Corpus of Electronic Texts Edition
Rosa Anglica (Author: [unknown])

Section 17

17

Mod o fuil deirg bes, dentar siroip na uiola & ní is mo do siroip in fuimitir. Mod o linn ruad doniter h-i .i. cuir ni is mó do siroip na uiola ann, & ní is lugha do siroip in fuimetir, oir is coitcenna siroip in fuimetir indtu ar aon: & uair ánd {folio 42b} is tiugh na siroipi sin & is decuir a n-ol. Masedh dentur in deoch so da ndilegad .i. gab sugh samhaid, ae abha, & simsoga, lan duirn de gach ni; & 4r puint do sugh fuimetir; & blath borraitse & sal cuach, ros, ʒ de gach ni; & ceathruma co leit do siucra, & 4 dfigeduibh tirma, & dentur siroip dibh & gnathaig & dilegid aú t-adbur, ce mad o fuil deirg no linn ruad bes.


p.314