Corpus of Electronic Texts Edition
Rosa Anglica (Author: John of Gaddesden)

Section 14

14

Is iad so a cuise leth amuich .i. gluasacht saothrach, & tuitim, & bualad & suighi fada a n-inadh rofuar, & combrudh arrsaidh, & gnathugad eiridh romor, & neithi ele is cosmuil riú cuiris an brig a n-anmuinne, amail ata ferg & esbaid collata. Is cuis di, an trath anus imurcach an dileghta tanaiste, no an 3 dileghta, isin corp co n-innurbtur. Furtachtuighi an


p.328

aois cum tuismighti na h-eslainti so, oir is ullum na seandaine cucu, naid na daine oga. Is cuis di, anmuindi in dilegtha, oir in trath eirgid na daine a h-eslainti fada, donít in secran ar follamnugad, & in uair coiscis in eslainti gan a lor dfolmugad dfagbail, oir an lucht aga mbínn briga anmanna ar son eslainti rofada, gnathuigid toitim isin eslainti so.