Corpus of Electronic Texts Edition
Rosa Anglica (Author: John of Gaddesden)

Section 49

49

Item gach uile nescoid asa tic fuil no sugh uaine roim in sechtmad la, mina brisi co foreiginech, signidi sin bas, oir ní fetunn in naduir adbur na nescoidi dindurbad co h-opund maille dilegad raoda eigin leth imuich don naduir, oir ni foghnunn an dilegad doni in naduir i tosach in adhbuir: gid edh da ti moran do comarthaib maithi uadha na diaig, ata a n-aicid nach testuigenn co luath .