POLIPODIUM QUIDEM EST HERBA similis filici: i iseadh is polopodium and .i. luib a cosmaileas ratnighi fasas ar dairighib, ar cairgi agus ar ballaibh agus ar clochaibh agus is i an gne fasas ar na dairigibh as feir di agus as i a fremh as ferr, agus as amlaid as amlaid as mait í a beit a dul a n-uainigacht agus aderar do reir Anntidaire maide cnapanach a ndat luata ria, bis a dul a nduibe no a ndeirgi agus as ferr a beit a dol a ndeirgi no a mbughacht agus hi daingin uaine ur.
Natura: te sa dara ceim agus tirm sa tres ceim folmuigidh linn fuar co h-oirida agus linn dub co tanaiste gan gontac gan gortughadh agus