Corpus of Electronic Texts Edition
Rosa Anglica (Author: [unknown])

Section 12

12

Et is cuis di moran comhnuidhi & sechna oiprighti gnaith, & coimriachtain tar eis morain bidh do caithimh;


p.326

& is trit sin adeir Galen nach gabonn in potogra an drong asa mbentur, & nach maoluid siad, & da derbad curub mor is cuis don eslainti sin do denum, oir ni gabond in potogra na macaim no co ti a aois doib coimriachtain do denum. Et is cuis di fostog na n-imurcach do gnathaig do legin uada, mar ata fuil mista ac mnaimh, & flux, & sechna na cuislenn tar eis an gnathuighte. Et is da cuisibh raoth, no leimnech {folio 44a} no imurcach marcaighechta, no siubul laidir tar eis línta, & morán fina dol ar cetlongadh; oir adeir Avicenna co ngortuighand sin na feithid.