic.
    39. A cuic fa chúic Faelan feig.
      saerbáig ni tre grúic con gríb;
      in t-escur ba rogarb riam.

      4330] cían ora romarb in ríg.

      40. p.141

    40. {MS folio 33a} Bliadain do Lorcan na llong.
      diamair is bocban a band.
      amal cach ndluig tafaind tind.
      guin ind find i ngrafaind Gall.

    41. 4335] A trí Braín cach gascid gúir.
      in tsáeir o Mastin 's ó Moen.
      i cath mer Dondchaid is dail.
      ro gáib fer in borrfaid braen.
    42. Túathal a deich cennach cáem.

      4340] is a deich Cellach na clíar
      {MS folio 33a 20} dá laech na cét modard múad.
      cu trúag éc na rogarg ríam.
    43. Murchad a sé mac Find fúair.
      glacc ro mill a ré im cach ríg.

      4345] Domnall na col mar ba cloen.
      ina thóeb ro gon in ngríb.
    44. Ugaine tri bliadna in borr.
      ropo rí Liamna na llind.
      bás in rig i ngemil Gall.

      4350] nir gand síd con feidil find.
    45. {MS folio 33a 25} A secht flaith na forland ngúr.
      ro thecht co maith Domnall dian;
      ro thuitt in comramach clóen.
      risin Aed forbarach fíal

    46. 4355] Fichi Dondchad Lagen lond.
      dagfer na mborrfad in barr.
      nucu fas merlig ro mill.
      bás ind find i nngemlib Gall.
    47. Mael Morda a secht déc don dúr.

      4360] glórda a sét is a recht ríg.
      {MS folio 33a 30} cia therna a cath Bríain in búair.
      fuair brath na diaid cana dín.

      48. p.142

    48. {MS folio 33a} Dunlang leth bliadna nir búan.
      na diamra ro chrech in cáem.

      4365] a thám cinti nucur chóir.
      dal bróin is milti do Moen.
    49. Dond Cúan raith bliadain bil.
      a maith re cliaraib ro chrean.
      Dondchad i cill ciarbo chol.

      4370] ro ngon is ro mill co mear.
    50. {MS folio 33a 35} A dó in sel uili cu hán.
      mar cach fer mblaide do Bróen;
      ba marb da dallad is dún.
      nir dúr a allud 's a aeb.

    51. 4375] Ugaine a cúic ba flaith fir.
      ní thre grúic ro chaith a chrod.
      ro marb Dond Slébe na sleg.
      mer is nír chond ceille in col.
    52. Dondchad deich mbliadna don bán.

      4380] conchar ic sreith riagla rig
      {MS folio 33a 40} fer a chomanma can chain.
      ro phlaig sodamna na sid.
    53. Dondchad a secht sel nach sáeb.
      ropo mer an nert aníar.

      4385] éc do chrosguinech na cúan.
      sét dúal dond Ossairgech fial.
    54. Murchad da bliadain can brón.
      cumtach i lLiamain na lán.
      ro thuitt in frossbuidi is fír

      4390] ré síl nOssairgi na n-ár.

      55. p.143

    55. {MS folio 33a} Broen mac Mael Morda a deich dó.
      can chleith ar aíb glórda in glé.
      ca trét na tuc mar cach ní.
      i crí noco ruc éc é.

    56. 4395] Da fichet in chialbuic caím.
      i Rechet Diarmait na ndán;
      co fuair brath is dogra ndúad.
      i cath buan Odba na n-ár.
    57. A cuic Dondchad tíri trén.

      4400] ina rigi borrfad búair.
      {MS folio 33a 50} marbad tre garbi acus gáir.
      is o báig Hua Falgi fuair.
    58. Dondchad Conchobor sáer sund.
      áen a borrthoraid 's a band.

      4405] can tlás taffaind ciarbo thromm.
      bás na ndond i ngrafaind Gall.
    59. Mac Donnchada a secht in séig.
      ro chlecht na hurcara áig.
      éc Ennai na imdaid óil.

      4410] a sloig fo dimblaid don dáil.
    60. {MS folio 33a 55} Is beó Diarmait drech cen tnúth.
      in fialbuic nucu breth baeth.l^
      {MS folio 33b} ropo dir Fiamain na fáth.
      cu bráth ar Liamain na laech.

    61. 4415] Sínid ria Lagnib na lán.
      i tírib nad sadbir slóg.
      arcgid na benna ma mbuar.
      mar is dual d'ú Mella mór.
    62. ro thuairc féin in cath fo chóic. C.
      {MS folio 33b5} is réill cach rath ara chuaird.

      4420] a crech ar Gallaib thre grúic;
      Nir fannaib a breth im bréic.

      63. p.144

    63. {MS folio 33b} Hua Duind fer na n-érgna n-óc.
      ro chren a berla cach mbrúit;

      4225] ro sil don Banba can bét.
      trét na ríg calma fo chóic. C.