Corpus of Electronic Texts Edition
An Irish Version of Gualterus de Dosibus (Author: Walter de Agilon/Galterius Agilinus)

paragraph 43

POLIPODIUM QUIDEM EST HERBA similis filici: i iseadh is polopodium and .i. luib a cosmaileas ratnighi fasas ar dairighib, ar cairgi agus ar ballaibh agus ar clochaibh agus is i an gne fasas ar na dairigibh as feir di agus as i a fremh as ferr, agus as amlaid as amlaid as mait í a beit a dul a n-uainigacht agus aderar do reir Anntidaire maide cnapanach a ndat luata ria, bis a dul a nduibe no a ndeirgi agus as ferr a beit a dol a ndeirgi no a mbughacht agus hi daingin uaine ur.

Natura: te sa dara ceim agus tirm sa tres ceim folmuigidh linn fuar co h-oirida agus linn dub co tanaiste gan gontac gan gortughadh agus


p.74

da mbrister maille re siucra hi lagaid an bru gan teinneas. Et nod let mar a mbeirbtir hi co ndlegar ní eigin brisis an gaetmaracht do cur maille ria mar ata anis no sil feneil, oir sgailidh an polopodium na leanna a n-gaetmaracht imarchaig. Et as imcubaid hi an aigidh codidiana, agus iliaca passio, agus allapisia agus artetica. Dosis: as leor mar dosis as mo di unsa; agus mar dosis is luga co let unsa.