Corpus of Electronic Texts Edition
Rosa Anglica (Author: [unknown])

Section 3

3

Et adeir Avicenna co n-abur pairilis o comhrad coitcinn & is inann and sin h-i & bogad cibe ball a mbí, & aindsein aenaighidt an da taeb a n-egmuis rann an cind, oir da n-aontuighe


p.248

a randuibh an cinn, ni pairilis hi, acht apoplexia, oir bactar ann sin gluasacht & rathugad. Et aderur pairilis o comrad diles, & is inand hi and sin & bogadh a neachtar do da leth ar fad an cuirp. Masedh is i is pairilis uilidi and, an trat gabus let in cuirp a n-ingnuis leit in cind. Et ata pairilis is uilidi na sin and .i. in trat gabus leth in cuirp ar fad, & let an cind; oir atait randa an cuirp & in cind arna ndélugad co fetur rand dib do cinntugad & gan a rand ele: & is ime sin d'orduigh an naduir 2 suil & 2 laimh. Et ata pairilis rouilidi and, an trath gabus an corp uile a n-egmuis let an cind, mar adubrumar romuind.