Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 5

{MS folio 27a}

Cormac mac Culennain cecinit

    1. Iarfaiged nech acaib dam.
      cid dia tá in t-ibar ingnad;

      3280] cade fáth a ráda riss.
      ós chách Ibar macc nAngciss.
    2. Cá fid in crand glan gúr.
      ma ndernad in mírún.
      ca facsi a carddes sund sel.

      3285] na macc nAncis o n-anmnigther.
    3. {MS folio 27a 40} Clúain ro gabad oc Ailill sund.
      dá echaib ina ferund.
      o Dún Chlari co Dún nGair.
      ó Áni co Dún Ochair.

    4. 3290] Olc lasin áes sídi seng.
      tiachtain forro ina ferand;
      mildís in fér cach samna.
      noco scél can chomarda.
    5. Luid Ailill d'fari ind feóir áin.

      3295] & Ferchess mac Commáin.
      {MS folio 27a 45} co faccatar arin maig.
      tri bai & triar na ndegaid;
    6. Atat sund fir na fogla
      ar Ailill can mórdogra;

      3300] ben is da fer can dolma
      & tri bae maelodra.
    7. Atát oc indred ind feóir.
      is car n-ithi dar n-amdeóin;
      ac cantain cheóil sídi chain.

      3305] fris coteltais sil Adaim.
    8. {MS folio 27a 50} Ma chanait ceóil sídi sáim.
      ar Ferches mac Commáin.
      na beram céim secha sain.
      cor legam ceir nar cluasaib.

      9. p.104


    9. 3310] {MS folio 27a} Ni chúalatar in ceol cain.
      o thucsat ceir na cluasaib.
      co facca cach a chéili.
      rapa phrapp in chomeirgi.
    10. Daratsatar rind fri rind.

      3315] Eogabul & Ailill
      {MS folio 27a 55} darochair Eogabul de.
      & ro trascrad Áne.
    11. Dolluid co Áne Ailill.
      ros traig & ros tairind.

      3320] is dachúaid ina gnáis ar sain.
      ní ar áis acht ar éicin.
    12. Darat Áni scéin d'Ailill
      nocor immarbrécc ( )
      tall a chlúais deiss da chind chromm.

      3325] de ros len Ailill Olomm.l^
    13. {MS folio 27b} Ra fergaiged Ailill de.
      ra sáid a sleig i nÁne.
      ní thard cháttaid di ar sain.
      co fargaib hí can anmain.

    14. 3330] Cid Ferchess ni dechas úad.
      o ragab a arm d'imlúad.
      cer echt i ndegaid madma.
      can chrecht is can ch
      [...]
      ha.
    15. {MS folio 27b5} Luid Fer Hí sin tech sídi.

      3335] i mbátar a chomdíni.
      roptar imda gári gol
      im Áne is im Eógabol.

      16. p.105

    16. {MS folio 27b} Luid in marcsluag sídi immach
      im thráth ergi arnabarach.

      3340] loscset Dún Cláre is Dun Crott
      tucsat fo thenid etrocht.
    17. {MS folio 27b10} Tiagam co Dún Ochair Mág.
      cach ra cheili ca imrád
      marbam Ailill ina thaig.

      3345] is ingen Chuind Chetchathaig.
    18. Ni dlegam ingen Chuind chain.
      ar Fer Fí mac Eogabail;
      can baegul acht co mblaid.
      dígélat m'oenur m'athair.

    19. 3350] Dolluid Fer Fí siar iar sain
      & Aeblean a brathair
      {MS folio 27b15} ro ernnisat gním can geiss.
      delbsat Ibar mac nAngciss.
    20. Is and ro delbsat in crand.

      3355] ac Ess Máge na mórchland
      doriact chuci triar ros car.
      Mac Con is Cian is Eogan.
    21. In crand eter chrín is úr.
      ro gab Mac Con cen mírún;

      3360] ro gab Cían tall ó sil.
      a chamm & a dirioch.
    22. {MS folio 27b 20} Nocoro lugu in rand aile.
      ro gab Eogan andsaide
      a mbai de os talmain tair.

      3365] & a mbaí fo thalmain.
    23. Rop iat angcissi na fer.
      dáig ba fini oenmáthar.
      no geibed cach duini dron.
      in crand uili a oenor.

      24. p.106


    24. 3370] {MS folio 27b} Gebat breith far n-athar úaib.
      atbert Mac Con claidebrúaid.
      cid dúib cid dam dobera.
      ní acer a esbada.
    25. Ruc Ailill breith cer om.

      3375] ba mór a fích oc Mac Con;
      in t-ibar do Eogan dorat.
      & Mac Con do dermat.
    26. Ra focair Mac Con ar sain.
      cath for Ailill na dígail;

      3380] {MS folio 27b 30} nocor fuirged i fat.
      coro cuired cath Chind Febrat.
    27. Is and ra gonad Mac Con.
      cor baccach riam mór in mod;
      docer la Cairpre co lí

      3385] Da Nera druth Darini.
    28. Trít ra cuired in cath cruaid.
      Maigi Muccrama mongruaid;
      {MS folio 27b 35} dia máirt rapo lathi and.
      ar thuitset mathi Herend.

    29. 3390] Trít darochair Art mac Cuind.
      ropa rí ar Herind adluind;
      darochratar ra hella
      sect meic áilli Ailella.
    30. Trít ra gonad Lug Lág.

      3395] doringni in n-engnam ndana.
      {MS folio 27b 40} ro marbad Art mac Cuind chain.
      is Bénni Britt a Bretnaib.
    31. Trít docer Mac Con co ngráin.
      & Ferches mac Commáin.

      3400] aroen is Sadb ingen Chuind;
      do neim inn ibair aluind.

      32. p.107

    32. {MS folio 27b} Ni crand acht taidbsiu sidi.
      ní marat a chomdíni.
      {MS folio 27b 45} ni fid cailli thall a chorp.

      3405] acht olletig is amtrocht.
    33. Rapa díti tri chet láech.
      foscod in craind ba gnim gaeth
      ropad lór do thaig thuraid.
      ba dín ar cach ndíanphudair.

    34. 3410] Atá i ndíchilt fo diamair.
      ac sidib co saebriaglaib.
      ni fagaib act truag fo chet
      {MS folio 27b 50} is fagail buan is bithbét.
    35. Attrochratar tess is tuaid

      3415] do neim inn ibair armruaid;
      do ruirig tiar is tair.
      is duilig a iarfaigid. Iar.

p.108