Citrini solunt coleram rubiam: .i. folmuigid citrini linn ruad co h-oirida agus began de linn fuar do reir Avicenna, agus is uime sin as imcubaid iat do lucht ictericia agus terciana agus disinteria ar na tabairt maille re h-uisci ar a mbeirbigtir ros agus mirtilli. Gidead mad eigin folmugadh do denam le mirbulani, dentar e maille re h-egla agus re h-innilleas. Agus is uime sin dlegar dragantum do cumusg ris go nach urchoidighi do creactaibh na n-inneadh. Dosis: as i a dosis gu ceithre dragma in tan do-berar an dig an aigidh disinteria e. In tan, imorro, do-berar an aigidh terciana é gu unsa an med is mo.