Corpus of Electronic Texts Edition
Rosa Anglica (Author: John of Gaddesden)

Section 5

5

Is iad so comarthai na h-eslainti sin do leith a taisgelta .i. dath dub gorm ar in aigid, & att & gluasacht anordamail, oir is dilis na neithi sin indtu. Item mad saothrach é, & moran do caithimh, & imurcach saindti air cum tuillid do caithimh, & neithi nach aluinn do labairt, & a seile do cur amach co gnathach, is comartha bais; & co h-airighi da mbia allus fuar arin aigid & arin muinel. Et da mbeit {MS folio 32a} na comarthai sin gan tiacht is derb co fetur a leighes.