Corpus of Electronic Texts Edition
Rosa Anglica (Author: [unknown])
Section 120
120
Taiscelta na h-idropise: adeir Aueroes gurub i timpanites gne is mesa don idropis, & adeir Aueroes gurub i
p.276
alsites is mailisighi, & yposarca is etroma & timpanites is medonach. Et is cuigi aderim gurub i timpanites gne is mailisighi & is mesa cum leighis dibh, oir doniter o fuacht anmuind hi, anmuidighes an tes, & o tes luaimnec , & trit sin ni fidir liaigh na fisigi uair and cad dodenadh se ria, oir da curtur neithi te cuici, meduidhi adbur na nao, & in gaili, & doní itta: & da curtur neithi fuara ris coimedhuighi an gaotmuirecht & remruighid na boill: & da curtur neithi fuara arna h-aoib, meduighe an gaothmuirecht; oir furtachtaighid na h-ao an gaili cum an dileghta & da n-anmaindigter na h-ao, anmuinter an dileghad, & is as sin doniter an gaothmuirecht. (&) Is mesa alsites do reir aicidig na timpanites, no fetur a rad gurub mesa alsites do reir leighis medhonaigh, & is mesa {folio 38a} timpanites do reir in leighis let imuich.i. do reir gearrtha [add.]§; oir is andsa gaili bís an atmuirecht & da ngerrtur sa cuid tana é, is bás gan cunntubairt.