Corpus of Electronic Texts Edition
An Liagh i n-Eirinn i n-allod. II (Author: [unknown])
part 2
ACIDULA, OXYLEPATHUM, OXALIS MINUTA.
.i. anmanna an shamhaidh, & adeirid na doctuiridhe an luibhsi
do bheith fuar isin cedcheim & tirim isin .ii. ceim. Et as mór
fhoghnas a n-aghaidh na teine Dhia9, & a brisedh & & eagailteach
(?) trit a ceile & a cur uirre {ms page 331} mur cheirin. Item
brister an luibh cetna, i sugh na n-ubhall trit a cheile,
p.232
& a cur ar in chrecht a mbí aillsi & icidh. An luibli cetna
do bhriseadh, & gealan uighe trithe, & fóiridh at & tesbach
na súl. A briseadh go min & a cur mur ceirin ar in mball
loisgter o theinidh no o uisge & icidh. Sugh na luibhe
cetna do chumusc maille re plur mine eorna, & icidh an
podagra an t-artetica tig o teasaidecht. Sugh na luibhesi
do chumusg maille re holaidh na roisi & a cur mur ceirin
ar in chend & icidh a teinis an tan tig o teasaidecht. An
leibh cetna do berbadh maille re fion dearg & a caitheamh
& icidh flux bronn. An luibh cetna do thabhairt a
n-aghaidh peste na n-inneadh, & marbaidh iad gan
fhuireach.
As maith a caitheamh a n-aghaidh neimhe & uilc na mban
& na bpiseog, & gac uile neimhe eile. Furtachtuigh an
radharc, & coimhedaidh an t-shlainte ona gnathughadh. Et
foghnaidh a n-aghaidh urchoide na mbech & na bhfoitheadh
& na gcon gconfaidh & na neimhe fén. Item aonbhainne
do shugh na luibhe cetna do cur isin chluais, &
fóiridh gac uile bhuidhre.