Corpus of Electronic Texts Edition
Rosa Anglica (Author: John of Gaddesden)

Section 8

8

Masedh ni fuil acht da gne {folio 37b} ar comarthaibh na h-idropise comartha dilis & comartha coitcind, noch ata na comartha dilis and co coitcind .i. attmuirecht na cós & na mbónn & drochdath arin corp uile: & atmuirecht na sul ar son anmuinne an tesa nadurtha, & lo na h-innurbtur an ceo cum poiridh an cuirp ar son anmuinne na brige indarbaigti indurbtur iad cum na mball uachtarach, on brig arna cur, & los anmann an dileghad and sin, & in tes nadurtha, impoigh cum na cos, & doniter an gaothmuirecht & an atmuirecht.