Corpus of Electronic Texts Edition
Rosa Anglica (Author: John of Gaddesden)

Section 63

63

Antrax .i. nescoid neimnech doniter ona lennaibh arna


p.210

losgad, & is e a h-ainm tre Berla .i. filun, & ni commor loisces na lenna and & isna nescoidibh re n-abur carpungculus, ina mbínn moran do dathaib .i. dath buidhi & dath dubglas & dath mar raithlean, ar son fola deirgi, & lenna ruaid arna losgad & ar n-impod i naduir na neimi, & lenna duib, & doni crechta. Et is ime aderur antrax, oir is inann antrum tri Laidin {MS folio 29b} & umha no clais a Gaedilg, oir donít clais san inadh a mbí: & is cosmuil leiges doibh sin maille cuislennuib & re purgoidib, & is eigin na lenna uile do tairring and, oir cinntaigid na lenna uile ann sin. Tuic nach du a foslugad, no co folmuigter an t-adhbur & nach fagand slighi cum a n-indurbtha ar son imuid in adhbuir, indus co téid cum an craidhi [&] ar son an teinnis marbaid , mar do conduc duine ara roibi baindi dubh don cinel sin, ar ndul decc arna osglugad no le snathuidh.