Corpus of Electronic Texts Edition
Rosa Anglica (Author: John of Gaddesden)

Section 14

14

Et da ngaba cosachtach fer in atcomuill, is comartha midochuis . Et adeir Serapion da ti sele drochdatha, drochbalaidh


p.278

leisin cosachtaigh gurub drochcomartha. Cuigi sin aderimsi co fuilid da cosachtaigh and .i. cosachtach tirim & costachtach fliuch, cibe acu sin o tic se, on rema no o adbur na h-eslainti. Mad. on rema tic, ni marbtach, & mad o adbur na h-eslainti is marbtach. (&) Trit sin adeir Ipocras, da lena an cosachtach an t-atcomull is olc he; & da ti roim an atcomull, ni h-olc. Et adeir Serapion, an trath bis tigerndus ag adbur na h-eslainti .i. in atcomuill, an urduil sin co ndein se cumga ochta & anala, signidi sin an bas fo cenn an 3 la.