Corpus of Electronic Texts Edition
Rosa Anglica (Author: John of Gaddesden)

Section 3

3

Et tuic co fuil arin medhon .i. ar tus croicind imellacha, & leth istigh de sin an sicne re n-abur mirac, & leth istigh de sin sifac & leth istigh de sin sirbus & leth istigh de sin, na h-indi fein. Et mar deluides an sgairt cleib itir na ballaibh ailemnacha & na boill spirutalta; is mar sin doni sifac itir na ballaibh ailemnacha & na h-indi, & na boill tuismigtecha {MS folio 33a} ata se mar sác a condmail na n-indidh a n-airdi: & trit sin an trath brister é, toitid na h-indi sis. Et in trath sines se, bi att & teinnes isin fordrond, & is andum toitid siad ann sin cum soigthighi na n-uirgid gan teinnes, gan fiabras, & is i sin is errnia firi and. (&)