Part 8 of Book of Leinster, formerly Lebar na Núachongbála

Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 8

{MS folio 29a}

Tech Midchúarda

3635]	Marcaig cuind doib	Rannairi mael doib.	Dabach.	Rechtaire mael doib	Araid cuind dóib.
3635]	Cruittiri muc. for{MS folio 29a5}muin doib.	Cuslennaig colpda doib.	Dalemain mael doib	Fidchellaig colptha doib.	[3640] Seguinni muc formuin doib
3640]	Brithemain lonchruachait doib	Scolaige leschruachait doib.	lassar	Deogbaire leschruachait doib	Airig forgaill lonchruachait doib.
3640]	Suid littri{MS folio 29a10} lonchrua-chait doib.	Gobainn mael doib.		Umaidid irchrua-chait doib	[3645]Muirig lon- chruachait doib.
3645]	Tanaise suad leschrua-chait doib.	Tuathait milgetain dóib.	bir bruinnes	Legi mael doib	Aire arrd loarg dó.
3645]	Ollam filed {MS folio 29a15}loarg doib	Carpatsaer camchnaim do.		Luamairi milgetan doib.	[3650]Airi désa loarg dó.
3650]	Anroth filed camchnaim doib.	Clessanaig colptha doib.	daul	Creccairi camchnaim doib.	Clí. cam- chnaim dó.
3650]					[3655]Senchaid camchnaim. dó.
3655]					Aire echta muc formuin dó.
3655]	Briuga cetach loarg dó.	Cornairi & bunniri. midi mir tond doib.	lés	Braigetori remur n-imda doib.	[3660]Cano cam-chnaim do
3660]	{MS folio 29a 20}Augtar saírsi roichnech dó			Druth ríg dromman do.
3660]		Rannairi & iascairi. milgetan dóib			Airi desa & doss colptha doib.
3660]	Fádi & druid & commilid colptha doib		lóchet.	Dorsairi ríg. dronnna dóib	[3665]Maccfurmid & fochloc ir- chruachait doib.
3665]		Cairemain & toscairi remur n-imda doib.
3665]	{MS folio 29a 25}Aeltaire & sair cruachait doib.
3665]					Cuthchairi & midim ir- [3670] remurn-imda doib.
3670]				Mairig & cladairi remur n-imda doib.
3670]					Rathbuige & obraige. milgetan [3675] doib

{MS folio 29a}Suidigud Tigi Midchuarda ní cach rí las tá indiu amal ro boí ar tossuch. Tech Cuind Chétchathaig & tech Airt Oenfir. & tech Cormaic Ulota. & tech Corpri Liphechair. & tech cach ríg {MS folio 29a 30} ra boí i Temair co Niall Noígiallach. Mad suidigud tigi Temrach
3680] la Cormac ba moo són .i. Secht cét traiged a techsain. noí ndui immon techsain. Trí choicait imdad isin taig. & tri coicait fer in cach imdai. & tri coicait airel esib. & coica cach airel. Teora míli {MS folio 29a 35}cech laí no érned Cormac. cenmotha aes dána & rindeli. & cach oen dosaiged in ríg. Gaill & Romáin. Frainc & Frési. Longbaird
3685] & Albanaig. Saxain & Bretnaig & Cruithnig. ar dosaigtis na huili seo. co n-ór & co n-argut. & echaib & cetarriadaib. Tict is uili {MS folio 29a 40} co Cormac. ar ni rabi na amsir bud amru andás i n-aeniuch & i n-airmitin. & i fiss acht mad Solom mac Dauida. Tech im Loegaire meic Neill iar tain i Temair iss ed rasiacht trian taige
3690] Cormaic. Trí chet traiged tech Loegaire. l. imdad and. l. fer in cach imdaí & l. airel n-esib. & xx. fer in cach airel. cethri cubait {MS folio 29a 45}a thellach .ix. cubait a forlés. & xx. ina arda in taige. Secht tredui immon ráith & ocht ndorais forsin raith. Trí coícait comad forsin sluag caslach n-órda. & l. lestar findruine & .l. sithal n-órda
3695] forsin rigraid. in dabach coic cubait in caindelbrai istig. Secht {MS folio 29a 50} ndorsaire. secht rannaire ina carpdib immecuaird. In druith i comair ind ríg arada [...] a. Ríg & rigdruith istig. Na sluaig archena immon tech dianechtair.l^

{MS folio 29b}Nuado mac Faelchon meic Alldoit meic Thuathaide meic
3700] Caitt Catotchind cetna fer las ndernad Tech Mór Midchuardda ar tús i nHerind.

Suidigud Taigi Midchuardda
mthig dún a rád;
cach aga cach airenach.

3705] is choir do cach grád.

p.118

{MS folio 29b}Cethraimthe Taige Midchuardda
bíd fri ríg aniar
teora cethramtha aile
sair co dorus dian.

3710] Canam alam aisneidem
{MS folio 29b10}innas nadbi dáer;
cia ága iarna dligud
dobeir do cac oen.

Araid máeir saír sonaide

3715] i n-iarthur in tige.
{MS folio 29b15}cund dóib ni dliged dona.
ar belaib na n-ile.

Innidem cruitt co ceolaib
donascnai ségond

3720] co muic for muin maen erlam
{MS folio 29b 20}is cuibrend n-éroll

Ollam britheman co mbuaid
aire forggaill fír
dober lonchruachait dóib

3725] dú nach tic sín.

{MS folio 29b 25}Suí littri & rí ruirech
is réim cosmail cóir.
dlegait athbach maithglan mín
is prímchruachait dóib.

3730] Dobér do filid ollomun
{MS folio 29b 30} & do airig ard.
loarg maith mín míad nad borb
nad chond labra ladg.

Briuga & aire desa

3735] la ilar
dobér doib ni rand ísel
loargg dia sásad.

p.119

{MS folio 29b} Saír & aire échta
canai tecta lib.

3740] dober dóib muic for muin
canad mair no dlig.

Druid & aire désa
deicheng nadbí doer.
dib línaib ebait ól

3745] dlegait colptha caem.

Cornaire & cuthgaire
cuiremmar cor fair
mid mir ni mogaith mór
fri ol noda ail.

3750] Aeltaire & rathbuigi
& raidfitir nach than.
dober milgetan fria toil
{MS folio 29b 40} ní etal cip tan.

Cairemain maiss murigi

3755] co munteras chóir
ni bec mín. ní mór ndemon
remor n-imda doib.

Dorsaire druith delma aitt.
cethern discir druit

3760] dlegait aurfocra co ol
drond dia caemnu cuit.

Cuslennaig féil fidchellaig
i n-airidiu airthir
is colptha cóir cia firt gleis

3765] fora meis scuirther.

p.120

{MS folio 29b} Cuit cáinte & braigire.
ni léicther i faill.
remur n-imda uuall co grinn
ni dimda ( ) phraind.

3770] Rannaire déin dalemain
rechtaire réim saer;
i n-iarthur tige for lár
arrospetti mael.

Medam nime nual cen aír

3775] rannais do cach oen
eter dícháem digraiss fáth
& fáth bas cháem.

{MS folio 29b 50} Cid bec la cách úan a chuit
ima rannaib ric.

3780] Mac De ar ndálem ar coic
is e condic.

A meicc ma 'dchobra in fleid
fónma molaid luid.
iar n-airillud cáich istig

3785] fri samugud suid. S.

Tech Midchuardda Ríg nime.
niba tech bad uilliu;
tol Dé acht cách dodagni
noca mbi hi suidiu. S.l^