Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 4

Connachta cid dia tá in t-ainm

    1. {MS folio 27a} Connachta cid dia tá in t-ainm.

      3210] a eolcho Fáil re sírgairm;
      in fail acaib túaid na tess
      eolach aca fail a eolass.
    2. Mani fuil acaib uile
      a eolcho bethad buide.

      3215] dagena dúib dílsi rand
      in t-eolach án Aed Ollbarr.
    3. {MS folio 27a5} Aed Ollbarr ollam Cruachan.
      is Herend ní imnuathad;
      iss é sluinnes síd re lá

      3220] mar atá arin crich Connachta.
    4. Cond ca cumachtach rap ferr.
      sósar molbthach mac Cetrend.
      is hé ro gab rig can acht.
      ar coiciud cendfind Connacht.

    5. 3225] Dobeired se ba slicht fír.
      snechta nemi co nertbríg;
      {MS folio 27a10} ar lár a thíri co tend.
      tan tictis Túath De Danand.
    6. Craind & clocha in domain.

      3230] da chur ind na urchomair;
      ra loisced lór a chrúade.
      re haidbriud oenuaire.
    7. Tess grene and dó fadéin.
      ba hingnad re cach do chéin;

      3235] ni derna druí dían ngarta.
      a chobes do chumachta.

      8. p.101

    8. {MS folio 27a} Doringni immarbáig n-aird.
      re Túaith Dé Danand drechgairg;
      co n-airgfed iat tolaib crand:

      3240] 's na airgfitis a ferand.
    9. Arnabárach dádaig dó.
      ra airg cách uili i n-oenló;
      ra loisc ar mbreith a mbó tra.
      a ndúni 's a ndindgnada.

    10. 3245] Mac mathar Cuind nír chlecht góe.
      Dálach lethet cech lángóe;
      {MS folio 27a 20} inund cumachta ros car.
      inund úaill inund borrfad.
    11. Tecait fir Herend uili.

      3250] co Dálach in degruiri;
      da guidi co tísad leo.
      coro chuired re Cond cóemgleó.
    12. Ragatsa lib imbárach.
      cid duilig lim ar Dálach;

      3255] act co fagbur feib as dlecht.
      cach ní ari ndingen druidecht.
    13. {MS folio 27a 25} Tri chét da chrud cach elgga.
      's íat aigfinda óidergga
      a cascrad is celgg calma.

      3260] can fascin can erlabra.
    14. Tabar a n-oi lib ille.
      ar Dalach i n-óenbaile;
      con n-eolór leo lathar nglond.
      coro chuiriur cath is caemChond.

    15. 3265] Dobertar a n-óe uile.
      i n-óenáitt i n-oenbuile;
      {MS folio 27a 30} cor gab don maig i mbuí in slúag.
      coro leg in snechta sirbúan.

      16. p.102

    16. {MS folio 27a} O sain immach is Mag nOí.

      3270] in magsain can imargoí;
      is on dáilsin dían in smacht.
      atá coiced Ól nÉcmacht.
    17. Condsnecta ó snechta Chuind.
      is ó fertaib co halaind;

      3275] A hséin dúib. aní dia tá.
      Connachta for Connachta. Con.

p.103