Pruna, .i. na bulaisighi.11. is aithnigh iat. Natura: fuar a tosach an dara ceim, agus fliuch an deirigh in tres ceime, agus isi an gne as duibe dibh as ferr cum an leighis agus h-airighti an gne re n-abrur damasenica agus o tir aderar hi in tan cnuasaightir abaidh iat bidh brigh fuarta agus sleamnaighthi na n-innid innta[ad]12 agus as uime sin is imcubaid iad is na fiabrasibh gera agus an aighaid constipacion na brond in tan do nitir o linn tirm no te. Et adeir Avicenna gac millsecht bid gurob laidre oibrighit, no folmugaid leanna ruaidh agus is luaithi folmugaid fliuch na tirim agus fedtar a cur an deochaibh fa ímad no fa tirci leanna ruadh. Agus mad tirc é tabartar a deich dib mar dosis agus mad imda o deich is dachad gu ced do reir stipacdachta .i. fastuige in inmeadoin.