Corpus of Electronic Texts Edition
Rosa Anglica (Author: [unknown])
Section 5
5
Et aderim co cumuir co fuilid 8 cuisi generalta, noch bacas siubal na spirut cum na feithid. An cetcuis dib .i. deroilecht & tercacht na spirut in tesa nach {folio 34b} fétund siad imdugad na sgailed na feithid . An 2 cuis .i. imurcach fuachta condmus & coimcenglas an feith. An 3 cuis imurcach tesa
p.250
diansgailes an spirut, mar atait fiabras loisce no imurcach comnuidi a fothracad roté. An 4 cuis tirmuiges casas na feithi & is olc an cuis sin. An 5 cuis fliuchaidacht gan adbur deis a techt cum duinti. An 6 cuis rocumgugad & cengal an boill. An uii cuis dunadh, cibe dib cuis o mbía, ce mad o fuil deirg ar son a h-imuid; no o linn fuar ar son a rigne; no o linn dub ar son a rigne & ar son a reimhe; no o linn ruadh ar son a seimhe aga fuilairim arna lennaibh ele re cumsgugad do denum a tollad rempu arna cumusc . Masedh o doní linn dub dúnad, ni fuil slige follus trit na feithib a n-ingnuis feithid na sul & in boill ferrda, mar adeir Galen. An 8 cuis .i. cruas & reime na feithid.