Item secainter indtu sin neithi fuara laidiri sdipicda no frithbualtacha, frithbualas in t-adbur cum na mball inmedhonach oirida, & na ramruige an t-adhbur co romor. Item secainter neithi diansgailteca rote, indus na lasand an t-adbur te, acht curtur neithi tirma fuara gan losgad, a mbia becan attairrngti riu, mar ata cruach Padruig & min eorna & aran brain & ailim maille h-aigeit. Tuic mar riaguil coitcind, gach uile leiges filuin co leigisind carpungculus.