Corpus of Electronic Texts Edition
Rosa Anglica (Author: [unknown])

Section 2

2

Is cuis don eslainti só mar adeir Hali, an trath innarbus an naduir imurcach fola deirge, no fiabrais continoidigh , tic o cin lenna isin duine a mbí ní don fuil mista no fuil truaillnidhe doni fiuchad cum imil an cuirp, & is as sin doníter an eslainti re n-abur uaroili .i. in bolgach, & is on fuil mista doniter hí. Et adeir Aueroes nach bínd duine nach gabunn bolgach, & is iad a briatra: o ta brig indarbtach uile ball noch cuires a imurcach uada cum boill ele, is as sin doniter in bolgach & in bruitinech, & trit sin ni teid duine uaiti gan gabail, & da ngeinter duine a n-aimsir na fola mista is andum téid se as gan lúbra no galar grainamail.