Corpus of Electronic Texts Edition
Rosa Anglica (Author: John of Gaddesden)

Section 10

10

Item toburtur neithi da ol , & gairgrisim: & curtur ainnsein triacla ar a tengaid, & da feta, sluigedh é. Do tobairt a cuimne doib, dentur lictuairi do lignum aloes, & do casia linéa, & in 3 cuid d'eufoirbium, maille peletra & re mil tritu: & tobuir doib becan deis a ceile. Et berrtur cul in cind aindsein,


p.234

& coimilter co cruaidh, & fuilidhter air, & coimilter a cetoir na neithi cetna de, arna mberbad. Mad comsuigigthi an cuis, gab ros & sail cuach & comamil & suimsoga , & berbtar iad, & coimilter co h-athgerr do cul an cind: & tirmuigh a cetoir.