Corpus of Electronic Texts Edition
Rosa Anglica (Author: John of Gaddesden)

Section 79

79

Et doniter an néscoid fuar o cuis leth imuich mar ata, fotrugad uisgi fuair & gaoth fuar, & o suighi ar cloich fuair, & o biaduibh fuara rigne, amail ata baindi & imurcach tortha; & doniter o cuis leth istigh hí, mar ata fostog fuail, & ro-imurcach lennann ;


p.220

& is iad so a comurthai sin .i. tromdacht isna ballaibh ichtaracha, & uair and fiabras, & cuiridh neithi fuara ar intí ara mbi. Madh nescoid cruaid hí, bí cruas isin fordrond & a mbel an maclaig, & tromdacht a ngluasacht na mball, & co h-airighti a souena & a cuislennaib in ailt: & ni h-inánd hi & mola matricis, oir da curtur lamh co cruaidh uirridhsi, gluaisidh si on inadh co ceile, mar do beith toirrces and.