Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 7

{MS folio 28a}Turim Tigi Temrach .i. in tech mór milib amus


3520]

Cormac fili cecinit

    1. Domun duthaine
      comol cét cuire;
      bréc ilar líth fri labrad
      acht adrad Rig na n-uile.

    2. 3525] Atchiu cach recht im road
      {MS folio 28a 55} de chliu cert co grian.
      Temair indiu cid fásach
      baí ré ba nasad niad.l^
    3. {MS folio 28b} Nirbo thráig a tort toebach

      3530] diarb oenach Scott scelach;
      ba mór ndám diarbo domgnáis
      in dunad foglass ferach.
    4. Ba fond n-orddnide n-imglicc.
      ba borgbile co mbladblait

      3535] fri taidbsin ba druimm n-irdairc
      i n-amsir hui Chuind Cormaic.
    5. {MS folio 28b5} Is caem in gairm nos caema
      amal doroega sech ruama;
      tarca Boind bró bága.

      3540] Cathir Chroind cró buada.
    6. Dia mboí Cormac fri clotha.
      ba reil roblat a retha.
      ní frith dún amal Temair.
      ba sí rún belaig betha.

      7. p.113


    7. 3545] {MS folio 28b} Balc in brigsain fiad buidnib.
      ind rígsain réided Temraig.
      {MS folio 28b10} is ferr dúin tolaib fine.
      tuirem a thige teglaich.
    8. In tech mór milib amus

      3550] do dínib nirbo doloss;
      cathir glan glerib glanfer
      secht cét traiged a thomoss.
    9. Nis tairchell baisse burba.
      na cumga gaíse gargga;

      3555] nirbo rubach fria terbba
      sé coicait cubat a ardda.
    10. {MS folio 28b15} Noí cluid nis cluí garbdrend
      noí ndui na timchell;
      inairbirt na findchland.

      3560] cathir imairdirc imthend.
    11. Adba in ríg rí adranna
      fors ndáilte fín co finne;
      ba dín ba dún ba dindgna
      tri choícait imda inde.

    12. 3565] Trí coicait laech co llaine.
      nirbo borg ar bruidin;
      {MS folio 28b 20} ba sé lucht línaib dindgna.
      cach imda de suidib.
    13. Ba álaind in slóg samlaid.

      3570] taitned ór ósa

      [...]
      airel n-airgnaid
      coica cach airel imglain.
    14. Secht coicait cannach connail
      fiad in dáim ndrongaich ndrennaig.

      3575] fri annud sútrall solus
      ba se tomus in tellaich.

      15. p.114

    15. {MS folio 28b} Secht coicait aile rochuala.
      fri cert glaine
      segda saindille soera.

      3580] coema caindebrai créda.
    16. In chathir grianach glansin.
      fledach fíanach co fondsib;
      indi fri sochli sobus.
      da sé ndorus de dorsib.

    17. 3585] Ba hé dliged in rígsain.
      ól as n-ibed in slogsain;
      {MS folio 28b 30} ba mét mór mór in lansain.
      trí chét ól isind olsain.
    18. A n-ol n-úag fri uabur.

      3590] na ruirech ruad na ranfer;
      nírbo dimbraig ind arim.
      tricha dálem nos dáled.
    19. Noí coícait stáb a roga.
      ba sí dál toga a tuile.

      3595] sech ba carrmocol glanbalc.
      ba ór ba argat uile.
    20. {MS folio 28b 35} Tri choicait coica ngalach.
      cen nach n-anad fri fuirech;
      fri airer cen nach tolach

      3600] na ríg rogach na ruirech.
    21. Coica rectaire randa.
      lasin flaith fálda firda;
      coica foss fledach fírglan
      la coicait riglach rígda.

      22. p.115


    22. 3605] {MS folio 28b} Coica fer ina sessam
      connoítis in fael fossad;
      {MS folio 28b 40} céin bid in rí ac aol
      arna hobbad doad dossam.
    23. Ba hán don mál ba mou

      3610] ar cach lou ba lia;
      trí mile ban airmech.
      mac Airt eirned cach dia.
    24. Cend drong filed fó fírda.
      saigtis dliged a ndála;

      3615] is derb ní baes ci atbera.
      cen aes chena cach dána.
    25. {MS folio 28b 45} Tuirmem teglach i ndálaib.
      taige Temrach de dínib
      iss hí seo a n-árim fíre

      3620] tricha mile de milib.
    26. Dia mbaí Cormac i Temair.
      ar roblat uas cech rogail;
      rígathgein meic Airt Oenfir.
      ní fríth de doinib domain. D.

    27. 3625] Cormac co cóeme chrotha.
      ba fotha fondbalc flatha;
      {MS folio 28b 50} genair o Echtaig imgil.
      mac do ingin Uilc Acha.
    28. O baí Solom oc siriud.

      3630] ferr cach ciniud fri comul;
      gein bad chumma fri Cormac
      a De in tormalt domun. D.

Conamail Conriucht. tóesech cúan Connacht ruc leis Cormac mac Airt a hÚaim Céise Coraind. Co tarat Lugni Fer Tri nOg
3635] mart cach liss i Connactaib dó dara éisi. Unde nomen accepit {MS folio 28b 55} .i. Conmac. Ingen Uilc Achi a mathair. Achi Ibrach.l^

p.116